اليوم السابع يوم الثلاثاء

صحينا بدري والجو يجنن غيوم وامطار

وكان برنامجي اليوم عبار عن

Hydrotherapy

التعذيب بهوز الماي وهاي المره الثالثه

كانت جلستي الساعه 9.15

Exercises in swim

رياضه في حوض السباحه

وكانت الساعه 10

Anticellulite massage

وهاي من أحلى جلسات المساج واللي فيها فعلا فايده

وهي مساج السايلولايت

ومدتها تقريبا 40 دقيقه وكانت تسويلي من البطن لين الركبه

وكنت أباها تسويلي فيه ايدي بعد بس تقول مطلوب مني هالمكان بس

وهي تستخدم في هالمساج نوع من الكريمات الخاصه بتذويب الشحوم

سرنا تغدينا في هالوقت

نسيت أصور الغداء

أكواب الحجامه اللي خبرتكم عنها والخاصه بكتفي

الساعه 2.20

ويايي ساروا عني يمشون ويالقروب

وانا محرومه

وهاي هديه منهم

استكشفت المول اللي عدال فندقنا وكان صغير فيه محلات ملابس


وبقاله ومطعم وصرافه غيره












أسعار الصرف

كارلوفاري

أنا تمشيت من صوبين


من جهة اليسار واليمين

تنس فكرته حلوه

بعد مارجعت سرنا تعشينا في الفندق





اليوم قررنا نغسل ثيابنا وهاي ثاني مره نسويها من يينا


ندفع للفندق 250 كرونا وناخذ غرفة اللاندري 4 ساعات





عيوب الغرفه انه مافي تكييف ولاشباك نقدر نفتحه و4 ساعات


ونحن نغسل ونكوي والباب مسكر


فطسنا من الحر

في المره الاولى كنا بروحنا ويلسنا لين الساعه 2 بالليل

تعبنا وايد ولازم مانتعدى الاربع ساعات

فيلسنا نكوي كل اللي عندنا

لأنه ماعندهم كوايه وقالوا اذا تبون لازم تأجرون غرفة اللاندري

ملاحظه

هاتوا كوايتكم وياكم

بس في المره الثانيه كانت يمعتنا أحلى والحلو في هاي المره انه

يلسوا معانا ربيعاتنا القطريه والسعوديه

ومروا علينا الكويتيات سلموا وراحوا

نايمين من الاجانب عصبوا علينا من حشرتنا رغم انه الباب مسكر علينا
وتمينا لين الساعه 1 ونص بالليل

وانتهى اليوم الشاق والجميل