منتديات رياض الأنس - عرض مشاركة واحدة - ملكة السفرات العائلية في رحلتها الرابعة الى ماليزيا

12-12-2017, 09:53 AM

طلعنا نتمشى بالسوق الليلي بس ما عجبنا شي بالمرة
البضاعه ما تغيرت والكشكات زايدو وقريبة من بعض
لدرجة ان الممر ضيق والناس تتلزق ببعض عشان تطوف

طبعا هذا الشي ما يناسبنا
فيه رجال ما تستحي ما توسع للحريم مثل عندنا بالخليج

فلغينا فكرة التسوق بهالمكان
اضافة الى الأسعار الغالية على اشياء ما تستاهل
وكان الجووووووووووو ناااااااااااااااار بهالمكان حر لأنه ضيق وناس وايد

خواتي اشتروا شنط تقليد الأصلى
حلوين
وعليكم بالمكاسر ليه نص السعر
وراح يعطونكم بس مو كل البياعين

انا عجبتني اباجورة صنع يدوي قالت بخمسين
رحنا ورجعنا قالت 70
قلنا لها قبل شوي قلتي خمسين
اتصدقون ما رضت وقالت ما قلت !!!!!!!!

وعناد عليها ما اشتريناها
ههههههههههاي عشان تنقهر

تذكرنا المطعم الايطالي بسفرتنا الأخيرة
( فيفا ايطاليا ) عجيب اكلنا فيه بلنكاوي
وفي بيننانغ

لما وصلنا المطعم والا الأسم غير
وصاير مطعم عربي
لكن نفس الطاولات والديكور
سألتهم
قالوا ايه كان موجود وغيرنا من ايطالي الى هندي

وقعدنا ناكل فيه
كنت متخوفة يطلع اختيار سئ لأنه كان اختياري

لكن الحمد لله طلع عجيب ونظيف وشي مرتب

وإليكم اهداء هذه اللقطات

اسم المطعم (((( ماروش )))

المطعم عنده منيو عربي ومنيو هندي

هذه الصورة تم تصغيرها . الحجم الافتراضي لها هو 946x756.

هذه الصورة تم تصغيرها . الحجم الافتراضي لها هو 946x756.

خبز النان عجيب اصلي

هذه الصورة تم تصغيرها . الحجم الافتراضي لها هو 946x756.

وكنت واقفة عند التنور وهو يخبزه
اصور فيديو

وهو مستانس
قلت له بنزل لك اعلان مجاني في المنتدى وفرح الموظف وايد

اللي ياخذ طلبات مصري
بس خوش ريال

الأكل منوع هندي ايطالي عربي خليجي كل شي عنده

هذه الصورة تم تصغيرها . الحجم الافتراضي لها هو 946x756.

هذه الصورة تم تصغيرها . الحجم الافتراضي لها هو 946x756.

البرياني وايد حلو ومضبوط

هذه الصورة تم تصغيرها . الحجم الافتراضي لها هو 946x756.

هذه الصورة تم تصغيرها . الحجم الافتراضي لها هو 946x756.

هذا اعتقد كان كاري طلب اخواني

هذه الصورة تم تصغيرها . الحجم الافتراضي لها هو 946x756.

شيش طاووق لذيذ طلب وليدي

هذه الصورة تم تصغيرها . الحجم الافتراضي لها هو 946x756.

دجاج تندوري ريحته تبط الراس
اصلي

على فكرة الطباخين هنوووووووووووووود انا رحت اطل عليهم من شباك المطبخ
اللي يطل على الصاله
يعني نقدر نشوف نظافة المطبخ وطريقة الطبخ

محبتكم ( شيف ) اراقب الوضع

هذه الصورة تم تصغيرها . الحجم الافتراضي لها هو 946x966.

هذه الصورة تم تصغيرها . الحجم الافتراضي لها هو 946x756.

هذه الصورة تم تصغيرها . الحجم الافتراضي لها هو 946x756.

الباستا وايد لذيذة
حق بنوتي

هذه الصورة تم تصغيرها . الحجم الافتراضي لها هو 946x756.

للأسف باقي الصور انمسحت ان شاء الله الاقي نسخة في البيت

تقييمي للمطعم :

- لذيذ
- نظيف
- خدمة روعه
- الطعم اصلي مو تقليد ( لان فيه مطاعم الشكل شي والطعم لا يمت له بصلة )
- الأسعار مقبوله وعادية

وعلينا بألف عافية يارب ،،،،،،،،،،،،،

طلعنا من المطعم غصب نمشي
وشفنا الذرة المشوية
لكن للأسف ما كو مكان بالبطن الكرشة طافحة على الآخر
بس اخذنا حبة وحدة عن خاطرنا قسمناها بينا انا وعيالي

سعرها 6 ريجنت لذيذة لذاذة اللذوذين

جزء منا ظلوا يتمشون بين الأزقة بالسوق الليلي
انا رجعت الفندق وعلى الفرااااااااااااااااش اسقاط

ربي لك الحمد يوم جميل