منتديات رياض الأنس - عرض مشاركة واحدة

04-04-2018, 02:27 PM

شراب الصودا مشهور في الهند
ويعتبر غازيات الفقراء

هذا المحل أقدم محل يبيع الصودا
ومشهور
وفعلا صودته لذيييييذة مختلفة عن الباقيين
ويقول انه الجيل الثالث وجده هو من افتتح المحل
الموووهم لا تفوتكم صودتهم لو كنتم هناك

هذا لقيته يبيع بعد صلاة الجمعة عند الجامع وشكله غريب فقلت أجربه

رغم ان شكله جميل لكنه ما أعجبني
بسبب خلطاته حلو مع مالح مع بصل مع بهارات مع فلفل
مادري ما استسغت الطعوم اللي فيه مع اني آكل حلو مع مالح لكن هذا ما اعجبني

الطبق اللي جاي من أكثر الأطباق اللي أخذت عقلي في الهند
يمكن تستغربوا رغم بساطة الطبق لكن بالنسبة لي كان مجنوووووووووووووووووووووووووووووووووووووون لأبعد الحدود
اسمه كولّي تشات وكولّي هذي معناها قُلّة بالحجازي أو أُلّة بالمصري
يعني إناء الفخار اللي يشربون فيه موية يسمى بالأردو كُلّي
لأنه يعمل الخضار أو الفاكهة على شكل قلة
ومو هنا السر ...
السر في البهارات اللي يحطها
تخيل بهارات حلوة
مع مالحة
مع حاااااارة
كل الثلاث طعوم تنفجر في فمك
لتحدث شعور بالجنون يليه تعلق بالطعم
بدون مبالغة أكلت ورجعت طلبت
ورجعت طلبت حتى امتلأت بطني ورحت من عنده وأنا أتحسر ودي أزيد لكن ما عاد في مكان

لا حظو الفاكهة أو الخضرة مختلفة في الصحنين
طماطم, خيار, برتقال, تفاح, حبحب (بطيخ), موز, بطاطا...الخ

الرشة النهائية : رمان وبليلة (حمص) صغيرة (أول مرة أشوفها في الهند)

محل لبيع اللبن الزبادي
طبعا زبادي طااااازة وعليه الطبقة القشدية
ويضع في الآلة اللي أمامك ويدور ويدور ويدور ويدور حتى يصير سائل وبعدها يصبه في كوب فخار وفوقه الطبقة القشدية
الهنود يشربوه مثل الأفارقة بالسكر
بالنسبة لي ما استسيغه بالسكر
بالعسل ممكن لكن سكر لا

بان بوري
واحدة من أشهر أكلات الشارع الهندي
عجينة تقلى في الزيت تنتفخ وتصبح هشة ومقرمشة تكسر ويوضع فيها صلصة حارة بالحمر (التمر الهندي) أو خلطة حلوة.
بالنسبة لي أعجبتني الخلطة الحلوة وما استسغت الحارة رغم أن الأغلب يحبون الحارة ويشربونها لكن أنا ما أعجبتني

الخلطة الحلوة ثقيلة

الحارة سائلة

دجاج البر كما نسميه في مكة, نسيت الاسم الهندي

لكنهم في الهند يضيفون له حاجات كثيرة شطة وفلفل ومادري ايش