منتديات رياض الأنس - عرض مشاركة واحدة

04-07-2018, 03:48 PM

اليوم الخامس الأحد
بما ان يوم الأحد قررنا نروح للويستفيلد
وطبعا على ما يجهزون العيال
اللي يخلص الوعد ببريت ( لابد منه )
والريوق لازم كرواسونة الجبن
وابوحسين كرواسونة اللي عليها السكر

مكانا نفس امس بس انا بالجهة المقابله من الطاوله

وبعدها رحنا حق محطة الباص عند الهايد بارك نفس الشارع اللي يوصل للكوينز ولانكستر غيت هني الباص اللي يوصل للويستفيلد

شايفين الهايد بارك

اذكر دزيت لكم هالصوره سناب علشان اراويكم الجو

باص ماغنوم

نزلنا هني وعبرنا الشارع
ونروح جهة اليمين بعدين يسار بيكون مجمع الويستفيلد

مقابلنا الويستفيلد بعد ما اتجهنا يسار

ووصلنا

احسن مجمع حاط كراسي للراحة وبكثره

تمشينا وتشرينا شويه
بعدها طقنا اليووع وقلنا الغدا بفايف غايز
وغنومة تطلب لنا

واحنا اخذنا سيبال نتسلى على ما يوصل الطلب
وأصور

هني لخدمتك الشخصيه كاتشب وملاعق وشوك وكلينكس

البيبسي هيلب يور سيلف
يعني انت عبي قلاصك

ووصل البورغر

الفاتورة طبعا مو كلنا أكلنا هني ..

اللي صاحين متأخر ما تريقو معانا وهني طلبوا قهوة ومادري شنو بع شوفو من تصويرهم

هذا كافيهم

البنات كل ثنتين راحوا بصوب
والشباب راحو بصوب مع قعدات انتظار هههههه

وانا كنت قاعدة معاهم وبعدين قمت اتسوق بروحي

نكمل تمشي ...عاد الحين قعدت اصور اكثر

هذه عليها اعلان او شي تأجير جذيه

هالمحل عنده نفانيف وقمصان حلوين

للي ما يقدر يمشي يقدر يستأجر هالكرسي من المول نفسه

وهالمزخرف هناك الاصنصيرات

دشيت مارك سبنسر الأسعار والموديلات روعه
وتنزيلات بعد

كيدزانيا برعاية البريتش ايرويز

لوحات حلوة

محلات كاثي اتينن على الورود
الملابس حتى للحريم الكبار في النفانيف المشيره
بس خذيت حق زيونتي وخذيت كفر للايباد

وبعدها دزني ... ماحصلت شي حلو كبر زيونه بس تكرمون بوت (جوتي )