عند وصولنا للمينا كنت بصراحه يوعان و كان في خاطري سندويش السمك إلي على المينا ,, فخليتهم كلهم يا كلون منها ..







الشباب كانوا معجبين كثير بميدان الإستقلال و كل دقيقة يتكلمون عنه فقلت مدام نحن في الطرف الأسيوي نراويهم شارع مثل الإستقلال وهو شارع بغداد الطويل الذي على جانبيه الكثير من المحلات و المطاعم ..





نادي فنربخش العدو اللدود لغلطة سراي يقع في نهاية الشارع تقريبا ..





بعدها قلنا بنطلع على تله عاليه يسمونها FLORYA ..

عبرنا الجسر المعلق..



و صلنا إلى التله FLORYA العاليه و هذي بعض المناظر ..













بعد هذا المشوار الطويل كان الوقت قريب المغرب و بلغ الجوع مبلغا فقلنا مدام ماتغدينا نسويها غدعش أي ( غدا + عشا ) ,, قلنا نروح مطعم الملك ما عرف شو أسمه بالتركي بس بيبه لكم ,, أكله نظيف و مرتب و المكان رائع جدا ..

المطعم كان يسوون له توسعه لكي يشيل عدد كبير ,, أتوقع انهم أنتهوا من التوسعه حاليا ,, كبار الشخصيات دائما ما يأتون عنده لثقتهم بجودة الأكل المصنوعه هناك ..



طلبنا مقبلات ورق عنب و حمص و سلطة بالزعتر عجيبه مره ,, طبعا في أشياء اخرى بس ما خذناها..



الخبز حار توه طالع من الفرن ..



الطبق الأول مشكل الصراحه طعمه يجنن ..



الطبق الثاني كباب بالفستق و البندق ,, طبقي المفظل ..



الطاولة القريبة منا كانوا طالبين دجاج بالملح ,, و هي الدجاجة التي تطبخ و فوقها طبقة من الملح ,, و قبل التقديم تشعل النار على الملح ,, و بعدها يكسر وتطلع الدجاجه المحشوة بالرز ..









و بعده طلبا كنافة ,, يا سلام عليها طعمها لحد الأن في بالي ( برفقها في حلقة أخرى ) << من لذتها نسيت أصورها : ..

الأكل في المطعم طلع علينا 107 ليرة ..

بعد الأكل و ترس البطون بالوقود قلنا نرجع الفندق نريح رجولنا ..

بالليل الشباب قالوا لازم نخذ لفة في ميدان الإستقلال و نسلم عليه ,, و بعد المشي غرتهم الشوارما فكل واحد منا خذ وحدة و طلع علينا 15 ليرة ..

بعدها رجعنا و العين مغمضه من التعب ,, و صلنا الفندق و على طول على الفراش ..

التقرير المالي لليوم الثاني ..