وبحمد الله وصلنا للاراضي المكسيكيه



بالتحديد كوزيميل



كوزيميل او كوزيوميل تعتبر ثالث اكبر جزيره مكسيكيه .. وتقع على البحر الكاريبي ..
قاموا بتسميتها بهذا الاسم المايان الذين كانو يعيشون فيها..
حضاره المايا لازالت موجوده في كوزيميل وفي مدن ثانيه في المكسيك وتعتبر وجهه سياحيه خصوصا لمحبي التعرف على الحضارات ..
..
المساحه والسكان
تبلغ مساحة كوزيميل 647 كيلو متر مربع .... ويبلغ عدد سكانها 100 الف نسمه حسب احصائيات عام 2011 ..
..
تبعد كوزيميل عن كنكون 90 كيلو متر .. ووسيله المواصلات بينهم السفينه او الطياره ..
..
درجة الحراره
تتراوح درجه الحراره في كوزيميل في شهر ديسمبر مابين 20 و 28 درجه مئويه وتنخفض حتى تصل الى 19 درجه في شهر فبراير..
اقل درجه حراره سجلت في كوزميل كانت 9 درجات مئويه في شهر فبراير واعلى درجه كانت 39 درجه في شهر جولاي ..
..
اللغه
اللغه الرسميه الاسبانيه ، ويطقطقون انجليزي

العمله



العمله الرسميه هي البيسو ..
1 دولار = 13 بيسوس
ويقبلون الدولار الامريكي

صوره لدرجه الحراره فيها


..
من هنا تقدرون تقولون بنبدى بالجد

قبل مانبلش ب كوزيميل .. احب اشكر جوالي اللي تحملني


ابد مو مكسور ووصخ وحالته صعبه

وكاميرتي اللي لازمتني في حلي وترحالي







مثل ماقلت في اول رد .. حجز الفنادق كان قبل شهرين من الرحله .. وحجز فندق كوزيميل كان عن طريق موقع Groupon
سعر الفندق الاساسي لليوم الواحد 246 دولار .. وكان عليه تخفيض وطلع سعره 104 دولار بس والفندق All inclusive يعني شامل الفطور ، الغداء، العشاء .. وسناك بار مفتوح طول اليوم واشياء ثانيه بوضحها في باقي الموضوع

عرض حلو والا
طلع لنا سعر الفندق لمدة 4 ايام 400 دولار وشوي


..
اسم الفندق Allegro و هنا موقعهم
..

وصلنا للمطار الساعه 12 .. وكان المطار مره صغير .. عباره عن صالتين .. وحده فيها الجوازات والتختيم وسير الشنط .. والثانيه الاستقبال وللاسف ماصورت..
اول ماوصلنا وقفنا في الطابور ننتظر دورنا .. وبعد تختيم الجوازات رحنا ننتظر الشنط .. شوي جتني وحده تبع الخطوط وقالت وش عائلتك .. قلت لها الفلاني قالت وزوجك الفلاني ! قلت ايه وماكنت مرتاعه ابد .. قالت فيه شنطه نسيناها في ميامي .. انا كنت انتظر مصيبه اكبر .. يوم قالت كذا هان علي الموضوع وقلت لها طيب عادي قالت بنوصلها لكم اليوم العصر او بكرا ..
مثل ماقلت اول كان معنا شنطتين في الشحن وكرسي السيارهة.. شنطه لزوجي .. وشنطه لي انا وبنتي .، واحنا ننتظر الشنط طلعت شنطة زوجي وللامانه ضاق صدري لان شنطة بنتي اهم الا شوي تطلع الشنطه الثانيه .. وطلع اللي ناسينه كرسي السياره ومو اول مره ينسونه لنا تجارب سابقه معهم ..
اخذنا شناطنا وتوكلنا على الله وطلعنا لصالة الاستقبال علشان نشوف لنا احد يودينا للفندق .. شوي الا يكتشف زوجي انه ناسي جواله في الطياره .. في الجيب اللي قدام المقعد وراح لهم علطول وبلغهم وللاسف انزرف قلنا مو مشكله وبرضو مو اول مره ينساه في الطياره هذا ثاني جوال ههههههههه ..
اخذنا شناطنا قلنا لهم نبي احد يودينا الفندق .. قالوا فيه باص ب 23 دولار .. ركبنا الباص وكان معانا كذا عائله بيروحون فنادق مختلفه .. وكنا ننتظر اخر عائله تركب علشان يمشي الباص .. الا يجي واحد ويقول لزوجي انت اللي مالقيت جوالك .. قال ايه .. قال تعال معي .. انا انبسطت قلت اشوى لقوه بس للاسف قالو مالقيناه ومدري ليش نادوه
..
انطلق الباص وكانت المده بين المطار للفندق 20 دقيقه تقريبا .. ولاصورت الطريق لان كنت جالسه بالنص ولايمديني اتحرك ..
ووصلنا الفندق وهذي صور للريسبشن واللوبي








شجره الكرسميس في كل مكان

ومجسم مريم وعيسى برضو في كل مكان ..



اول ماوصلنا كانت الساعه 2 وشوي .. قالو التشيك ان الساعه 3 روحوا تغدوا الين تجي الساعه 3 .. رحنا تغدينا ورجعنا لهم
حطو في يدنا اساور علشان ندخل المطاعم هناك وناكل .. واعطونا 3 بطاقات مثل بطاقات فتح الغرف بس كانت للمناشف .. اذا ضاعت البطاقات لازم ندفع لهم .. ولانقدر ناخذ مناشف للبحر الا بهذي البطاقات ..
ورحنا لغرفتنا وهذي صور من الطريق ..





المنتجع عباره عن اكواخ . كل كوخ فيه 8 غرف .. 4 فوق و 4 تحت



ووصلنا كوخنا



وهذي غرفتنا من برى والصوره مو من نفس اليوم