منتديات رياض الأنس - عرض مشاركة واحدة - ضمى الترحال في أرض الطبيعة والجمال (النمسا 2009)

10-22-2017, 04:12 PM

اهلا بالجميـــــــــــــــــــــــــــــع:rose13:

نكمل معكم اليوم ماتبقى من تقريرنا القصير

وهذه الحلقة ستكون عن حديقة الشتاد بارك

يالله اربطوا الاحزمة ... وتخلصوا من معكرات المزاج من صياح بزارين وغيره

وابغى الجميع يركككز معي بكل جوارحه ومشاعره ومحاسيسه

بعد انتهائنا قص تذاكر الاندرقراوند قلت لخويي اباخذ لفة واجي ..قال خييير سيكل هو :

قلت اجل مالنا الا الحديقة خلنا ننجزها من قريّب

واليكم صور من حديقة الشتاد بارك المقابلة لغرفتنا اللي وريتكم اياها قبل كذا تذكرونها ..يمكن محد شافها

هذي صورة للفندق من قدام الحديقة والمترو وموضح فيها غرفتنا الله يحرسها

استودعك الله ياغرفتنا ..نسيت دريشتك مفتوحه :

نبدا بالحديقة

مااجملها من اجواء خصوصا رشات المطر المتقطعة صدقوني كان وقتها جو لايوصف

هناك يبان فندق الانتر

ماطولنا بالحديقة لاني اتطلع الى تجربة الاندرقراوند وزيارة شلة الدانوب خخخخخخ
(شلة الدانوب = البرج + المقاهي+النهر وكل شي يخصه ):

رحنا وركبنا الاندرقراوند متجهين الى برج الدانوب على المحطة alte donau في الخط الاحمر u1

اول ماتطلع من محطة الــ alte donau تاخذ يمين وتمشي مع هالشارع

تمشي قرابة ال450 متر ويجيك المطعم الصيني على اليسار وتشوف البرج خلفه ..الصوره توضح

حنا الحين خلف المطلعم الصيني من جهة البرج ويلاحظ اثار المطر

طبعا الله يعينك تمشي لين توصل البرج لكن الطريق ممتع وهذا اللي راح يبان من خلال الصور التالية

وهنا نفس اللقطة بس زيادة فلسفة وحرفنه شوي

مارأيكم بالمشي في هذا الجو الخرافي

بعد الصورة السابقة نكون قد وصلنا البرج ...قصينا تذكرة الصعود وكانت بــ 5,90 يورو للكبار

ناخذكم الآن بلقطات من الاعلى حيث الكافي والمطعم

على فكرة انتبهوا بعد قص التذاكر والدخول ان هناك وحده معها كامرتها وتصورك وانت داخل ولامن طلعت تلقاها
رازتن صورتك على الجدار وتبيعها على مااعتقد ب 3 يورو للصورة ..اذا ماكنت ناسي لاني ماخليتها تصورني
تخبرون المعجبات مشكله :

بعد خروجنا من البرج واجهنا هالتوحفه (:

بعد الاستمتاع واياكم بمناظر المدينة من برج الدانوب نزلنا متجهين الى نهر الدانوب وكانت الساعة وقتها الواحدة
بعد الظهر

في الرد القادم نشاهد لقطات من نهر الدانوب ..فإلى تلك اللحظة تقبلوا تحياتي الحارة