منتديات رياض الأنس - رحلتي الشتوية.. ميلان كومو البندقية فلورنسا بيزا ربالو برتفينو ميلان

منتديات رياض الأنس (http://www.riyadelounss.com/vb/index.php)

- رِيَاض إبْنُ بَطُوطَة لِسْيَاحَة والسَفَر (http://www.riyadelounss.com/vb/forumdisplay.php?f=25)

رحلتي الشتوية.. ميلان كومو البندقية فلورنسا بيزا ربالو برتفينو ميلان

رحلتي كانت فجر يوم السبت 16 ديسمبر على الخطوط السعودية مباشرة
والعودة صباح يوم الاربعاء 27 ديسمبر على الخطوط السعودية مباشرة

الطيران كان عادي جداً وطيارة صغيرة مثل الطيران الاقتصادي ثلاث ركاب على اليمين وثلاثة على اليسار
في الذهاب كانت الطياره شبه مليانه والعوده مليانه

استغربت في الذهاب أن فيه نسبة كبيره من الهنود أو البنغالية مسافرين قروب بعوائلهم
ولا فيه اي سعودي غيرنا https://www.arabtrvl.com/vb/images/S...hatsapp/34.png

مدة الرحلة تقريبا 6 ساعات

الذهاب والعودة
الرياض - ميلان
ميلان - الرياض

خطة الرحلة
يوم الوصول ميلان ثم ناخذ السيارة وننطلق لكومو نجلس ليلة ونطلع بعدها للبندقية https://www.arabtrvl.com/vb/images/S...hatsapp/22.png
جلسنا ليلتين ثم الانطلاق الى فلورنسا ايضا ليلتين ثم مرينا بيزا ساعة زمان https://www.arabtrvl.com/vb/images/S...hatsapp/28.png متوجهين الى بورتفينو
بنجلس فيها ليلة لكن السكن كان في ربالي تبعد 20 دقيقه عن بورتفينو ثم باقي الايام في ميلان https://www.arabtrvl.com/vb/images/S...tsapp/e43f.png

https://www.arabtrvl.com/vb/images/S...fwasel/gbg.png

أول ما وصلنا ميلان اظاهر ماكان فيه الا رحلتنا ورحلة معنا فاضية الجوازات وما طولنا وحتى الشنط على طول وصلت https://www.arabtrvl.com/vb/images/S...tsapp/e43a.png

كانت الخطة باخذ شريحة من المطار وثم اخذ السياره لان حاجزها من موقع SIXT كان عندهم عرض تخفيض 20% وتدفع عند الاستلام وقابل للالغاء في اي وقت
مع ان مواقع التاجير زي رينتال كار وكايك وغيرها تطلع لي ان فيه سعر ارخص لسيارات وعن طريق شركة SIXT الا اني قلت اتعامل مع الشركة اضمن لي واوضح لان قد استاجرت عن طريق هالمواقع ويوم وصلت طالبوني ادفع مبلغ تامين على السيارة يقولون مانقبل تامين الشركة خلهم يرجعونه لك https://www.arabtrvl.com/vb/images/S...hatsapp/60.png

دورت محل اتصالات في المطار ماحصلت لكن سالت مطعم هناك يتكلمون انجليزي مكسر زي محدثكم https://www.arabtrvl.com/vb/images/S...yolks00520.gif

وقالوا لي تحصل شرايح عند محل تبديل العملات ويوم رحت حصلت عنده شريحة فودافون عندهم عرض
بس 45 يورو شريحتين وحده نت بس والثانيه نت واتصال وحده فيها 10 جيجا والثانيه 8 جيجا
لكن اشك في كلامهم لان فيه وحده من الشرايح على طول خلصت الثانية كنا نشغلها للضروروة بنبحث عن لوكيشن ولا نشغل سناب شوي ونصور

يوم خذت الشريحة قلنا خل ناكل لنا شئ دامنا خلصنا امورنا .. خذنا لنا كوروسان وقلنا لهم نبي كوروسان مع جبن بدون لحم وخرابيط وhttps://www.arabtrvl.com/vb/images/S...tsapp/e043.png
والمدام طلبت لاتيه <<< يوم وصل انصدمت وهي انصدمت من اللاتيه https://www.arabtrvl.com/vb/images/Smilies/(50).gif
طلع اللاتيه عندهم حليب ساه .. فلازم تقولهم لاتيه مع قهوه فيسوون لك حليب ويصبون عليه شوي قهوه https://www.arabtrvl.com/vb/images/S...hatsapp/49.png
وصراحه كنت متخوف من ردت فلعهم وتعاملهم مع الاجانب واللغة لكن طلعوا زي العسل https://www.arabtrvl.com/vb/images/S...yolks00570.gif

عاد استلام السياره واضح تتبع لوحة ايجار السيارات والباص نفس الطريق في الدور الارضي
وحصلت شركة سكست لحالهم لهم مكتب كبير تحت واضح خلصت اموري وخذت السيارة

هنا بدت اللخمة https://www.arabtrvl.com/vb/images/S...yolks00150.gif
حركت السيارة يوم جيت اطلع حصلت بوابات ماتفتح الا بكرت، وفيه كرت معي ادخله يقول غلط
واجرب بوابه ثانيه نفس الشئ ..
الا رحمه من ربي جت عاملة تنظف ماتفهم انقليزي اشرت لها وخذت الكرت وعلى طول فتح
طلع المشكله فيني مدخله مقلوب https://www.arabtrvl.com/vb/images/S...yolks00740.gif

طبعاً السيارة فيها شاشة ونفقيشن انجليزي فما يحتاج تطلب منهم جي بي اس شيك على السياره لاجيت تطلبها وشف مواصفاتها عشان لاتخسر عمرك

واصلا انا محمل خريطة اوف لاين من قوقل ماب لايطاليا

وانطلقنا بحفظ الله نتبع الخريطتين عشان نتاكد ان الوصف صح
والحمد لله الامور تمام لكن الي موب تمام ان العالم طايره وانا مهدي ما اعرف كم السرعة القصوى https://www.arabtrvl.com/vb/images/S...yolks00160.gif وودي اسرع مثلهم وراي 40 دقيقة على ما اوصل

بعد مسافة جتنا بوابات كثيرة https://www.arabtrvl.com/vb/images/S...tsapp/e252.png https://www.arabtrvl.com/vb/images/S...yolks00550.gif
وش السوات يا ام محمد ..!! وين نروح معه بعضها عليها علامة قروش وفلوس وشي اسفر ومكتوب تيلي باس

