اليوم الثالث 12/8/2013
رحنا قمة Pfingstegg في قريتنا Grindelwald
والقمة فيها زحليقة ومطعم ومطل جميل على القرية
الجو كان مشمس وحلو ولما وصلنا فوق كان برد برد والحمد لله العيال كانوا لابسين جاكيتات
لاحظت في هالقرية حتى لو الجو مشمس بس تطلعون اي قمة الجو هناك يختلف فضروري تسون حساب الجاكيتات وخاصة للأطفال وحتى الكبار ومن اول رحلة استخدمنا بطاقة سويس هاف فير وكان الدخول بنص السعر وعيالي بدون اي رسوم















وبعد ما نزلنا ورجعنا الشقة اش صار
جاسم فديته مرض وقام يرجع الله يعزكم واظن الفيروس ماخذه من الدوحة وبدأت المأساه اش صار الفيروس هذا انتقل للكل ما عدا شغالتي ما شاء الله تبارك الرحمن ما اعرف اش ياكلون هالاندونيسيات مناعتهم قوية والمرض كان يوم كامل الم في الجسم وفي الراس مع اللوعة والترجيع ومسكينة هالشغالة بس تنظف والحمد لله انها ما مرضت وانا وبوعبدالله طحنا في الفراش اليوم اللي بعده وعيالي بعضهم نفس اليوم وبعضهم اليوم اللي بعد بعده والحمد لله على كل حال
المهم اليوم الرابع ما طلعنا كنا في الشقة

واليوم الخامس 14/8/2013 جبل هاردر كلم Harder Kulm
تمينا في الشقة لين بداية العصر انا وبوعبدالله صحصحنا واثنين من عيالي كنت حاسة خلاص ما اتحمل اقعد في الشقة ولا دقيقة فاقترحت على بوعبدالله نروح نتمشى شوي في انترلاكن ورحنا هالجبل الصراحة انصح تروحون هالمكان وبقوة ولازم يكون الجو مغيم والاطلالة على انترلاكن راااااائعة جدااااا هناك نسيت كل شي حتى عيالي اللي كانوا في الشقة
وطلعنا فوق بالقطار المعلق وفي القمة في مطعم واطلااالة راااائعة وشوية العاب بسيطة للاطفال















هذا المطعم

















وبس رجعنا الشقة في هاليوم بسرعة

وانتظروني مع شلالات جس باخ و تجربة عيالي مع البراشوت في الحلقة الجاية ان شاء الله