بيانات اضافيه [ + ]

رقم العضوية : 1112  تاريخ التسجيل :  Nov 2017  أخر زيارة : 06-29-2019 (10:30 AM)  المشاركات : 39 [ + ]  التقييم :  100

لوني المفضل : Cadetblue

القدس مالتنه يلرايد علينه تعيل
كلوله النزل من كاعي خل يشيل
القدس النه وتظل وانطيك الف برهان
رايد بالزبور الصحف بالانجيل
موجود الذكر وتشوفه بالقران
عله صدر الرسول ينقله جبراىيل
من صله الرسول ور تل الايات
معقوله الر سول يصلي باسرائيل
اقلعه من الارض قلعه علي للباب
واعيد امجاد حيدر فوك ظهر الخيل
وانه كون من ازامط تلكه عندي ارجال
زلم بارود تلهم ماتعرف الهيل
زلم خشنه من اغربل كلهه تبقى وياي
مو من البدايه ويفرغ الغربيل
تره الباع العروبه للغرب ينهان
كل خاين عميل نحسب عدهم ذيل
ويكتب بالصحف فلتسقط اسرائيل
عن حجي النهار اختلف حجي الليل
ادخل للحرب وارجم بني صهيزن
وخلي منالسمه ينزل حجر سجيل
واطلب ثار طفل بلاذنب مذبوح
من اصحاب الظلاله وهمه اهل الفيل
الشاعر احمد الياسري
العراق