وانا اذكر اني دافع من ضمن الرسوم ضريبة طريق.. قلت بدرعم مع الي تيلي باس الي بدون بوابه
وتوني معدي الا تولع اشارة حمراء وتطقني الغلقة https://www.arabtrvl.com/vb/images/S...yolks00160.gif
من اول يوم يقفطوني .. واذكر دبي عندهم مخالفه كبيره على سالفة بوابات سالك لاتصير مثلهم
وانا قاري في تويتر قبل ان فيه واحد جته غرامه كبيرة وطول الطريق قافلة

جتني بوابة ثانية بس ما اذكر هو انا بس دفعت 2 يورو ولا اني خذت كرت

الزبدة سالفة هالبوبابات هي في الطرق السريعة لاجيت تدخل واذا جيت تطلع منها لازم تمرها وتوقف تحصل فيه كرت طالع تسحبه وتمشي ولاجيت للبوابة الثانية
بتحصل فيه بوابات فيها كاشير وفيه بوابات زي المكاين تعطية الكرت او تدخل الكرت في المكينة ويطلع لك السعر في الشاشة وتدفع هلل ولا ورق واظاهر بعد فيه بطاقة بعض البوبات

طبعاً حط حسابك لهالبوابات من قطة السفرة اذا انت بتستخدم السيارة
اقل شئ 2 يورو او 1.70
ومره وصلت اظاهر 20 يورو

المهم يوم دخلنا كومو بدت الشوارع الي رايح جاي صغيره ويمينك البحيره بس انت فوق جبل https://www.arabtrvl.com/vb/images/S...hatsapp/18.png
وفي هالمسارين يمشي معك سياكل ودبابات ومنعطفات فلازم تركز وفيه اشارات مؤقته يصير فيه صيانه فيجبرونك تدخل على المسار الثاني تعكس

ووصلنا الفندق اظاهر الساعة 11 وكان تسجيل الدخول الساعة 2 لكنهم ماقالوا شئ وكان كل شئ جاهز ومتعاونين وبشوشين وانا كنت ماخذ فكرة سيئة عن الايطالياً بسبب سمعتهم وسمعت الديرة

http://i64.tinypic.com/2q36dma.jpg
هذي اطالالة الغرفة .. خذنا لنا غطة ابو ساعتين ترريحة عقب الرحلة والخط
ثم طلعنا نتمشى في المدينة ونشوف وش علومها .. كنت متصور انك تمشي وتوقف سيارتك على اي رصيف
طلع فيه مواقف منتشره في المدينة طبعاً بفلوس والقريب زحمة واوقات ادخل مع طرق الناس تمشي فيها ضيقة والجي بي اس يقول طريقك صح لحسة مخ https://www.arabtrvl.com/vb/images/S...tsapp/e019.png

في النهاية حطيت موقع مواقف ثاني على اساس انه ابعد من الاول وطلع قريب
لان المدينة اصلا صغيرة لكن الخريطة مكبرتها وقلت ليتني موقف من زمان في هذي المواقف بدال الفرفره
نظام المواقف تحصل في الشارع لوحة مكتوب بالازرق P وبعضها مكتوب تحتها كلمة بالاخضر معناتها متاح
تاخذ ورقة وبالساعة وقبل لا تطلع فيه مكينة تحت في المواقف تسدد وانت طالع تحط الكرت تفتح البوابة

المكينة ماتقبل اكثر من 50 يورو عملة ورقية لكن تقبل بطاقة <<- ماكان معي فكه بس 100 يورو وابيهم يفكون لي https://www.arabtrvl.com/vb/images/S...hatsapp/17.png في النهاية استخدمت البطاقة

كان وسط المدينة الدومو زحمة لانه صادف عطلة الكريسمس وحاطين اضاءه على الكنيسه والمباني الي جنبها عالم.. وقلنا بنجرب مطعم ممدوح لنا في هالساحة ودخلنا بنطلب لنا شئ يشبعنا ويدفينا

العالم اغلبهم شراب وانا دايخين نبي ناكل ونزبن من البرد
جاب المنيو ندور شورة ؟؟ قال مافيه واستغرب يوم سالنا https://www.arabtrvl.com/vb/images/Smilies/(158).gif
في الاخير طلبنا بيتزا وسلطة سيزر ومكرونه وكانت اول وجبه فعليه من ايطاليا https://www.arabtrvl.com/vb/images/S...whatsapp/7.png

احس اني كثرت كلام .. خلني بكره ان شاء الله اكمل لكم باقي السوالف عشان لا اقلب راسكم ... يالله نراكم على خير https://www.arabtrvl.com/vb/images/S...hatsapp/62.png

رد: رحلتي الشتوية.. ميلان كومو البندقية فلورنسا بيزا ربالو برتفينو ميلان

https://www.arabtrvl.com/vb/images/S...fwasel/gbg.png
نستكمل أ؛داث السفره، طبعاً رجعنا للسيارة وقلنا نمر سوبر ماركت نتقضى لنا خفايف ومويه
وبحثنا الا فيه كارفور واظاهر انه هو اشهر سوبر ماركت عندهم

الزبده وقفنا الموتر وبدينا رحلت البحث واول مادخلنا الا قسم الخضار وكل سفره لنا نمر محل خضار لازم ناخذ من عندهم (فندي ، يوسفي، يوسف افندي، اخو البرتقال https://www.arabtrvl.com/vb/images/S...tsapp/e346.png) https://www.arabtrvl.com/vb/images/S...yolks00650.gif

الزبده النظام اخدم نفسك بنفسك حتى الميزان، ونعبي كم حبه وتورطنا اشلون نحط التسعيره وحاولنا نراقب الي قبلنا وش يسوون في الجهاز https://www.arabtrvl.com/vb/images/S...yolks00680.gif لكن للاسف هو عباره عن ميزان الكتروني وفوقه زي اللوحه فيها ارقام الى 33 تقريباً

كل واحد يحط الخضار او الفاكه ويضغط الرقم ويطبع له السعر والوزن
واناظر الخضره الا كل نوع فوقه كلام وسعر ورقم وقلنا نجرب بعض الارقام
مرتين كل مره يطلع لنا سعر غير سعر الكيلو المسجل https://www.arabtrvl.com/vb/images/S...yolks00220.gif

في الاخير ام محمد قالت جرب هذا الرقم ونجرب الا ضبط وتنفسنا الصعدا مشتهين الفندي وقتها https://www.arabtrvl.com/vb/images/S...hatsapp/37.png

