هذه جامعة ريكيو ،، بعض أخوياي درسوا فيها وأخذوني لها

















صراحة كنت دونات وحلى ومشروبات في ستاربكس خلتني أخصص ميزانية خاصة لستاربكس هههه



هذي قائمة الطعام في اليابان ،، ركزوا على بنص القائمة على اليمين ،، فيه هالكلمة スマイル وقيمتها صفر ،، الكلمة اليابانية معناها سمايل "ابتسامة" ،، يعني تقدرون تطلبون ابتسامة ههههههههههه طبعاً ما دريت عنها إلاّ قبل كم أسبوع ،، كنت أحاول اقرأ القائمة وصديق ياباني يساعدني وقال لي عنها ههه








آخر أيام كأس العالم عشتها باليابان والمباريات كانت على 2 و 4 الفجر ،، وأنا محب للأرجنتين منذ الأزل ههههه واسم عضويتي يؤكد هالشيء



المهم قبل المباراة النهائية وأنا خويي نبي نشوف المباراة مع ناس وبمكان عام المشكلة ما أحس بأجواء كأس العالم باليابان لأن منتخبهم طلع ،، المهم قلنا شكلها بالفندق لكن قرب محطة شيبويا كان مليان مشجعي للأرجنتين سواء أرجنتينيين أو يابانيين أو غيرهم وكان فيه شوية ألمان ،، عاد قررنا نقعد معهم ونلحقهم نشوف المباراة ههههههه







هالمهبول ألماني مخربها ،، داخل بين الأرجنتينيين ويشجع ألمانيا بالإسباني









وكما يعرف متابعي كأس العالم انهزمت الأرجنتين وفازت ألمانيا

عاد بعد المباراة وأنا بالطريق للفندق قابلت ألماني وبدينا نتكلم وبالأخير خذينا صورة ،، عاد وأنا ابتسم للصورة إلاّ أحس شيء على خدي خخخخخ



وبعدها رجعت وأنا تعبان وطقيتها نومة وكانت آخر يوم لي في طوكيو











عاد الوجهة القادمة كانت لـ أوساكا ،، حجزت التذكرة اونلاين واخترت باص درجة بزنس قيمتها حول 270 ريال والرحلة من حول 12 لين 9 ونصف ،، وفرت على نفسي قيمة الفندق


الصور من موقعهم