بيانات اضافيه [ + ]

رقم العضوية : 1095  تاريخ التسجيل :  Oct 2017  العمر : 49  أخر زيارة : 11-22-2018 (07:57 AM)  المشاركات : 12,670 [ + ]  التقييم :  1432

لوني المفضل : Cadetblue

نكمل التقرير مع الحلقة الثانيه

صحينا بدري في هذا اليوم وتشاورنا وين نروح وين نروح

وبالأخير قررنا زيارة فندق Hong Kong Disney Hotel


علشان نفطر فيه لأن حجزنا بالفنادق اللي سكنا فيها بدون وجبة افطار

المهم نزلت تحت لمكتب خدمة العملاء وقلت له ابغاك تتصل على مطعم فندق ديزني لاند هونج كونج وتحجز لي

لأن المطعم بالعاده يكون مزحوم وماقصر الذيب عطاهم الأسماء وحجز لنا

وركبنا التاكسي وقلت له ودنا لفندق ديزني لاند














أهم ميزة في فندق ديزني لاند هونج كونج انك وانتم جالسين تفطرون على الطاولة تجي بعض الشخصيات الكرتونية وتصورون معها وانتم جالسين


الصرااحه قمة الوناسة وانا أشوف ولدي طاير من الفرحه الله يصلحه ويوفقه


بوابة الدخول للمطعم



















كان سعر الفطور 80 ريال للشخص تقريبا لأني ماأذكر بالضبط


بعدها طلعنا من المطعم وقعدنا نتمشى بالفندق ونشوف وش فيه من مرافق ومحلات














بعدها رجعت للأستقبال حق فندق ديزني لاند قلت له أبغى أشتري من عندكم تذاكر الدخول للملاهي

لأني خفت يكون فيه زحمه عند الملاهي وأنا أكره الزحمه والطوابير عند البوابة

المهم اشتريت التذكره وكانت الأسعار


الكبير 200 ريال لليوم الواحد


الصغير 143 ريال لليوم الواحد


وهذا رابط فيه كل المعلومات عن التذاكر :


1-Day Ticket



بعدها طلعنا من الفندق ورحنا عند محطة الباص حقت الفندق

والمحطه هاذي مخصصه للناس اللي بالفندق ويبي يروحون للملاهي

والباص يحرك منها كل 5 أو 10 دقائق










ونزلنا الباص عند بوابة الملاهي









وقبل ماندخل شفت على اليمين محطة المترو ورحت اشتريت تذاكر للمترو من محطة الملاهي الى محطة تسيم شا تسوي اللي عند الفندق

طبعا نظام شراء التذاكر

تروح عند الآله اللي تطبع التذاكر

اذا وقفت عندها يكون قدامك خريطة المترو

كل ماعليك هو ان تضغط على اسم المحطه اللي تبي تروح لها

وبعدها يطلع لك خيار

شخص بالغ , طفل , شخص كبير فوق الستين

تضغط على شخص بالغ

يطلع المبلغ بالشاشه

تدخل المبلغ من عند الفتحه المخصصه له ولو دخلت زياده يطلع لك الباقي لاتخاااف

وتطلع لك التذكره حقت المترو


المهم بعد مااشتريت تذاكر المترو دخلنا الملاهي







































































بعد التمشيه بالملاهي واللعب جلسنا بواحد من الكوفيات وطلبنا من عندهم وقضينا بعض الوقت الجميل بالكوفي


وقررت المداام تدخل المحلات علشان تشتري بعض التذكاارات الجميله


وحنا نتسوق أعلنوا بالمايكروفون ان المسيره الشهيرة راح تبدأ بعد نص ساعه تقريبا


تقريبا الساعه 4 العصر


وجلس الجمهور يمين ويسار الشارع اللي راح يمر فيه الشخصيات الكرتونيه الشهيرة







































































وهاذي صورتين لنهاية المسيره يخلون الجمهور يمشي وراهم واذا تبي تصور ماعندك مشكله











بعدها طلعنا من الملاهي ورحنا لمحطة المترو طبعا المحطه جنب باب الملاهي على طول

لاحظ المسار الوردي للمترو مخصص فقط لمترو الملاهي وله شكله الخاص علشان يعطيك جو صح















وبعدها غيرنا من المترو الوردي للمترو البرتقالي

وأخيرا غيرنا من المترو البرتقالي الى المترو الاحمر

لأن محطة تسيم شا تسوي على المسار الأحمر




أخيرا رجعنا للفندق علشان نرتاح وننام لأن اليوم كان طويل ومجهد

وانتهت الحلقه الثانية

تابعوني في الحلقة الثالثه ان شاء الله

مع جوله صباحية في شارع النجوم وزيارة اوت لت هونج كونج

تحياتي لكم