ثم جلسنا ندور خبز طبعاً كل مرحله نشوف اهل الديره وش يسوون ونقلدهم
المشكله اهل الديره يشترون خبز بالكيلو بعد https://www.arabtrvl.com/vb/images/S...hatsapp/59.png والمشكله ناشف مدري وش يحبون فيه زي الخبز الفرنسي لكن اشكال واحجام

الى ان فتحنا عيونا وحصلنا قسم ثاني حق خبز توست وصامولي، وخذنا مويه
الشاهد جينا نحاسب .. وحاسبت الا ادور كيس بعبي اغراضي !!
واسالها وتطلع لي وحده من تحت .. انا قد سمعت انهم يحسبونها بفلوس بس ماجاء في بالي لكن ذولا يعطونك اذا طلبت ... وفي ميلان عطونا كين نايلون قلنا لهم نبي كيس ورقي احلا شكل عشان هديه قال لا هذا بفلوس https://www.arabtrvl.com/vb/images/S...hatsapp/59.png

ورجعنا للفندق ميزته عنده مواقف خاصه فيه مجانية واطلاله مباشره على البحيره لكن يبعد عن مدينة كومو تقريبا 20 الى 30 دقيقة وسعره يناسب فندق حق ليلة نوم بس
لكن عيبه اثاثه قديم وكان بررد التدفئة فيه وسط ..
Ristorante Hotel Villa Belvedere

يوم اصبحنا نزلنا نفطر طبعا اغلب فنادق ايطاليا الي تعاملت معهم الفطور ينتهي على 10.30 الى 11 اخر شي

الفطور كان بسيط جداً جبن عسل مربى فواكه كورنفلكس بيض مسلوق او مفيوح الي تسمونه كوروسان
تبي اومليت تدفع زياده .. اطلالة مطعمهم راايق ومودرن واجهه قزاز كامل على البحيره
https://www.arabtrvl.com/vb/images/s.../wol_error.gifهذه الصورة تم تصغيرها . الحجم الافتراضي لها هو 833x606.http://i67.tinypic.com/2elxc11.jpg
الصوره من قوقل لتوضيح الصورة

رتبنا شنطنا عشان نسجل خروج ونمر عاد المطل على البحيره ثم نروح للبندقية
واستعدينا للرحيل .. لكن فيه شئ نسيت اقول لكم عنه يمكن تضحكون https://www.arabtrvl.com/vb/images/S...yolks00520.gif

أم العيال راعية قهوة عربية وقبل لا نسافر مرتبه العده ومتحمسه ومجهزه الترمس والمعاميل والتمر السكري المجروش

الشاهد تقهوينا في الطيارة وكيفنا .. وعاد يوم جاء صباح طلعتنا من كومو عشى اساس بتضبط لنا قهوة عشان الخط طلع الفندق مافيه غلايه https://www.arabtrvl.com/vb/images/S...yolks00320.gif
وش الطريقه ورانا خط ثلاث ساعات وحسوفه القهوه وطلع ناسين غلايتنا ماجبناها الحين وش السوات !!
المعزبه الا تبي قهوه قالت قلهم يصلحون لنا عطهم الطريقه ولا قلهم انا بصلحها .. https://www.arabtrvl.com/vb/images/S...hatsapp/48.png

والله واروح على استحياء واشوف لي ذاك الخال الشقردي واساله وحاولت افهمه وراح كلم الشيف حق المطبخ وقال ولا يدخلون زينها لهم في البار زي مكينة الكبتشينو https://www.arabtrvl.com/vb/images/S...hatsapp/62.png اخترع
وفيه موظفة الريسيبشن حاولت في الشيف لكنه مصر مافيه مالكم الا البار وقالت للخال الشقردي ضبطهم

والله يطلع لنا بريق ويحط لنا فيه مويه حاره شوي وحطينا القهوه وجلس ماسكها يسخنها بالبخار شوي شوي
لوني مكانه قلت له توكل على الله ذي شغلانه .. لاكنه شقردي جعل ربي يهديه ويسلم https://www.arabtrvl.com/vb/images/S...whatsapp/5.png
وفي النهايه طلعنا بقهيوه مقبوله تنشرب https://www.arabtrvl.com/vb/images/S...yolks00290.gif

وانطلقنا للمطل فيه له طريقتين عشان تطلع له
يا قطار مخصص للمطل ولا تطلع له بالسياره وفيه مواقف فوق

https://www.arabtrvl.com/vb/images/s.../wol_error.gifهذه الصورة تم تصغيرها . الحجم الافتراضي لها هو 1280x720.https://i.pinimg.com/originals/fb/81...bfa00ca31b.jpg

انا قلت بروح بالسياره ودي اتمشى في الديره ومره طلعت بالتلفريك في تركيا وتحسفت قلت ليتني مشيت بسيارتي احلا

لكن هالمره تحسفت لان ايطاليا شوارعها وسخه تخيل تطلع جبل بشارع رايح جاي مايتحمل الا سيارتين وبعض الاماكن سياره وحده وفيه منعطفات خطره جداً ومافيه حاجز الحاجز شجر وحاطين ماصورتين يقالهم حمايه وهي لاتغني ولا تسمن من جوع

يوم طلعنا فوق فيه مواقف على حظنا كانت مجانيه لانه يوم السبت او الاحد
,فيه مقاهي تطل على البحيره من فوق الجبل المنظر جميل وانت تشوف الجبال والبحيره

ماطولنا ثم انطلقنا الى البندقية فينيسيا بلد العشاق على قولتهم

https://www.arabtrvl.com/vb/images/S...fwasel/gbg.png

وصلنا للجسر المتصل بالبندقية طبعا اذا قربت توصل بينتهي الطريق بمسارين وفيه لوحات للمواقف كاني منيب واهم اذكر اني مسكت اليسار ووصلني لاقرب مواقف

لكن فيه واحد كان مقفل والثاني ما انتبهت له فدخلت لهذي المواقف
Garage San Marco Venezia
واتوقع انهم موحدين السعر للمواقف القريبه .. هي عباره عن مواقف ادوار اول ماتدخل من البوابه يستقبلك واحد يعطيك ورقه ويقولك اي دور تروح له .. واذا وصلت للدور بتحصل واحد ثاني يستقبك يسالك كم بتجلس ويسجل على الورقه شئ مدري وش

لكن من خلال اطلاعي عن المواقف انهم يقولون لك خل مفتاح السياره في السياره اذا نزلت لان احتمال انهم يحركونها في اوقات الزحمه ويرصون السيارات قدام بعض، بس على وقتي كان فيه مجال ولا قالوا لي شئ

