/
ايوه وين وصلنا بالحقـآت السابقه وصلنا لتمشيه بشوارع ايران وتحديدا مشهد
انبسطنا كثير كثير بالتمشيه هونيك
اليوم صحينا بدري بدري مره > يعني والعصفور يقول صوصو > صوص مو عصفورخخخ
الموهيم ماعلينا
افطرنا وعملنا طقوسنا المعتاده وكلمنا لنا تـآكسي يتكلم عربي بالاصل عراقي
بس عايش وانولد في ايران > بتقولكم حياة السواق
المهم ههههههه
نزلنا لقيناه ينتظرنا تحت لكن وجهتنا وين ؟؟؟
وجهتنا بتكون لشانديز شانديز تبعد ساعه وشوي عن مدينة مشهد
مدينه جميله طقسها ابداااااع غير اكلهم ومشاويهم المميزه
اول ماشفت جزء شانديز حسيت جد ان كاميرتي تستهبل
>وشو يعني الكـآميرا بتصور من حالها ياختي
عدد الصور 134 تقريبا لاننا جمعنا معها معها بحيره بديده
افقررت اقسم هالحلقه قسمين
شانديز بقسم وبحيره بديده بقسم لان الصور كثيره وبيكون مزعج جدا اني اضيفها كلها
بحلقه وحده
طلعنا بالسياره لين وصلنا لشانديز ووقفنا بمطعم من المطاعم ناكل وهو عباره عن نزهه او منتزه
نشوف سوا

هنا فيه طابق فوق وطبعا طبعا اكيد انا ابغى فوق

يلا نركب

مذهله ماهي بس قصة حسن
رغم ان الحسن فيها بحد ذاته .. مشكلة

كل شي فيها طبيعي .. ومو طبيعي
تملأك بالأسئلة ..
مُذهلة ..

هي ممكنة والا محال ..؟!
هي أمر واقع .. أو خيال ؟!

هو سهلها صعب المنال .. ؟
أو صعبها تستسهله !

مُذهلة ..
تملأك بالأسئلة ..

ليه كل معجز مر هذا الكون .. فيها له صلة ؟؟

وصلنا المكان اللي جلسنا فيه هون

الجو كان بارد وهنا صوره من موقعنا

شوي وجـآت المشاوي المعروفه فيها ايران كيف سيخ الشوي عندهم
كبير كثير واصريت ع زوجي يطلب لنا نوع واحد
لكن عيـآ بما انه فضل يطلب لحم وانا ما اكله
طلب لي دجـآج مع اني برضو ما اكله كثير بس اهين من اللحم اكيد

وهناك طلبي دجـآج اوصال مشوي
وجنبه بنير يعني روب عادي
وبشير يعني روب على نكهة ثوم لحد يستغرب
الثوم فيه مش واضح بس له طعم غريب وانا شخصيـآ اعجبني
وسلطه ومقبلات ايرانيه ثوم مشوي ومدري وش خخخ تجي مع الطلب
وغازيات الشي اللي مايعجبني ب ايران ومطاعمها
مو كلها تحصل فيها مقبلات وسلطات على مزاجك وعلى طول شرابهم غـآزيات
وانا ما اشربه نهائيا تحصل عندهم لبن ومو كله زين بعد فيه بعضه
يجي مثل المويه وحامضضض ماينشرب

جميل المويه تجري

هنا اللي تشتغل بالمطعم صافنه مدري وش فيها خخخخ
وهناك المغاسل

ربيع وخريف سبحان الله

وهون انواع ورد وقصتي مع الورد وتقطيعه خخخخ
الموهيم عجبني شكل الورد مره
وانا اصور التفت لزوجي مبتسمه قلت له فارس عادي اقطع لي ورده ؟
ناظرني نظره مستغرررب وقال بلهجةة اعرفها لهجه يتكلم فيها
وقت يكون الحكي ما اعجبه او مو مصدق خخخ
قال شدعوووووى !!
قلت وانا منحرجه امزح امزح خخخخ
عاد ماعليكم من جوآآآي انغبنت مره لان خاطري بورده اقطعها مدري ليش
وفي نفس الوقت حسيت ان مالي داعي فعلآ اشوه المنظر العام
ومالي داعي من الاساس اني قلت لزوجي هيك خخخخ

بس احلى شي احلى احلى شي تدري وشو ؟؟؟
ان زوجي ماحب يكسر بخـآطري وانا رحت الميـآه الله يكرمكم
واغسل لقيت زوجي وآآآقف ومعه بيده ورد
ايوآآآ ورد بس ورد مش مقطعنه من زراعتهم قصدي حديقتهم
مدري مطعمهم لآلآلآ
ازين من وردهم المخيس > من الغبينه يـآ اختي
جد ورد شاريه من محل جنب المطعم ومنسق بطريقة حلوه
لان شكله حس فيني اني انغبنت ومـآحب يكسر بخـآطري
وقالي وهو يبتسم سمي قطعته لك تعرفين ماحبيت اتعبك
واخليك تقطعيه بروحك> حسيت بدقه خفيفه بس مايخـآلف ههههههه
ولو ان بـآقي خاطري كنت اقطع بنفسي خخخخ
ويـآورد يامهديني الورد شكرآآآ على لطفك وذوقك

بعدها طلعنا برا المطعم نتمشى شوي ونـآخذ جوله

يلا نركب فوق

زوجي ووقفه تأمل
ولي في عشقككك يـآ انتتتت حيـآة اخرى ...
يا بدايات المحبة ..
يا نهايات الوله ..
كيف قلبي ما احبه ؟
وانتي قلبك صار له !

يا أعذب من الأمنيات ..
يا عالم من الأغنيات ..

يا أجمل الشعر البديع ..
من آخره لين أوله ..
ما راودتك الاسئلة ؟!

ليه عمري ما لقى لبرده دفى ..
الا دفاك ِ !

ليه قلبي ما بدقاته عزف لحد ٍ ..
سواك ِ !

ليه أنا عيني تشوف وماتشوف ..
الا بهاك ِ !

يا أجمل من الأخيلة ..
هذا جواب الأسئلة ..
كي تكوني من حنيني ..
وبس فيني .. ومو بدوني مُذهلة

خصلنا من هنا ورحنا مكان حلو مره وروعه
احسكم تعبتو صح ؟؟
اوك خلاص نوقف اليوم لهنا
ونواصل في الحلقه اللي بعدها ولاتنسو تتابعوني
عشان نعرف قصة البحيره ونشوفها سوآآآ
طبعا قبل ماتروحون ضيافتكم