بيانات اضافيه [ + ]

رقم العضوية : 1095  تاريخ التسجيل :  Oct 2017  العمر : 49  أخر زيارة : 11-22-2018 (07:57 AM)  المشاركات : 12,670 [ + ]  التقييم :  1432

لوني المفضل : Cadetblue

كملنا تمشيتنا في السوق ولقينا مطعم مكتوب عليه حلال
واتغدينا عنده وجلسنا نتفرج على الناس في الشارع
من مختلف الاشكال والالوان
















ورجعنا على الفندق ونمنا
بعد تعب التسوق

بعد النومة اللي اخدتها صحيت على الساعة 8 المغرب
وذكرتني بنومة العصرية ايام المدارس
وكيف الواحد يقوم معصب منها
وماله خلق يكلم احد










جلست في البلكونة وشربت قهوة ابغى اصحصح




ورجعت استهديت بالله واتعوذت من الشيطان الرجيم وحطيت الشنط قدامي واطالع فيهم



من فين ابدأ وكيف راح يستوعبوا الاغراض اللي اشتريناها




لانه خلاص ماراح نفتحها الا في السعودية
واللي زاد من عصبيتي انه الاغراض كتيرة
والشنط صغيرة ماراح تكفي اغرضنا
كل ماحاولت ارتبها ماهي راضية تترتب



ماحسبت حسابي اني راح اشتري شي من هنا
وغير لمن راحت فرانكفورت اشتريت شنطة تانية
وهاد من السلبيات اللي وقعت فيها









بقي هادي مالها مكان





ذكرت الموقف السابق عشان التأكيد
على اهمية اخد شنطة صغيرة تتطبق داخل الشنط
عشان لمن تشتروا اغراض من البلد اللي
انتو مسافرين له ماتتورطوا زي حالتي
وتروحوا تشتروا شنطة
والشنط مالية البيت .





بعد مارتحنا من تجهيز الاغراض حسينا بالجوع
وعلى الساعة 11 نزلنا ندور على عشا
ولقينا الشوارع خالية من الناس والشوارع مظلمة
واصحاب المطاعم ينظفوا المطاعم
ويتجهزوا يبغوا يسكروا
كان الطريق موحش ومخيف
اتونست بصوت شباب اماراتية
ساكنين معانا في الفندق
الله يحفظهم لأمهاتهم
رايحين زي حالتنا يدورا لهم على عشا
مافي فايدة خليجين طبعنا واحد

رجعنا ادارجنا للفندق وهما شكلهم
راحو للمطعم التركي يدورا عنده عشا









ولمن وصلنا للفندق لقينا في الاستقبال واحد مغربي
جزاه الله خير سخن لنا كم حبة توست وجبنة
عملنا معاها كوب شاي واتعشينا










يوم الوداع ومفارقة المدينة الرائعة
فطرنا وجلست في الجلسات الخارجية للمطعم اتودع منها










وعملنا تشيك اوت





وودعنا مديرة الفندق الرائعة
كانت كل صباح تجينا وتصبح علينا
وتسألنا لو محتاجين شي
واعطتنا بطاقة تخفيض للفندق لوحبينا نجي مرة تانية
واحنا اعطينناها تذكار بسيط
من تمور المدينة





وتوجهنا على بركة الله الى فرانكفورت


ايجابيات الفندق
فندق حديث
موقعه رائع
اطلالته جملية
مساحة الاجنحة واسعة
جمال التصميم في البناء والاثاث
حسن الاستقبال والضيافة
التعاون من جميع العاملين
قريب من الأسواق والمطاعم
تنوع طعام الأفطار
سعره مناسب

سلبيات الفندق
عدم وجود وجبة العشاء