وصولنا كان على المغرب وبرد ومعنا ثلاث شنط https://www.arabtrvl.com/vb/images/S...hatsapp/26.png
ادري ان كل من راح يحذر من كثرت الشنط بس وش نسوي خفت اخلي شئ في السياره
وقلت باخذ تاكسي اسرع ويوصلني للفندق مباشرة وكنت متوقع ان الفندق له باب على القناة المائية لكن طلع هو يطل على قناة صغيره لكن ماله باب ولا تدخل التكاسي مثل هالممرات

http://i64.tinypic.com/2ytxjt5.jpg

طبعاً التاكسي مكتوب لوحة انهم موحدين السعر لكن يمكن في المواسم الميته انك تكاسرهم
واذا انت منتب مستعجل ولا وراك شئ بينزلون لك

انا خذت التاكسي الى وسط المدينة القديمة ب 60 يورو .. طبعاً موقف التاكسي جنب موقف الباص مكتوب عليه TAXI
https://www.arabtrvl.com/vb/images/s.../wol_error.gifهذه الصورة تم تصغيرها . الحجم الافتراضي لها هو 930x498.http://i66.tinypic.com/281whex.jpg

الحساب كاش مافيه بطاقة

وصلني لاقرب موقف باص جنب الفندق وانا اختياري للفندق كان جنب موقف الباص دقيقتين مشي الا انا عند الفندق

الجندول ماتقدر تاخذه من مواقف المطار او مواقف التاكسي له مواقف خاصه حول المدينة وكل موقف له جوله خاصه فيه، انا غلطت واستعجلت وخذت جندول جنب الفندق وخذ بي لفه في الممرات المائية لكن توقعته بيوديني لجسر التنهيدات وجسر مدري وين لكن طلع بس يلف للممر المائي الي حول موقفه

http://i67.tinypic.com/33bmsci.jpg

ادري خشيت عرض بسالفة الجندول بس لاني كنت اسال عنها هل الجندول يوصل من المطار للفندق بحيث اخذه مره وحده ياخذ بي جوله ويوصلني للفندق ولا لا

طلع مايوصل زي ماقلت له جولات مدوده وحده تقريبا 30 دقيقه واشك اتوقع اقل ما حسبتها وفيه اطول لكن اغلب العالم ياخذون ام 80 يورو الي هي 30 دقيقة
وحتى الجندول قابل للمكاسر وبيقولك السعر موحد وبيوريك لوحه لكن في غير المواسم واذا شافك صامل بيقولك تعال انا خذته ب 60 يورو مرتين ومن منطقتين مختلفه لكن ماركبته الا مره وحده لان المره الثانيه ماكان معي كاش وقال ما اقبل الا كاش

https://www.arabtrvl.com/vb/images/S...fwasel/gbg.png

ونكتفي بهذا القدر اليوم ونكمل لكم ان شاء الله بكره ولا بعد جولتنا في البندقية وتصوري عنها
نشوفكم على خير https://www.arabtrvl.com/vb/images/S...hatsapp/69.png

رد: رحلتي الشتوية.. ميلان كومو البندقية فلورنسا بيزا ربالو برتفينو ميلان

نستكمل جولتنا ..
وصولنا للفندق كان تقريبا على العشاء كنت حاجز عن طريق موقع الفندق
وهذي معلومه طلعت لي بالصدفه

أنا عندي طريقة لاجيت احجز اول شئ اروح لموقع بوكينج <-- دعاية غير مدفوعة الثمن https://www.arabtrvl.com/vb/images/S...hatsapp/22.png
ثم اقراء التعليقات اذا شفت كثير يذمون ربعنا والاجانب اخليه واروح اذا والله فيه وفيه
اروح ابحث عنه في تريب ادفايزور واشوف كلامهم عنه<-- دعايه غير مدفوعة الثمن https://www.arabtrvl.com/vb/images/S...hatsapp/22.png
ومنها اشوف صور المسافرين الواقعيه للغرف ودورات المياه والاطلاله
اذا والله ارتحت اكتب اسم الفندق في قوقل يطلع لي بقائمة بكم موقع عارضينه بالاسعار <-- دعاية غير مدفوعة الثمن https://www.arabtrvl.com/vb/images/S...hatsapp/32.png
ثم اشوف ارخص سعر واقارنه مع بوكينج طبعاً اقارنه قابل للالغاء وغير قابل واذا كان قابل للاغاء الى متى قابل بعضم نصابين يقول بعد 14 يوم من تاريخ الحجز تقدر تعدل وبعضهم قبل يوم من الوصول

الشاهد في البندقية وميلان طلع لي الحجز عن طريق موقع الفندق ارخص من كل المواقع بفرق 100 ريال تقريبا وميلان اظاهر 300 ريال

وزيادة على كذا عطوني تسجيل متاخر زيادة ساعة عن الوقت العادي الي هو 11 انا خلوه لي الى 12
وحاطين لي هديه قناع بالقماش وحلاو ومغناطيس فنيسيا حق الثلاجة https://www.arabtrvl.com/vb/images/S...hatsapp/14.png كل ديره نروح لها ناخذ لنا واحد ذكرى

نرجع ونذكر سبب اختيار الفندق انه قريب من الساحة وقريب من موقف الباص والفندق فيه مصعد ومقبول نوعا ما ويكون على ممر مائي ومطل
لان اغلب الفنادي اشوف اثاثها قديم جداً واسعارها ميب رخيصه على شكلها
في الصور فمدري هي مقصوده ولا هي اصلا قديمه وفيه فنادق بدون مصاعد
دخلنا الغرفه كان ديكور قديم كلاسيك مرتبه ونظيفه لكن الاثاث طرازه قديم وانا صراحه احب المودرن
فتحت الاطلاله بشوف عساها تجوز للمعزبه https://www.arabtrvl.com/vb/images/S...hatsapp/54.png
الا طلع ممر مائي ضيق لوني ماخذ فندق ثاني ابعد ويطل على ممر مائي كبير احلا وافضل https://www.arabtrvl.com/vb/images/S...hatsapp/21.png
فيها شرفه صغيره بس لازم توقف عشان تتفرج
اسمه
Hotel Ala

سجلوا الدخول بسرعة وشالوا الشنط لنا الي وصل الشنط كان ينتظر مني شيء لكن للاسف مامعي فكة
وسويت نفسي ما انتبهت له وجلست اتفقد الغرفة https://www.arabtrvl.com/vb/images/S...yolks00780.gif

