منتديات رياض الأنس - عرض مشاركة واحدة

10-28-2017, 02:40 PM

sommer Rodeln in Saalfelden

الزحليقة الصيفية

قرأت في اعلانها ...المتعة الكبيرة في الصيف تتحقق في Biberg ,, في سالفالدين,, 63 انحناء ومنعطف بطول 1,6 كيلو متر وارتفاع 345 متر ضمان % 100

متعهـ ومرح من شهر حزيران ( يونيو ) حتى تشرين الثاني ( نوفمبر ) ,,

دعايهـ صادقهـ وابصم بالعشرهـ ,,

بواسطة الباص رقم 260 من ساحة البريد سار بنا في الطريق لمدة 20 دقيقة ,,

ملاحظهـ: ((التذاكر شاملهـ الوصول الى مركز سالفالدين ويجب تنبيه سائق الباص انكم سوف تتوقفون عند الزحليقهـ ,, الله يعينكم على المشي للوصول للزحليقهـ الطلعهـ متعبهـ خصوصا للاطفال ـ ,, احنا رحنا هالرحلهـ مرتين مرهـ بالباص ومرهـ بسيارتنا ,, والفرق كبير ))

وصلنا بعد مشقهـ ابد ما هنا لياقهـ اول ما وصلت اسمع الحريم يسالفون :783: الي تقول ان امس وحدهـ طاحت وانكسرت يدها ,, واللي تقول ذاك نكسرت رجلهـ ,, بدا الخووف ,,

توكلنا على الله ,, :bye2:

ولا من عمري فكرت اطلع التلفريك _الكرسي المعلق _ حاولو معاي الاهل في المجر وتركيا ابد ما قدرو يقنعوني ,,

ولأن رحلتي للنمسا حتى اغسل قلبي من هم عصف بحياتي ما تركت للخوف مجال يمنعني من الاستمتاع بشئ ,,

كانت لحظات ضحك ممزوجهـ بهلع :690: كلمة خوف ما تكفي,, الموقف بالنسبهـ لي أكبر ..الخوف ما منع الاستمتاع..متعهـ ما تعادلها متعهـ ,, في الكرسي تحس انك طاير في الهوى ,, :748:

كنت اضحك ضحك هستيري :w00t2: الحمد للهـ محد حولي ,, في حديدهـ لازم تكون قدامك انا ما قدرت اسحبها ,, واقول حق بنتي يا ريت خذت الكاميرا المنظر حلو ,, عاد لو انها معاي من الروع ما راح اقدر اصور ,,

وانا اشوف اللي يتزحلقون تحت الا وذيك اللي طايحه هي وولدها من على الزحليقه تصرخ تبغي الولد يقوم وهو ميت من الصياح الله يهديها هي اللي روعتهـ من صراخها ,, :shutup3:

اختكم خلاص ما عاد فيها نسم ..انا كنت خايفهـ اكثر ع الولد لأني اشوف عربهـ تزحلق مقبلهـ عليهم بس الحمدلله ,, خذتهـ ووقفت ع الحشيش عدلت العربهـ وواصلت ,,عاد الصورهـ وبالملون انطبعت بالراس,, :767:

والله يا جماعة الخير اني من الخوف والضحك يدي ترجف ,, شوي وقبل ما نوصل بلحظهـ التفت والى الاخت الكاميرا معلقهـ بايدي ,,ايش عقبهـ وصلنا ,,

كان الطابور طويل بس يمشي ,,خذت العربهـ وصورة المرأهـ قدامي وولدها :690: ,, صراحة طال الطابور وراي كنت اتسحب ,, والعالم وراي ضجهـ ,, بس الزحليقة وااااايد حلوه صج وناسة % 100 ,,

المره الثانيه امتع لأن الموضوع ابد ما يخوف وحتى لو الواحد طاح بينزل ع الحشيش ,,

اللي راحوا الزحليقة اكيد يعرفون ان مره وحده ما تكفي ,, :yes:

بعدها قعدنا شوي تحت فيه كوفي :icecream: ولعبتين وحيوانات ,,

ونزلنا من طريقنا الطويل حول 400 متر لكنه سهل في النزله

لين محطة الباص ولا تنسون تاخذون موعد الرجعه ,, اول ما توصلون حتى ما تتمللون في انتظاره

توجهنا لسنتر البلده << في رايي انها صغيره ما تستاهل العنوة بس ماكدونالد اللي فيها احسن واكبر من اللي في زل ام سي ,,