منتديات رياض الأنس - عرض مشاركة واحدة

02-14-2014, 07:37 PM

بسم الله الرحمن الرحيم
السلام عليكم ورحمة الله وبركاته
قصيد تشرح عن نفسها امل ان تحوز على اعجابكم

بديت بسم الله وال المقادير
..........معيّش الاجساد فوق الجليدي
نفحة هاوها فيه لفحة زمهرير
............... صلب العضام يصيرفيها هميدي
الخالق اللي صور الخلق تصوير
............. وفي مايشى في وصف خلقه يزيدي
ومن بعد ذكرالله جلً وتكبير
...........اللي على غيب الضمايرشهيدي
سجلت من عذب المثايل تعابير
............ودونت مع عذب القصايد قصيدي
حنا نصخرعاصي القاف تصخير
............ونلعب بطاروقه على مانريدي
انظم حروفه مثل عد الدنانير
..............واعدهن مثل الجنيه المجيدي
شاعر وفي راسي شموخ وزعاطير
............والوافيه عن فعلها مانحيدي
نقر الظيوف ونحتفي بالمسايير
........ونهوى الجزال ولانحط الزهيدي
من وايلٍ ناخذ وناخذ من الزير
............وناخذ شوي من الكريم المهيدي
ماهو مديح(ن)نكتسبه جماهير
........... لا والذي بيديه يوم الوعيدي
دونت سطري مع اجموع الاساطير
............وذكرت مع اطياب ربعي رصيدي
اناعشير اهل اللوجاه المشاهير
.............اللي بهم حكمه وراين سديدي
معهم نقول الراي نشورونشير
...........ونقاشهم فيه الكلام المفيدي
بالوافيه مايذخرون المذاخير
...........يولونها جهد الجهود الجهيدي
من وايل العظمى احمات المظاهير
..........ظغوم الرجال مطوعين العنيدي
ان صار بالموقف اعدات(ن)مناكير
.........وبان الخطى عندالحقود النكيدي
بيمانهم حدب السيوف البواتير
..........مضرابها جمهات راس العقيدي
اليادار حبل امحصوصها بالنواعير
.............وتقافت الرشيات فوق العويدي
مايشربون الا من ازلالي البير
...........غصب(ن)على خشم النكود الضديدي
فعل عليه اثبات ماهوبتزوير
............يوم انها بوقت الكلام الزنيدي
وكل القبايل يكرمون الخطاطير
..............والطيب بالاجواد مجده تليدي
الطيب يوجد بالوجيه المسافير
...........مسيرهم فيه الثنى والحميدي
مرافق الطيبّ كرامه وتقدير
...........اللي عن الهزلات شبحه بعيدي
في مجلسه تلقى الدلال المباهير
.......... وقدوعهن من يانعات النضيدي
تمرالنخيل الباسقات المثامير
............وساع الفروع ومخضرات الجريدي
ريف الظيوف ولايهاب المخاسير
............ مايذبح ال اجزلها والفريدي
ولاالردي شبه على نافخ الكير
...........نفحه خبيث وقربته ماتفيدي
اماحصل ريح(ن)يغث الحناجير
............ولا دمر ملبسك لوهوجديدي
من رافق الانذال لا يرجي الخير
.............حبل الردى رثيث ماهوجويدي
أطيور الرخم ماتعتلي بالمواكير
...........البوم دايم بالخرايب امسيدي
وتكرم عن الهزله رجال(ن)مغاوير
............هقواتهم تفك صلب الحديدي
وقفاتهم تذري عن الظيم وتجير
..............وتاريخهم عبر الزمن مايبيدي
واليوم حنا بخير وديارنا بخير
............. بحكم ال سعود مرحررين العبيدي
احوالنا صارت رفاه وتياسير
............ نعيش بمان(ن)وعيشً رغيدي
راحة سنين القاسيه والعواثرير
.............. يوم العرب تاكل يبيس القديدي
وصلاة ربي عد ماغرد الطير
..........وعداد مصروف الذهب والرصيدي
على نبي(ن) نور الدين تنوير
............صلوا عليه بكل يوم(ن) جديدي

الشاعر/خليل الطلوحي