وخذنا لنا جوله سريعه عشان ناكل لنا شئ قبل ننوم
اول ملاحظة لاحظناها على الديره انها صغيره على طول وصلنا للساحة والمدينه قديمه جداً وتقول مهجوره https://www.arabtrvl.com/vb/images/S...hatsapp/21.png
مزينين الممرات بالاضاءات والناس تتمشى ومبسوطه لكن برد
يوم وصلنا للساحه كانت المحلات اغلبها مقفله كئابه

رحنا لمطعم الا مكتوب توه فاتح الساعه 7 الليل
لان زي ماقلنا عندهم نظام يقفلون العصر ويرجعون يفتحون بعض المحلات

جاب المنيو ونفس الشئ سالنا عن الشوربه وقال ايه فيه ويوم شفتها في المنيو هي عباره عن مرق خضار موب شوربه شوربه https://www.arabtrvl.com/vb/images/S...hatsapp/11.png

http://i65.tinypic.com/240yyox.jpg

تعشينا وحمدنا الله وقلنا شكل ذا الديره نهاريه يبي لنا نصحى بدري ونشوف وش وضعها ودايخين من صباح الله خير نفتر وماسكين خط وبرد ولا فيه مطر https://www.arabtrvl.com/vb/images/S...hatsapp/11.png

رجعنا للفندق وعينا من الله خير ويوم اصبحنا وافطرنا في الفندق
طلعنا نستكشف المدينة في النهار
كنا حاطين في البال ان المدينة كبيره وتضيع ودواعيس
لكن فعلياً هي صغيره وصح ممرات لكن في النهاية بتطلع على شئ واضح وبترجع
يعني خلال يومياً احس اني عرفت اهم المناطق واقدر ارجع للساحه ولا الفندق بدون قوقل

http://i67.tinypic.com/vo1lhu.jpg
هذا جسر التنهيدات الي يقولون انهم سموه كذا لانه اخر ممر للمحكوم عليه بالاعدام يمرون عليه قبل السجن او الاعدام طبعاً انا كنت متصور انه جسر ضخم وعالم عنده طلع صغير وبعيد عنك لانك توقف على جسر ثاني فوق الممر المائي

طبعاً الحياة فرقت النهار عالم يخترشون خاص سياح شرق اسيا https://www.arabtrvl.com/vb/images/S...yolks00680.gif قرووبات مليانين
ولاحظت في الساحات في كل مدن ايطاليا بنجاليه شغالين يبيعون العاب ولا مظلات وخاصه في ساحة البندقيه معهم حب يوكلون الحمام ويجون يحطون على راسك ولا يعطونك بيدهم عادي عادي ويضحك ويقولك حبيبي ولا السلام

واذا خذت وخلصت وقلت وصورت جاك قال هات كم يورو
انا اعرف حركاتهم لكن شفتهم يقولون لوحده صينيه هاتي وعطتهم حول 10 يورو
ويوم مشينا شوي لقيت محل يبيع نفس الكيس معه كامل ب 2 يورو https://www.arabtrvl.com/vb/images/S...yolks00160.gif انا يقهرني الي كذا يستغفل العالم

http://i66.tinypic.com/972vra.jpg

فيه شارع اغلب المحلات فيه ويوصلك من ساحة سان ماركو الى جسر Rialto Bridge
كله سياح
وفي هالممر المائي الي عليه الجسر فيه مطاعم ومقاهي جلساتها على الممر المائي ماجربت ولا واحد فيهم لكن غالبا كل اكلهم نفس الشئ واغلب وجباتي كانت اسبغتي مع ماكولات بحريه <<-- عاجبتني https://www.arabtrvl.com/vb/images/S...yolks00690.gif
ومن خلال جولاتنا وبحثنا عن مطاعم
بعض المطاعم او مقاهي نحصلها مقفله وكاتب ورقه عليها https://www.arabtrvl.com/vb/images/S...yolks00220.gif
المحل مقفل من يوم كذا الى كذا اجازة
اغلبهم عشان الكريسمس لكن الفنادق في بعض مدن ايطاليا زي كومو وبورتفينو يقفلون ثلاث شهور بسبب موسم الشتاء

http://i67.tinypic.com/142udmp.jpg
الي يبي برجر اظاهر مافيه الا هارد روك كافيه هم الي عندهم برجر وبطاطس مقلي

كثير من الناس تقول لاتتقضاء من البندقيه لانها غالية
لكن من خلال جوله سريعة طبعا موسم تخفيضات ، زي زارا مثلا اسعارهم ارخص من السعودية مع الضريبة بعد حتى ان المدام حصلت كوت شاريته من الرياض قبل تسافر وحصلته هناك نفسه اخوه مع الضريبه يفرق 400 ريال تقريبا

لكن فيه محلات اسعارها مبالغ فيه زي مثلا سالت عن بلوزه او كوت ناسي سعرها 4000 يورو
محل صغير فتحه وحده زي البوتيك ولا نعرف وش الماركه

طبعا مارحن لاي متحف مالنا مزاج اغلبها كنايس ولا تماثيل ومجسمات ميب جونا
وبالنسبه لي عشان مافيه مطر كل المدن الي مريتها الى الان تعتبر عاديه عشان مافيه مطر ولا سحاب https://www.arabtrvl.com/vb/images/S...yolks00790.gif

المهم مرينا لنا مقهى في الساحة ساحت سان ماركو ومافيه الا ثلاث مقاهي وواحد منهم مطعم
وكلهم نفس الطراز وكلهم عندهم جلسات خارجيه على الساحة

المهم هذا زحمه وطرازه قديم جداً لكنه مكتوب لان جلنا داخل وموب شين لكن مقاهي ودبي والرياض احلا منه بمليون مره https://www.arabtrvl.com/vb/images/S...hatsapp/11.png

ورحنا له مرتين نحلي فيه ماعندهم اكل يقول انا مقهى فيه سناك ساندويش وكذا
Caffè Florian

هذا اسمه

فيه صور بس في الكاميرا لبعض مناظر البندقية لكن يبي لي افرزها ولا عندي فوتوشوب اضبطها
لكن الجود بالماجود

ورجعنا للفندق لان في اليوم التالي بنسجل خروجنا وننطلق لفلورنسا
كنت شايل هم الصباح كيف برجع للمواقف خاصه ان التاكسي سعره مبالغ فيه لكن في النهايه قررت اني اخذه عشان الشنط وعشان المعزبه راحمها ماودي تسحب معي هالشنط
رحنا لموقف الباص الي نزلنا فيه التاكسي اول ماجينا واسال الايطاليين مافيه تاكسي طبعا هم مكسر الانجليزي عندهم اردى مني https://www.arabtrvl.com/vb/images/S...hatsapp/32.png

