واحد هو الحِزن لو كِثــــرت وجيــــــه الليال !
ياوقت ..لا تقفل أبوابك عليّ ..و تشين !
حظي يدينه قصيـــــره .. والأمــــاني طوال !
والريح عن عالي أفكاري ..مـ تبّت يدين !
ناديت صدفه ..تهـــــاوت بي بيـــــوتٍ جزال
سافرت .. لكن طريق العمر..برد وحنين !
يـ الله أبفتـــــــــح على سُور المقادير / فال
محتاج آمرّر خلاله ..كل مابي ..سجين !
هذا البلد : صُبــــــــح كسلان و شقاوة عيال
فيه البشر : يحسبون المال .. سحرٍ مبين !
ماقسى مـــــن إنك لجل عينه تعاف السؤال
إلا الغرق في كلام الناس بأسباب .. دين !
عطشان ياطفلة الما يا إنتــــــعاش الزلال !
غيمك خذلني ..ولا لي بعد ربك .. معين !
الهمّ : رحـــــــــله طويله .. ترفض الاختزال
والحب: لوحه نستها الشمس في بيت طين
وأنتــي مع كبـــرياءك .. نـــــايمه بالــحلال !
وانا إتّقطّـــــــع ورودي ..ياتجين ..أو تجين !
ليت الســــما ..لا دعــــــيت الله تمطر وصال
ما كان جــفّ الخفوق و صار شكلي حزين !
ذنبي زرعتك علــــى جالي .. بلــــحظة زوال
ذنبك : رحلتي مع النسيان .. خلف السنين
فيني من الكــــادحين .. الصبــــر و الإعتدال
إنسان قُوتي .. على كثر إحتياجي [ يقين ]
اصحابي إن رحت عنهم صـــــــوّتوا لي تعال
وإن جيت : شبّوا فــوانيس الجفا .. مبعدين
يطردني الحـــــكي | وآتهرّب من الإنفعال !
لين آتعثّر .. بواقـــــع .. للمصالح .. رهين !
طفلٍ تعوّدت أوزّع ضحـــــــكتي [ برتقال ] !
للناس .. لأ شباه تشبـه ناس .. للعابرين !
مرّي / قبل تتلف آمالـــــي هبوب الشمال !
بعض الغلا .. يـــذبح الرجّال ..لو مايبين !
صدري حديقه .. حوالــــيها المــــواجع ظلال
عمرك سمعتي حديقه ..تفتقد ..ياسمين ؟
ْْ~~~~ْ
رااقتــــ ليــــ