منتديات رياض الأنس - عرض مشاركة واحدة

10-28-2017, 02:16 PM

اخواني في هذا التقرير سأتناول المواضيع التالية (( هواجيسي حول غراند هوتيل \\ غراند هوتيل \\ بعض رحلاتنا في زيلمسي )) ,,

كثر الحديث وطال الحوار عن هذا الفندق وعندما قررنا الذهاب لمعشوقة العرب ,, زيلمسي الحالمهـ ,, ولأن لها نصيب الأسد في رحلتنا ,, حيث سنبقى فيها 10 ايام ,, فكان

لابد من أن يكون الفندق مريح ,, ليحقق الهدف من الزيارهـ وهو الاستجمام والتمتع بالطبيعهـ الخلابهـ ,,

قبل السفر بأربع شهور كرست وقتي للبحث في تقارير الاخوان عن مايناسبنا من الفنادق ودققت ثم دققت فكان لغراند أيضا نصيب الأسد في بوابة النمسا ,,

البعض امتدحهـ والبعض ذمهـ ,, قرأت أن بهـ حشرات .. فئران .. سوء معاملة موظفيهـ للعرب .. وأخيرا جن !!

المهم وضعت عدة خيارات وعرضتها على الأسرهـ وما ما قلت لبناتي سالفة الجن والفئران :w00t2: : قالوا ( لا ياماما ارجوكم مانبي هالفندق ) ,, وبما اننا اسرهـ ديموقراطيهـ :ranting:

ذهب زوجي لمكتب الحجوزات وحجز فيهـ ( لا واللهـ مش علشان يفرض رأيهـ ) ,,

فالحق يقال ان صديقهـ في مكتب الحجوزات نصحهـ وقال لهـ ( العالم ضرب مضارب عليهـ وانت ماتبغيهـ !! ) وهم قال لهـ ( لو رحت وماجاز للأهل كلمني وأنا ابدلهـ لكـ ) ,,

المهم ,, بعد ان قضينا اسبوع في فينا و 5 ايام في سالزبورغ كان اليوم الموعود ,, 18 اغسطس 2007 ,, بعد الفطور طلبنا سيارهـ فان من الفندق وأثناء انشغال زوجي بعمل

تشيكـ آوت ,, وقفت امام باب الفندق اتأمل الطريق ,, والكل يركض تحت زخات المطر,,اعجبتني اشكال المظلات ـ ,, شردت بي الافكار ,, والهواجيس ,,

((( وش بيكون هالغراند .. ايش باسوي لو نط علي فار :w00t2: ياوييييييلي :456ty: يقولون يعض :g: أكيد مو من القوارض .. الجن وباحصن نفسي وعيالي بالمعوذات .. بس الفيران

شنو احط صمغ دار مادرا السرير !!! :g: يااااااااااااربي ,, وياترى وين بيسكنونا .. في الملحق اخوي الوليد طمني ان فيهـ ترميمات وقدامهـ وقت على مايجهز .. وشوي إلا

وذاكـ الشيبهـ حول 70 - 80 سنهـ عمرهـ صاكـ بريكـ حيل قدامي ,, وصحاني من حالة التسبهـ اللي حلت عليّ ,, وياكثر ماتجيني هالحالهـ في ذيج الديار مع مناظرها الجنان ,,

لين ماسموني الاهل - تأمل - من كثر ما اسرح بجمالها ,,نزل الشايب من سيارتهـ الاستيشن -- العصفورهـ قالت لي شكلهـ هذا الدريول اللي طالبينهـ لنا -- فعلا شفتهـ يسأل

السكيوريتي << أشر علي ,,

وصكـ بريكـ اقوى من بريكهـ قلت واللهـ ماركب معاهـ لو يوديني الجنهـ لا من عمرهـ ولا من سيارتهـ ,, الرجال ماصدق خبر ,, حمل الشنط في السيارهـ ,, رحت انادي زوجي

لهـ ,, هو يحمل الشنط وزوجي ينزلها انحاول انفهمهـ ان السيارهـ ماتكفينا مع شنطنا ,, وهو مب داري وش السالفهـ ,, ناديت وحدهـ من الرسبشن وتفهامت معاهـ ,, طلبت لنا

فان )))

توكلنا على اللهـ إلى زيلامسي :clap_1:

صراحهـ أول ماوصلنا انذهلت هاذي اللي يمدحونها !! قريهـ صغيرهـ حيل وزحمهـ عيوني على زوجي ,, قلت بيقول اللهـ يهديج مخليين سالزبورغ وجايين هني ,, دخلنا الفندق ,,

بسم اللهـ ,,

هاذي هواجيسي قبل ماروح غراند ,,,

لي عودهـ ان شاء اللهـ مع انطباعي عن الفندق وصورهـ ,,

تحيااااااتي ,,

^^

مانزلت لكم الا صورهـ وحدهـ في هالجزء لأن صار لي موقف ,, كنت احاول انزل الصور وسكرت الكيمرا وقامت تطلع صوت منبهـ وعطتني مسج إن ماقدر استحدم الميموري كارد ,, وماتتصورون هالموقف اللي استمر ساعتين يمكن شلون ضايقني خفت اتكون الصور انمسحت ,, فتحت البوابهـ العامهـ قلت يمكن في حد عندهـ خبرهـ عن الكيمرات ,, من خلال موضوع اخوي تان تان لقيت الاخ سفير الشرق موجود ,, فبعثت لهـ رسالهـ ع الخاص ,, واحتمال ماوصلت لهـ ,, والحمدللهـ من شوي فتحت ( واللهـ اني من الوناسهـ صليت ركعتين شكر ) وقدرت انزل لكم صورهـ وحدهـ والبقيهـ في المشاركات الجايهـ باذن اللهـ ,,