لكنهم فهموني اني احصل في ساحت سان ماركو وبعيده علي بالشنط هم كانوا ينتظرون الباص
في النهاية قررنا نركب الباص مشوار نسحب الشنط ونجرب

سالتهم كيف اوصل لمواقف السيارات ووريتهم على قوقل وشرحوا لي بالي يقدرون عليه وفهمت
وسالتهم عن التذاكر قال تشتريها من الباص نفسه
طلع الباص سهل اذا قريت الخريطه تعرف وين يوصل فيه مسارات الوان وارقام
والله وانتظرنا الا جاء الباص عباره عن قارب كبير ركبنا وركبنا العفش وشريت تكت من موظف الباص الي يفتح الباب ويقفله يعطيك تكت لمدة 3 ساعات بعده يصير غير صالح لازم تشتري غيره ب 7.5 يورو
يمشي ويوقف محطه ورى محطه يمين يسار ومسجله في مقدمة الباص داخل المحطات
وبالنسبه للتذاكر مايدققون لكن الي فهمته انهم يسوون جولات فجائيه بين رحله ورحله على التذاكر

ووصلنا اخر محطه وخذنا السياره والدفع يكون قبل لاتاخذ سيارتك او وانت ناظل توقف وتدفع وتمشي
فيه زي الصرافين موجودين تحاسب كاش ولا بالبطاقة وفيه اظاهر مكينه الي تبي
اعذروني جالس اكتب بسرعه لاني مستعجل ومتحسف امسح واكتبه مره ثانيه

البندقيه في الصيف اتوقع يوم واحد من النهار الى الليل يكفيها تفرها لكن في الصيف اتوقع فيها روائح بسبب المويه والممرات الراكده وفيه بعوض لان في الفندق محطوط تحذير وحاطين لنا صيادة بعوض اذا تبي تشغلها

حاول ماتكثر اغراض اذا قدرت
الجندول حاول تاخذ جوله على المدينه ثم تختار وش تركب
اغلب المحلات يتعاملون بالبطاقه عادي
الامن في تصوري ممتاز في وقت سفرتي

نراكم على خير https://www.arabtrvl.com/vb/images/S...tsapp/e305.png

رد: رحلتي الشتوية.. ميلان كومو البندقية فلورنسا بيزا ربالو برتفينو ميلان

طلعنا تقريبا من البندقية على نهاية العصر وانطلقنا لفلورنسا Florence
الطريق بالسياره تقريبا 2.40 الى 3 ساعات
كان الطريق كل ماننزل جنوب يبين العشب والخضار لكن في الشمال كان كل شئ بني لكن الجبال البعيده
روعه فوقها ثلج
ومرينا مزارع واطرقتهم حلوه مافيها حفر لكن من البندقيه لفلورانس اظاهر كان مسارين الايسر طايرين والايمن شاحنات والشيبان الي يمشون على مهلهم والخوافين مثلي https://www.arabtrvl.com/vb/images/S...hatsapp/32.png

يوم خذنا لنا مسافه قلنا خل نوقف ناخذ لنا تصبيره ومويه ونطلق رجولنا وتوابعها https://www.arabtrvl.com/vb/images/S...yolks00610.gif
انا مدري توفيق ولا كل محطاتهم كذا حلوه مرتبه
تحصل السوبر ماركت فيه قهوه ومطعم صغير مرتب بيتزا وساندويتشاتهم الي لحم وخرابيط
ودورة مياه وانتو بكرامه نظيفه مجاناً

وحده من المحطات حصلت واي فاي مجاني بعد
واتوقع الطريق في الصيف بيكون ممتع جداً انا للاسف ماقد رحت لاوروبا في الصيف كل رحلاتي شتويه https://www.arabtrvl.com/vb/images/Smilies/(57).gif

يوم اقبلنا على فلورنسا انا ماشي على جي بي اس السياره
دخلنا مع طريق ثم نشوف لوحه اجباري يسار وهو يقول سيده .. ايووه بدينا اللخبطه هنا https://www.arabtrvl.com/vb/images/S...busted_red.gif
ونشغل ال3G نستعين بالشيخ قوقل https://www.arabtrvl.com/vb/images/S...hatsapp/22.png

طبعاً الطريق مسار واحد ماتقدر توقف الا واروح يسار على ما يشتغل قوقل ويعطينا العلم
الا نشوف حق السياره يقول طريقك مضبوط وامشي معه الا قوقل اشتغل ثم يقول نفس طريق السياره تطمنت https://www.arabtrvl.com/vb/images/S...hatsapp/22.png

شوي جاني تقاطع فيه لوحة وجنبها اشارة والجي بي اس يقول على طول ووراي سياره وخلفها دوريه شرطة https://www.arabtrvl.com/vb/images/S...tsapp/e432.png
المعزبه تقول شف الجوال وانا عيني على المرايه واللوحه ليش لمبه حمراء !!
حتى ما امداني اقراء وش مكتوب الا واسيد شوي اشوف الي وراي موقف والعسكري يكبس عليه النور العالي يبيه يحرك .. انا هنا تورت قلت صادوني https://www.arabtrvl.com/vb/images/S...hatsapp/21.png https://www.arabtrvl.com/vb/images/S...yolks00350.gif

http://i63.tinypic.com/iqbrsh.jpg
وحاولت استعجل شوي بس مابي الفت انتباه اني منحاش https://www.arabtrvl.com/vb/images/S...yolks00160.gif
الا يصادفني دوار فيه اشاره واوقف غصب وتجي الدوريه نفسها وراي https://www.arabtrvl.com/vb/images/S...hatsapp/11.png
واعمل نفسك غبي الى الان كاد المريب ان يقول خذوني

وحركنا الى ان دخلنا في المنطقه القديمه ووحركت ناس على رجولهم وطبعاً الفندق مرسلين لي هالنقطه
وقريت عنها في المواقع انك لاتستغرب من موقع الفندق عادي تمشي بين الناس

وماشي على الخريطه الا ادخل مع سكه وفجاءه شرطيه تاشر بيدها https://www.arabtrvl.com/vb/images/S...yolks00350.gif
وش تبي ذيي صادوني
https://www.arabtrvl.com/vb/images/s.../wol_error.gifهذه الصورة تم تصغيرها . الحجم الافتراضي لها هو 1146x689.http://i66.tinypic.com/245xcmr.jpg
المشكله الجي بي اس وقوقل كلهم يقولون وصفك صح قلت مالك الا وضع اعمل نفسك غبي https://www.arabtrvl.com/vb/images/S...yolks00250.gif
وانا اصلا ضايع من جد

