10-28-2018, 02:28 PM
|
#1
|
|
بيانات اضافيه [
+
]
|
|
رقم العضوية : 1095
|
|
تاريخ التسجيل : Oct 2017
|
|
العمر : 49
|
|
أخر زيارة : 11-22-2018 (07:57 AM)
|
|
المشاركات :
12,670 [
+
] |
|
التقييم : 1432
|
|
|
لوني المفضل : Cadetblue
|
|
رحلتي العائلية الرااائعة إلى الأراضي السويسرية 2013
السلام عليكم ورحمة الله وبركاته
واخيرااااا تحقق الحلم وشفت سويسرا الجميلة 
وبدون مقدمات في البداية أحب اقدم هالتقرير البسيط إلى هذا المنتدى الرااائع اللي استفدت منه الكثير والكثير واتمنى أن يكون التقرير ممتع ومفيد 
وأحب اتقدم بالشكر الجزيل إلى المشرفين اللي ما قصروا معاي اخوي ربيع الصحراء اشكرك جزيل الشكر على الاحداثيات اخوي يوما ما سنلتقي اشكرك على المعلومات وعلى تجوابك واشكر اختي الغالية دموع الوجد واشكر اخوي رجل شرقي على مواضيعه المفيدة اشكر كل الاعضاء اللي حطوا تجاربهم ومواضيعهم المفيدة
الرحلة كانت الدوحة -> زيورخ والرجعة من رست الى مطار زيورخ -> الدوحة
16 ليلة في سويسرا من تاريخ 10 اغسطس الى 26 اغسطس وست ليالي في رست الى تاريخ 1 سبتمبر
و الله كتب أن نسكن في قرية جريندلوالد Grindelwald بعد ما خونت فينا صاحبة الشقة اللي كنت حاجزة في البداية تخيلوا انا حاجزة من اشهر طويلة ودافعة المقدم وقبل السفر يمكن بشهر تطرش لي رسالة انها باعت شقتهم وهم ساكنين الحين في هالبيت وانها تبي ترجع لي المقدم الصراحة صحت صياح من القهر وبغيت اذبحها  وقلت مستحيل في هالوقت الضيق بحصل شقة والحمد لله اختي دموع الوجد طرشت روابط وواحد من هالروابط حصلت شقة فاضية في هالقرية لين تاريخ 26 اغسطس
وهذي الشقة من تصويري
الشقة حلوه ومكانها حلو والاطلالة حلوه فيها 4 غرف نوم والله يعزكم حمامين وصالة ومطبخ وبلكونة وغسالة
والحين بنزل الى الدور الأرضي
الاطلالة
وفي غرفة اظن نسيت اني احملها
وان شاء الله بكره راح اتكلم عن بطاقة سويس هاف فير ومن وين خذناها وراح احط لكم صور هالقرية الجميلة اللي سكنا فيها
|
|
|
|