سواليف وامآل

الناس ماتعطي من الخير ياهلال

الله كريم ويعطي الخير كله

ياصاحبي راحت سواليف وآمال

ياصاحبي بالله وصه وقله

حرف كتبته جاء من الطيب يختال

والشعر سيف في مجاله نسله

وقتٍ مضى كله مروات ورجال

يازين ذاك الوقت يازين دله

واليوم وقتٍ فيه نازل ورحال

أحد رضى بالوقت وأحد يمله

صارت سواليفهم عن القيل والقال

وان جاك طيبهم تقل فيه خله

ياهلال لاتشره على بعض الأ زوال

بعض البشرياهلال همٍ وعله

إحرص على الطيب على كل الاحوال

أفرح بشوفه لاتفضل بطله

الطيب نفخربه من أجيال لأجيال

الطيب نوماسٍ ونرفع محله

ماهي سواليف تردد وتنقال

الطيب فعل وكل رجلٍ يدله

ياما شربنا الطيب فنجال فنجال

الطيب والمعروف فينا جبله

والناس ماتعطي من الخير مثقال

الله كريم ويعطي الخير كله