ويوم وصلت عندها قالت هنا عكس مسار واحد ارجع
ثم قلت اهاا طيب وين ذا الفندق ووريتها الجوال قلت ذا الفندق وينه ناظرت ورى قالت هذاك هو
الي مبين في الصوره جنبي https://www.arabtrvl.com/vb/images/S...hatsapp/32.png
طاح قلبي وقلت الحمد لله اوووف

وانزل بسرعه للفندق واقولهم معي سياره لان هم قالوا لي نقدر نوفر لك موظف المواقف للقراج الي جنبنا يجي ياخذها منك من عند الفندق ويرجعها لك لابغيتها
طبعا المواقف دقيقتين على امتداد الشارع وانا متعمد احجز هذا الفندق عشان المواقف جنبي
Hotel della Signoria
تعاملهم حلو وصارت لي معهم نفس سالفة القهوه في كومو https://www.arabtrvl.com/vb/images/Smilies/205.gif
غلايتهم الي في الغرفه متعبه تغلي المويه ثم تطفي الى ان تبرد ثم تشغلها فماتصلح للقهوه عشان تقلب
فضبطوني بس موب مثل خوينا في كومو الخال الشقردي
والفندق زي نظام ibis تقريبا
اثاث مودين وغرفه حلو حجمها بالنسبه لزوجين لكن مافيه اطلاله وقريب من الاماكن السياحيه
وصلنا اظاهر الساعه سبع او ثمان وجوعااانين لكن قلنا نصلي وننزل اغراضنا ثم ننزل ناكل شئ

يوم نزلنا الجو كان ادفا من كومو شوي مقبول لكن جوعانين واشوف قوقل ابحث عن مطاعم الي نبيه مكتوب مقفل وقلنا خل نمشي نشوف الي يجوز لنا ندخله

وصلنا اقرب ساحه لنا تبعد خمس دقايق مشي الا نشوف مطعم مرتب فيه الويتر او الجرسون يرتب الي على الطاولات قربنا بنشوف المنيو الا يقول قفلنا خلاص https://www.arabtrvl.com/vb/images/S...hatsapp/10.png تونا طيب ووين تقفلون الحين
الا الي عقبه واحد يرتب واول ما قربن الا يجينا تعالوا كل شئ عندنا قربوا وفيه جلسات داخليه الا تبون ادفاء

ناظرنا بعض وانا جوعانين ولا فيه حل خوفك يقفل هو بعد
قلنا يالله ويدخلنا للقبو https://www.arabtrvl.com/vb/images/S...hatsapp/21.png
قلت في نفسي هذي اولتها اخر الليل عندهم وقبو .. توكلت على الله
يوم نزلنا الا لقينا فيه عائله متحجبين لكن موب من جماعتنا اظاهر باكستانيين ولا هنود الزبده مسلمين

تطمنت شوي دام معنا مسلمين اهون لا يجتمعون علينا https://www.arabtrvl.com/vb/images/S...yolks00610.gif
ويجيب المنيو ونطلب لنا ذيك البيتزا المارقريتا وذيك الاسبغيتي البحريه خويتي بس اهم شي مافيه اي نوع من اللحوم الخرابيط خنزير بورك هام بيكن بابروني https://www.arabtrvl.com/vb/images/S...hatsapp/22.png
وشغل لنا الواي فاي

شوي الي ورانا يطلبون واسمع ابوهم يقول للطباخ لاتحط واين ولا كحول ولا خرابيط
قلت ايووه انا اخبرهم يطبخون بالواين والموضوع فيه شبهه https://www.arabtrvl.com/vb/images/S...yolks00220.gif

يااا معلم ياا معلم تعال
شف انا طلبت بس اكد على الشيف لا يحط لنا من هالخرابيط بعد في الطبخ قال ايه ايه سمعت ذوليك ابشر ابشر وكان ماجاز له العلم https://www.arabtrvl.com/vb/images/S...hatsapp/11.png

الزبده اكله دسسسسسم بس حلاته في البرد يشبع ويدفي وتصلح للجوعانين لكن لو بروح مره ثانيه منيب رايح له

وبعد ماخلصنا طلبت الحساب وجاب الفاتوره وقالي هذا الحساب والاكراميه اذا ودك على كيفك حط الي تبي وعطاني ذيك الابتسامه طبعاً عطيته الحساب ورقة 100 ورجع الباقي وانا اتابعه وعطاني مثلا 10 يورو وباقي 3 يورو مفروض يعطيني 13 بس يوم عطاني ال 10 قال اوكي مع ابتسامه خايف اقول له لا قلت اوكي
الصراحه ماكنت بعطيه بس عشانه زبنا في وضعنا هذا قلت دفعت بلا وانبسط وقال ماقصرت وبردها لك في الجايات والي تبي انا جاهز <<-- خروج عن النص https://www.arabtrvl.com/vb/images/S...yolks00520.gif

وعينا من الله خير وعبينا بطونا ثم اتجهنا للبيت الا كل المحلات قفلت لكن فيه ناس تتمشى والي تلعب وتضحك والممرات مزينه باللمبات عشان الكريسمس فالمدينه صايره حيه حتى في الليل وونيسه لكن دايخين وفينا نوم قلنا نرجع ننوم والصباح رباح بنجلس يومين لاحقين نفرها

وان شاء الله بكره نكمل حديثنا عن فلورنسا وبحط لكم كم صوره ورايي في هالديره
نشوفكم على خير

رد: رحلتي الشتوية.. ميلان كومو البندقية فلورنسا بيزا ربالو برتفينو ميلان

بسم الله نستكمل رحلتنا وهذا اليوم الثاني في فلورانسا
الجو صحو وفيه كم سحابه https://www.arabtrvl.com/vb/images/S...yolks00430.gif

اصبحنا بكيير على الساعة 9 تقريباً لان نايمين بدري
وجينا نكيف عشان نطلع وانا مصحصحين واجهز عدة الكوفي واشغل الغلايه وهنا كانت الصدمه https://www.arabtrvl.com/vb/images/S...yolks00800.gif
غلايتهم توصل درجة حرارة الغلاين ثم توقف تجلس لها دقيقه ولا ثنتين ثم تقدر تشغلها .. كذا ما استفدنا شئ لازم تتقلب القهوه https://www.arabtrvl.com/vb/images/S...tsapp/e43e.png

عاد انا خلاص استحيت من باني ايطال اخاف ينقدون علينا عيال بلد الفرنجه https://www.arabtrvl.com/vb/images/S...yolks00320.gif
كل ماتروح ديره تجينا بقهوتك وترمسك

