ثم رحنا هاروجوكو "Harajuku" ومشهورة هالمنطقة بـ ثقاقة الأزياء المختلفة للمراهقين يعني تشوفون ناس لابسة نفس لبس حق الإنمي ولباس غريب ،، ما اهتميت صراحة إني أتواجد بالعطلة الأسبوعية عشان أشوف هالمراهقين هههه



مش حقيقي هههه



















عاد المكان ما كان مشوّق بالنسبة وقلت خلنا نرجع ،، وحنا بالطريق كنا نتكلم عن اللغة الصينية واليابانية بحكم إني تعلمت شوي صيني وهو تعلم ياباني ومدى التشابه ،، عاد فجأة التفت علينا وحدة "صينية" كانت تسمعنا من 5 دقائق وتسألني "تتكلم صيني؟" بالإنجليزي عاد انتهت الأجوبة والأسئلة الفضولية إننا نروح كلنا نتعشى ..











أوكونومياكي - Okonomiyaki

وقبل ما انهي الرد ،، أول ما وصلت محطة شينجوكو وكنت تعبان وواقف بمكان أدوّر واي فاي ،، إلاّ تجي وحدة هندية أو نيبالية وتقول هنا من مؤسسة ونجتمع تبرع للأطفال ،، قلت لها ما عندي كاش ،، هنا خلاص المفروض تنقلع ،، نشبت زيادة وقال أرجوك تبرع هذا للأطفال وهم محتاجين ،، أنا هنا ما أحب هالنوع من النشبات وكنت تعبان ومالي خلق ،، قلت لها أنا ما قلت لك ما عندي كاش؟ قالت أيه قلت طيب كيف أتبرّع وأنا ما عندي كاش؟ قالت أي شيء عندك قلت ما عندي شيء وترى أنا تعبان وتوني واصل ،، مسوية تبي تلطف الجو وتقول أنت هندي؟ ههههههه (بحكم إني مبتعث بأمريكا وأقابل هنود كثير ،، هنود شمال الهند قريبين جداً من أشباهنا كبشرة وملامح وجه) قلت لا ،، قالت من وين قلت من السعودية ،، قالت إيه من عيونك واضح إنها عربية (يعني الحين لازم تتبرع لأني مدحتك هههههههه) قلت شكراً ومع السلامة وهربت منها هههههه ،، هنا أنا خفت وقلت لا يصيرون هالأشكال بكل مكان في طوكيو لأني شفت هالأشكال كثير في إسطنبول وأقرفوا عيشتي ،، وأنا صراحة ما أقدر أطنّش اللي يكلمني ما عندي هالميزة الشينة هههههههههه المهم هذا كان أول موقف لي في طوكيو بس الحمدلله هالنوع من الشحاذة كان أوّل وآخر مرة!

وانتهى يومي الأول في طوكيو ونمت أحلى نومة