10-31-2017, 02:54 PM
|
#2
|
|
بيانات اضافيه [
+
]
|
|
رقم العضوية : 1095
|
|
تاريخ التسجيل : Oct 2017
|
|
العمر : 49
|
|
أخر زيارة : 11-22-2018 (07:57 AM)
|
|
المشاركات :
12,670 [
+
] |
|
التقييم : 1432
|
|
|
لوني المفضل : Cadetblue
|
|
رد: هونج كونج الصينية بعيون عربية
اليوم الأول يوم السفر :
اقلعنا من مطار الرياض بالوقت المحدد ولله الحمد
وبعد الاقلاع بفتره بسيطه اعلن كابتن الطياره اقترابنا من مطار البحرين الدولي
وعلى جميع الركاب الاستعداد للهبوط
لأن رحلات الكاثي باسيفيك أغلبها تنزل في البحرين في الذهاب والعوده
وقفت الطياره تقريبا في البحرين مدة ساعه
طبعا مانزلنا من الطياره
وبعدها أقلعت الطياره مره ثانيه الى هونج كونج
وهاذي وجبة العشاء لخطوط الكاثي باسيفيك
الصراحه أكلهم لذيذ جدا وماتوقعته كذا ابدا
المهم بعدها سكروا اللمبات والعالم نامت بالطياره وأنا مستحيل أنام جلست أعبي الكروت اللي عطونا بالطياره حقات الدخول الى هونج كونج
وجلست أتابع أفلام ومره أروح عند المطبخ واطلب شاهي والا اطلب كوفي
لين اصبحت الدنيا وقاموا الناس
وقدرت أفتح الدريشه
والحمد لله وصلنا بالسلامه الى هونج كونج الجميلة
وطلعنا من المطار والاجراءات سهله وبسيطه
وأخذنا تاكسي الى الفندق
وهذا فندقنا الاول في هونج كونج منطقة كولون
المهم استلمت الغرفه الاولى وكان السرير مفصول وطلبت منهم يغيرون الغرفه
لكن مع ذلك صورت الغرفه الاولى
وهاذي صور ل المياه الله يعزكم ويكرمكم
اطلالة الغرف على الميناء طبعا ( شرط أساسي )
بعدها انتقلنا للغرفه الثانية طبعا نفس الاطلالة ونفس المياه الله يعزكم ويكرمكم
ريحنا شوي بالفندق وطلعنا نتمشى حول الفندق
هاذي محطة المترو قريبه من الفندق
أتوقع أنها أشهر محطة مترو في هونج كونج ( منطقة كولون )
اسمها Tsim Sha Tsui Station
وبعدها توجهنا الى مبنى K11 مبنى طويل وواضح جدا في منطقة تسيم شا تسوي
لأن المبنى هذا قرأت أنه فيه مطعم ( حلال ) يقدم أكل عربي
اسم المطعم الباشا موجود في الدور الرابع من المبنى
وتعشينا في المطعم وتقييمي للمطعم عادي جدا ولايستحق العناء الا اذا تبحث عن مطعم حلال
وبعدها رجعنا للفندق وكنا تعبانين مره والنوم لاعب بنا لعب
يوم دخلت الغرفه قلت خل آخذ لكم كم صورة للأطلالة الليلية من الغرفه
وبعدها نمنا وأنتهى اليوم الاول
انتظروني في اليوم الثاني والذهاب الى ملاهي ديزني لاند ....
|
|
|
|