بسم الله الرحمن الرحيم
السلام عليكم ورحمة الله وبركاته

ابيات امل ان تحوز الرضى

ياكثر ماسجيت والبال حيران
................وكم مرقب(ن) خمتني الرجل يمه
ضيق(ن)يخم القلب في بعض الاحيان
......................وماهو غلط لوقلت دايم يخمه
اليا دك داكوك الطواري بالاحزان
......................غديت كني غارق(ن)وسط طمه
يادمعة(ن)راقت على صبي الاعيان
.......................طواري(ن)زادة على القلب همه
من شوفت الاسلام ينهك وينهان
.................... على مراء ومشاهدة كل الامه
تناحرت كل البشر والبلا حان
..................جنب طريق الخير والشرعمه
ان جيت اعربها احترت مابين الاركان
.........................لوكان اعرابه بين جزمه ضمه
ميزّت مخلوق على اشكال والوان
.....................كلن يتل اللعرف والحق يمه
احدٍ يانام الليل هاني وجدلان
.................واحدٍ كوابيس المخاطر تخمه
واحدٍ مسالم مايتعرض لمن كان
................واحدٍ يحوش من المكايد بكمه
يالله يامطلوب ياذات الاحسان
...................... ياللي خلقت العرق واجريت دمه
تسمع دبيب النمل في حيث ماكان
...................وفوق الصفا بالليله المدلهمه
تجيرنا من كل حاقد وفتان
.................وتزيح عن اسلامنا كل غمه
وتفرج لشغب(ن)بالهوال غرقان
...............شاف الهوان وغابر الضيم ضمه
مابين كلب الروس ومسعر ايران
................. كل ارعن(ن)ذبح البشر مايهمه
انت الحسيب المطلع عالي الشان
..................وانت الوكيل وحسبنابالمهمه


الشاعر/خليل مسفر الطلوحي