بيانات اضافيه [ + ]

رقم العضوية : 1095  تاريخ التسجيل :  Oct 2017  العمر : 49  أخر زيارة : 11-22-2018 (07:57 AM)  المشاركات : 12,670 [ + ]  التقييم :  1432

لوني المفضل : Cadetblue

وصلنا الى فندق ريدوس بعد ساعة الا ربع من السواقة تقريبا وما بتصدقوا كيف الموظفين والمدير العام جمال بيه فرحوا بعودتنا واستقبلونا استقبال حار

ياعيني عليك اكيزدره والله ما حبيبت مكان في العالم قد ما حبيتك

طلعنا على الغرفة وضلينا قاعدين بالبلكونه نتسامر ونتحدث ونستمتع بالمناظر الرائعة ونستنشق الهواء العليل (على فكره طلعوا تقرير على قناة الجزيرة انه هاي المنطقة من أنظف الاوكسجين اللي فى العالم)

ومره شاي ومره قهوة ومره فواكه ومره بندوره صحيح نسيت أقلكم كل ما نروح سوبرماركت نشتري بن، لانه شكلها بشهي ومغري جدا وصار عنا يمكن 3 كيلو بن وما عم ناكلها

وما حسينا الا و الساعة صارت 8 المساء.

ودعونا أبو لينا وأم لينا الرائعين وتواعدنا نتقابل فى طربزون.

خلال الجلسة حسيت اني تعبانه بس طنشت عارفين عاد احنا الستات باسنا قوي، وصبرت على نفسي ولكن للأسف بعدها تعبت كتير كتير ارتفعت درجة حرارتي وصابني برد ومغص شديد

وبقيت فى السرير لثاني يوم الصبح ومسكين أبو معن الله يرضى عليه ويعطيه حتى يرضيه ما رضي ينزل يتعشى عشان ما يتركني لوحدي، وكل شوي يقولي أخدك على الدكتور

وأنا أكابر وأقول لأ رح أصير أحسن ان شاء الله، وللعلم الفندق في عندهم مسعفين بس أنا قلت خلص ما في داعي

بس وين والله ما كنت قادره أرفع راسي.

أشوفكم بكره