Los Angeles

تسمى المدينة الحالمة
ومسمى اخر وهي مدينة الملائكة
والمدينة الترفيهية للعالم
بصراحة يوم رحت لها اكتشفت ان امريكا تحب شعبها وموفرة لها كل وسائل الترفيه
الى جانب الديمقراطية والحريات اللي يتمتعون فيها
الله يخلف علينا بس


وصلت هناك من لاس فيغاس عن طريق طيران فيرجن واخذت الرحلة ساعة فقط
طبعا هناك ماستاجرت سيارة لان قابلت خويي وشفته هناك فقط 4 ايام وفسحني ووداني لاهم الاماكن
اخر الايام قضيت مشاويري مع تاكسي وبعض الايام ماحتجت فيها السيارة وجلست اتجول بالمنطقة اللي هي سانتا مونيكا .

سانتا مونيكا هي الخيار الاول للسكن
منطقة جميلة وعلى البحر وطول النهار غيوم عكس بيفرلي هيلز من الصبح والشمس تضرب فيها مدري ليه الجو فيها مختلف كان !
وفوق هذا فيها مقاهي ومطاعم قريبة وسوبر ماركت
باختصار لو تجلسون فيها 3 ايام ماتملون منها ولا راح تحتاجون فيها لسيارة


اول ماوصلت سكنت بفندق Montage Beverly Hills مدة 4 ايام
والفندق الثاني The Peninsula Beverly Hills مدة 3 ايام
واثنينهم بمنطقة بيفرلي هيلز

واخر فندق اخذته Viceroy Santa Monica ليلتين فقط
4 نجوم ومستهلك كان ومعطيني غرفة مع اطلالة على البحر ولا تهنيت فيه من ازعاج السيارات والدبابات والشاحنات فترة النهار وحتى الليل لكن اخف شوي في الازعاج

اترككم مع الصور












مسبح فندق مونتاج








اطلالة الغرفة





السبا غرفة الاسترخاء








الوقت الفجر كان