منتديات رياض الأنس - عرض مشاركة واحدة - رحلتي الميمونة لبلاد العم سام ( نيويورك -لاس فيغاس

11-11-2018, 09:37 AM

السلام عليكم ورحمة الله وبركاتة

كنت متردد صراحة انزل التقرير لصعوبة تصغير وتحجيم الصور والوقت اللي راح تاخذها !
لكن مع تطبيق الاقلاع الجديد اشوف ان الموضوع اصبح ميسّر

ولو ان الصور اشوفها كبيرة حبتين لكن مو لدرجة تشوية الصفحة

الرحلة كانت في اواخر مايو الماضي
عن طريق محبوبتنا الاماراتية

البلدة الاولى اللي زرتها كانت نيويورك

كثير ناس خوفونا بمطار JFK ! مابالغ عليكم انها كلها 5 دقايق اجراءات واخذت شنطتي وانا برا المطار مع انها اول زيارة !
نيويورك ارتحت فيها جدا ولا احتجت فيها لا سيارة ولا تاكسي
الاهم نكون ساكنين في مانهاتن وبمنطقة قريبة من السنترال بارك
سكنت في فندق The Surrey فندق 5 نجوم وصغير وقريب من متحف متروبوليتان وشارع الفيفث افنيو

باختصار نيويورك مدينة لا يعلى عليها مريحة للسائح وصاخبة وممتعه وكل شي متوفر فيها
كثير ناس يقولون يكفيها 4 ايام !
بالعكس فيها اماكن ومعالم كثيرة صعب جدا نستكشفها في 4 ايام
اسبوعين ويادووب حتى

اخليكم مع الصور لهاليوم
صور لرحلة الطيران من دبي لنيويورك والسكن
وبكرا راح نكمل معاكم عن بعض الاماكن اللي زرتها بنيويورك ومع صور اكيد

فندق بلازا
طبعا هم حاطين علم السعودية لان المالك هو الوليد بن طلال
فندق مشهور وتصور فيه افلام كثيرة اشهرها
home alone2
وعطر امرأة ال باتشينو

فندق بلازا من الداخل

مجوهرات تيفاني
هنا بنفس المكان وقفت الممثلة الاسطورة اودري هيبورن
بفيلم افطار عند تيفاني

متحف متروبوليتان

المتحف من داخل

قاعة جلوس من القرن ال١٧ بكامل اثاثها وتحفها