منتديات رياض الأنس - عرض مشاركة واحدة - رحلتي لماليزيا من الجزر الى الغرب الى الشرق الى الجنوب الى الشمال

11-07-2018, 03:01 PM

لم اكمل اي عرض اشاهد البداية ثم انصرف عنهم
حتى عروض التماسيح والفيلة لم اشاهدهم
اعتقد انها كانت تبدأ الساعه 3 عصرا
واحنا بعد عرض السيارة المتنقل داخل الحيوانات غادرنا السفاري
واتجهنا للملاهي والحمد لله ان الاولاد انبسطوا منها

يوجد هناك بالسفاري فيل تدفع 10 رنقت للشخص
وياخذ بك لفة قصيرة
تقريبا مدتها خمس دقائاق
كان لمشاري واخوه التجربة

كانت اخر جولة لنا هي سيارة التنقل داخل السفاري
وبمقربة من الحيوانات

والله ياهو غشيم اللي يسوق الرصيف قدامة وهو عاااادي يخم الجدار ولا همة

طبعا انواع الاكشن بالسيارة
بسبب الازدحام الاخوان بالسفاري شغلوا سيارة كانت متعطلة
واقول عسانا من ناخذها الا وصارت من نصيبنا السيارة
تخيلوا وين طفت علينا على مدخل الاسود

اكثر من مرة تتوقف السيارة وبالكاد ان تشتغل
يعني فرحتك بالجولة صارت قلق متى نرجع

وهذا اول موقف صارت هوشة بين صيني وواحد خليجي
بسبب التاخير والوقوف الطويل صار كل واحد يبي يركب بسرعه
واعتقد ان الصيني كان مضايقهم بمحاولة ان يجلس ويحجز لمن معه

تلاحظون ان خوياه ماسكينه

ولدنا الصغير توخق الضعيف مع الاندفاع
صار بالنص

بعد ما انتهت الجولة قلنا نبي نتغدا بالوجبات المجانية اللي معنا
قبل ما نغادر لان المطعم موجود بالسفاري
واذا خرجت لا تستطيع العودة

بعد نهاية الغداء واثناء انتظاري لبقية العائلة
وعند مقاعد المطعم واشوف اللي فوقي
كان جاي مع مدربه ووقف شوي عندي

الان نتوجة للقسم الاخر وهي الملاهي المائية
وعلشان تروح للقسم عن طريق هذا المحل
تدخل من جهه وتخرج من الجهة الاخرى
( شغلة تسويق )

اول ما تخرج يوجد كم محل لمستلزمات السباحة وقبل الدخول

مجرد ان تدخل الملاهي تجد على يسارك
مكتب تاجر القوراب وتاجير صناديق الخزائن

افضل نوع من الزحاليق

كانت مسببة لمشاري واخوة مشكلة
يعتبرون اثنين ولكن من شروط اللعبة لازم القارب يكون فية اربعه

ما انتهبت للوحة الا لما رحت اتفاهم مع المسؤول عن اللعبة
اشوف العالم بعد اولادي يقدمهم وهم باول الطابور

رحت له سلامات لية موقفهم وهم اول الطابور
قالي لازم يكونوا اربعه اشخاص ولا ما يركبون
طيب ركب اي اثنين من بعدهم معهم رفض
يقول مافي احد يبي يركب معهم كلهم قروبات
وانا وهو شيل وحط
اعرف ان الحق مع مسؤول اللعبه ( هذا قانون اللعبة )
بالاخير اقول للي وراء نبي اثنين مع الاولاد
فيه ثنيتين من الماليزيات المحجبات الله يجزاهم خير
قالوا احنا نركب معهم
بعدها عيالي ركبوا مجاملة ولا عاد قربوا للعبة
يقولون لازم اربعه

مشاري صاعد ومعه اهل الفزعه

قسم خاص للاطفال الصغار

هنا كان الاستمتاع الاكثر وهو الموج الصناعي
تقريبا كل نصف ساعه تاتي موجة

طبعا كان موجود نسبة كبيرة من العوائل العربية والخليجية بالتحديد
هنا كان موجود مجموعه من قروب اولاد ومعهم اثنين من المسؤلين عنهم
شاهدتهم وقت المغادرة من الملاهي ركبوا باص 52 راكب
كانوا قروب

هذا الولد الله يصلحة كان مسوي اكشن بالسباحة
مع صوت الموسيقى الصاخبة
معظم من كان موجود متوقف بمكانه بسبب ازعاجة
حتى كان يقول لخوياه لازم نسوي اكشن

هههههه احد ضحايا الولد الاكشن

وهذه الجلسة على النهر بمقابل مادي

بعدها ووقت سباحة الاولاد ذهبت استكشف بكامرتي بقية الملاهي