منتديات رياض الأنس - عرض مشاركة واحدة

08-23-2014, 04:25 PM

بسم الله الرحمن الرحيم
السلام عليكم ورحمة الله وبركاته

كتبت جزل القاف وتقنت معناه=
=ابيات موزونه عن النقص والزود
جوابنا نحسب حسابه وندراه=
=والطيبه نبذل لهاكل مجهود
خوينانحشم جنابه ونرعاه=
=محشوم بغيابه ومحشوم موجود
وان ذمنا الجاهل صبرنا وتركناه=
=كلمه من الأوغاد ما بطردها فود
والمبغض الحاقد نهجره ونجفاه=
=والباب من يمه مغلق ومسدود
وإذا تبلانا وكرر خطاياه=
=نسلك طريق(ن)للجاويد معهود
نرسل له العاقل يعذله وينهاه=
=ونوثق الحجه ونكتب لها شهود
اذا انتها نترك مجاله وننساه=
=يروح مع من راح معنه منشود
وان كررالعوجى وعود لعمياه=
=بهانولع ولعة(ن)وسط بارود
نبرم له العسري ونيبس شفاياه=
=لطم المخالف عندنا ورثت اجدود
ويلان حناخصمنامنتغاضاه=
=عدونا نجزاه با الكيد والكود
وقصيرنا ندرى خماله ونرفاه=
=وليا طلبنا حجة(ن)نمنحه زود
الصقري قبلي في معانيه غناه=
=يوم ان الجار لرفقت الجار محدود
مقامهم با الجار كل(ن)تمناه=
=صارو له احلا من هوى ذاري النود
من مثلهم للجاريكشف خفاياه=
=ان جت طريفه راح للجارمقصود
ويفلج قصيرالبيت لوفيه ماذاه=
=عنه الخطى يسمح ولاهوبمعدود
لياعطينا الجارنجزل عطاياه=
=نقسم له الجزله ومن فوقها رود
عنازهذاي واحده من مزاياه=
=ولا مزايا وايئل(ن)مالهاحدود
من استجاربداروايئل حميناه=
= ونصيرله نورً مع ايامه السود
من ساسنا ماهوجديد ابتدعناه=
=احفاد منهجهاعلى منهج العود
يشهد لنا التاريخ باللي فعلناه=
=فك الاميره رمز من فايض الجود
ومن قبلهاوالناربا العز محياه=
=وتبقى على طول الدهرضيئهايزود
ضنابشروعبيد من يقرب احماه=
=صوان من صم الصخر حد بالود
وبني وهب وجلاس با الفعل والجاه=
=مثل المحيط اللي تعلابه الطود
قبايل(ن)في قمةالمجدترقاه=
=فككات العاني وحمايت الخود
انجانهارًغيرهم مايتمناه=
=يثنونها دون الغناديروالقود
قطعانهم قفرية الوسم ترعاه=
=تبرى سلفها دون شرط(ن)ولاقيود
حنا عزازالجار مابه مراواه=
=لنا الفخر ياهيه ماهو بمجحود
ويلان حنا ومابغيناه نلناه=
=وذمك لنا يرجع على فمك منقود
فعل الوفى والطيب حنا كسبناه=
=ويبقى لنا دام ان لنا رب معبود
كانن مجدك من غريمك تحذاه=
=ياخيبت الوالد على عهد مولود
تزويرك الواقع مذله ومزراه=
=تجارت(ن)تبنى على ربح مكسود
شف المثل يادايخ الراس وقراه=
=يوم ان بنيّك قبل تبنيه مهدود
ما يستو يلك ثوب غيرك تغطاه=
=تعيش با الدنيا ذميم(ن)مظهود
مثل مكتوب(ن)بالاساطيرشفناه=
=مضاعليه من الزمن قرن وعقود
امسك بحدك جوده لا تعداه=
=باللي يخصك مانت عليه محسود
تاريخنا حنا به ادرى وحفضناه=
=حقا يق(ن) مايغيره كذب نمرود
من كذبتك ماغيّر المزن مجراه=
=ذم البغيض يزيدنا عز وصمود
تاريخنا مجدالمعالي تعلاه=
=الى اليوم وحنا بعز والبيت مشيود
عندي نصيحه يا اهل الكذب ل الله=
=الكاذب با الدنيا شقي(ن)ومقرود
عليه لعنات(ن)من الله تغشاه=
=ومعنات لعن انه من الخير مطرود
تب يا الظعّيف وعرف الله بسّماه=
=لابد يومً تنطيوي وسط ملحود
في موقف(ن)ما منه ملجا ومنجاه=
=إلا ما قدمت تلقاه موجود
انكان خيرً تنفرد به وتهناه=
=وانكان شر(ن) عشت به خلد مخلود
ماينفعك من كان ترفع بذكراه=
=تكذب على نفسك تدورله الزود
الصدق امانه ياالضعيّف ومنجاه=
=والكذب مهوات(ن)يوم شاهدومشهود
هذا الجواب اللي بغينا وكتبناه=
=وابا استبيح المعذره يا اهل الجود
كنه صواب الحمدالله رفعناه=
=وكناخطينا نتوب ل الله ونعود
وصلاة ربي عدمخلوق شفناه=
=على النبي اعدادما يخضر العود

الشاعر. خليل مسفر الطلوحي