بيانات اضافيه [ + ]

رقم العضوية : 1095  تاريخ التسجيل :  Oct 2017  العمر : 49  أخر زيارة : 11-22-2018 (07:57 AM)  المشاركات : 12,670 [ + ]  التقييم :  1432

لوني المفضل : Cadetblue

واسوارها












ولا تنسى جامع الكتبية الأشهر ومنارته





والحلوين هذيلي اللي حوله وحواليه ولا يمنع من بخششتهم بكم درهم صدقة لوجه الله





ولا تنسى أيضا زيارة المدينة الجديدة فهي حمراء كالقديمة









اما زيارة المقابر والخرافات والأضرحة فالله يبعدنا عنها.
اتذكر راعي التاكسي قلي ياخي لما اكون في قبور الصالحين تجيني خشعة وسكينة لاني بحضرتهم.
فدار بيني وبينه نقاش وعطيته ادلة من القران ومن السنة. لكن ما اقتنع تماما. وسالني وعندكم بالسعودية قبور الصحابة ما تروحو تدعو عندها. فقلت له ولا حتى قبر محمد صلى الله عليه وسلم وصاحبيه وانما السلام عليه وعلى صاحبيه.

ثم الهمني الله بالقاصمة:
قلت له تخيل انك بحضرة ملك. ويقول لك اطلب اللي تبيه وانا اعطيك. وانت طالعت في واحد من اللي حول الملك -والملك يحبهم وما يرد لهم طلب- وقلت له والملك يسمع ابغاك تقول للملك يعطيني فلوس ويشتري لي بيت. بالله يزعل الملك عليك والا ما يزعل؟؟؟؟

والله بلا مبالفة صار يقول خلاص خويا خلاص خويا خلاص والله اقنعتني ما عاد ادعو عند قبر او ولي...
والحمدلله الذي اجرى الحق على لساني. والحمدلله ان هدى قلبه للحق.




أختم ببعض النصائح لمن اراد زيارة المغرب:

1. االصدقة: المغرب بلد منتشر فيه الفقر. وهم اخوة لنا في الدين والصدقة على الإخوة واجب وليس فضلا منا. لذلك تصدق على اخوتك وانت تستشعر ان الفضل لله الذي اغناك وليس لك.

2. البخشيش: لا تعطي بخشيششا الا لمن خدمك. اما ما يفعله كثير من ربعنا من يوم ما يطب وهو فاتح فمه وفاتح محفظته. حتى تجرأ الكل على الشحتة وبعين قوية. وبسبب هذي التصرفات صار الخليجي من يوم يطب وكل الأعين عليه. يمر الغربي محد يكلمه وانت يالخليجي الكل مسوي لك نقطة تفتيش. حتى حقين النظافة (وان كنت احزن عليهم احيانا واعطيهم لانهم ضعوف وجرأتهم اقل).
الحل: اولا: تفادى النظر الى عين احد مباشرة (AVOID EYE CONTACT). وخلي عيونك مثل عين الخيل اللي يجر العربة لما يركبو لعيونه حاجز بحيث ما يشوف الا اللي قدامه فقط.

ثانيا: الطريقة السابقة ستخلصك من كثير من المتربصين, لكن بقي اناس فيهم جرأة. سيستوقفك ويطلب التفتيش فإياك ان تبين له ضعفا او لينا. قول له وبكل ثقة وبرود تفضل فتش, خذ راحتك. ولا تنسى لا تحط عينك في عينه. او حق الجوازات راح ياخذ جوازك ويسالك من السعودية؟؟ (مثلا). جاوبه وعينك مو في عينه لكنك واثق وثقيل. راح يحاول يستظرف او يخوفك بانه يطالع في الجواز وفيك ويقلب الجواز برضو طنشه وخليك ثقيييييل, واي سؤال جاوب ع قد السؤال وبدون ابتسام. ممكن يتعمد يؤخرك, عاااااادي لا تتوتر وخليك ثقييييل وبارد كانك تقول له مع نفسك اخرني زي ما تبغى. بالطريقة هذي تقضي على 95% من المتربصين.
ثالثا: اللي وجيههم صبة ووقحين بيقولك مافي اكرامية او اش حالنا من حالك خويا او اي شي. لا تهتز وقول له ابدعيلك دعوة تسوى كل الهدايا, الله يرزقك ويوسع لك ف الرزق. ولا تطالع فيه وخليك ثقيل.


3. عند الشراء: رح اكثر من محل وشوف الاسعار عموما. اذا تعرف احد ثقة مغربي خليه يروح ويشتري لك. لكن لا تخلي سواق التاكسي او غيره لانه في الغالب راح ياكلك.
الحل الأخير والمريح اذا كنت في مراكش اسال عن محل (سيدي بو شعيب). هذا المحل الكبير جدا سعره ثابت وبالكمبيوتر. لك وللمغربي السعر واحد والمحل يحتوي على كل شي تقريبا. من ادوات التجميل كالصابون المغربي وزيت الارجان وغيرها من منتجات مغربية. وملابس وجلابيات , وتحف, وطواجن ...الخ
واذا كانت بضاعتك كثير بغيت تشحن عندك الDHL, او البريد المغربي الحكومي لنصف السعر لكن التغليف عليك وياخذ مدة اطول (اسبوعين تقريبا).

4. اصحاب التكاسي اركب وعينك على العداد انه مصفر. وبعد ما يحرك قول له شغل العداد لو سمحت, اذا رفض انزل. طبعا هذا الكلام اذا كنت ما تعرف سعر المشوار اما اذا تعرف فلا مانع من انك تتفق معه.


هذا جهد المقل
تقرير بسيط
ينقصه الكثير
لكن اردت به رد شيء من جميل المنتدى علي
وافادة من ينوي زيارة المغرب ولو بمعلومة بسيطة


ارجو قبوله وقبول عذري معه