والله وانزل للرسيبشن واعطيهم نفس الموال الي سويته في كومو https://www.arabtrvl.com/vb/images/S...yolks00250.gif
ابتسامه عريضه ومعليش ممكن خدمه صغيره ابي اسوي قهوه عربيه ومعي عدتي
قالت رح للمطبخ وبكلمهم .. قلت زين مرسي اوي https://www.arabtrvl.com/vb/images/S...tsapp/e327.png

واطلع فوق للدور اظاهر 6 وصاير اول ماتدخل فيه موزع وفيه قزازه كبيره تشوف البار او المطبخ واشوف وحده تكلم قلت شكلها جالس تشرح لها الله يستر بس زين حرمه اهون شوي

واروح لها واعطيها نفس الابتسامه https://www.arabtrvl.com/vb/images/S...yolks00250.gif معليش بنتعبك معنا شوي بس تعرفين الخرمه
قالت اسمع شف تدخل المطبخ معصي <--- اظاهر شكله من البلديه ممنوع احد يدخل المطبخ من غير العاملين لان كلهم يعييون

قالت ياولد العرب ترى علمك غانم وما طلبت شئ <-- كاني فليتها لا بس الله يصلحها ويهديها ماقالت شئ قالت ابشر بس انت علمني خطوه خطوه انا بشب على الفرن وانت علمني

طبعا كلهم يتوقعونها زي قهوتهم الا واحد شكله معلم قهوه قالي هذي زي القهوه التركية تحتاج طبخ وتطلع لها رغوه بس ذا بيجيكم علمه الايام الجايه

والله واطلع جوالي واقول يامعلمه https://www.arabtrvl.com/vb/images/S...hatsapp/39.png
شوفي هذا فديو مصوره للخال الشقردي من كومو وهو يضبطنا شوفي اشلون ضبط القهوه وسوي زيه اسهل
ميب صابره علي اخلي القهوه على النار 15 دقيق

الشاهد وبدت تسويها لكن الضعيف عورتها يدها من مسكت البريق قلت لها امسكه عنك قالت لا ولا تقربه
قلت بكيفك وكل شوي تقول يكفي اقولها لا وش يكفي دقيقتين تستهبلين يبي لها اقل شئ عشانك تعبتي خمس دقايق وكل شوي تناظر الساعه وتبين لي انها تعبت بس مع ضحكه

يوم شفت الوضع كذا تلميح قلت هاتي هاتي خلاص ماقصرتي المهم ريحة قهوه
https://www.arabtrvl.com/vb/images/S...tsapp/e045.png
وتقهوينا طلعت حليوه تمشي الحال

وبدينا مشوارنا مروقين ومكيفين وقلنا يالله هيا الى العمل
نبي الحين نفطر وين نروح .. الا اشوف في قوقل حولنا مقهى تقييمه زين قلت خل نشروح له
عندهم كوروسان واومليت وقريب

https://www.arabtrvl.com/vb/images/s.../wol_error.gifهذه الصورة تم تصغيرها . الحجم الافتراضي لها هو 1205x650.http://i65.tinypic.com/2db3vab.jpg
جينا نطلب كوروسان قلنا عندكم زعتر جبن لبنه سااده طيب
قالت لنا لا مافيه فيه مربى قلنا هات يالله
وثم جلسنا وطلبنا اومليت وعصير برتقال

اكتشفت ان الايطاليين يعشقون الجريبفروت https://www.arabtrvl.com/vb/images/S...yolks00270.gif
بس كل مطعم او مقهى تختلف فيه نسبت الجريب فروت مع البرتقال
لازم تقولهم برتقال ساده مامعه شي
وفيه نقطه ثانيه غريبه لاحظتها في هالمقهى وفيه مطعم ثاني في ميلان مايستخدمون مناديل عاديه
منديل رقيق مخلوط معه ورق بلاستيك زي الي يغلفون به الشاورما او الي يجي مع الدونات https://www.arabtrvl.com/vb/images/S...detective2.gif ماله فايده
وخلال هاليومين من السفره لاحظنا الايطاليين يعشقون القهوه ويتقهوون وهم واقفين عند البارات كبار وشباب نفس الشئ مايجلسون

بعد ما افطرنا وروقنا بدت رحلت الاستكشاف وجلسنا نفر على رجولنا الديره صغيره وحلوه للي يحب المدن الي بالطراز التاريخي الحجري وممرات صغيره، ولاحظت عندهم محلات جلد كثيره للقلفزات والجزم وانتو بكرامه مدري هم مشهورين بها او وش

http://i65.tinypic.com/otdg5i.jpg

يوم ابعدنا شوي في المشي تعبت المدام قلت يالله نرجع بالباص
نظام التذكره اظاهر موحد في ايطاليا التذكره مدتها 3 ساعات ثم تشتري غيرها

دخلت بقاله قال مخلصه دخلت البار مدري مقهى قباله وخذت منهم تذكرتين بس ناسي بكم
هو بيورو ولا يورو وشوي في هالحدود
طبعا معتمدين على خرايط قوقل قال لنا اركبوا الباص الفلاني وتراه بيجيكم بعد شوي
والله وننلطع ولا جاء كل شوي باص وخوينا ما جاء وشفته وقف في موقف ثاني مقابل للي انا جالسين فيه

قلت يا ام محمد سرينا شكل الموقف غلط .. ومشينا وننتظر لحالنا https://www.arabtrvl.com/vb/images/S...tsapp/e419.png بس الشارع حركه وفيه طلاب مدارس وشكله اخر يوم مبسوطين ويتبادلون القبل عيني عينك https://www.arabtrvl.com/vb/images/S...yolks00780.gif
وثم جت عجوز تنتظر معنا تطمنت الحين ان فيه امل يجي خوينا ما مقلب بنا قوقل

والله وجاء وركبنا المشكله مدري وش نظام باصاتهم مع التذاكر انا اذكر فيه كرت تحطه على الجهاز فيه شريحه ذولا لا ورقه صغيره ورق
واركب واوري السواق التذكره ولا قال شئ وجلسنا وجلست اراقب الي يركبون في كل وقفه الا وحده ركبت وحطت التذكره في جهاز في الوسط يسحب البطاق ويرجعها لك هنا فزيت وسويت نفسي ابو العريف https://www.arabtrvl.com/vb/images/S...yolks00740.gif
وادخل تذكرتي وتذكرت المدام واجلس

ووصلنا للوجهه الي نبيها النهر عشان بنشوف الجسر المشهور عندهم ناسي وش اسمه
الزبده يعتبر معلم عندهم

http://i64.tinypic.com/2nusuwj.jpg

الغريب مدري لي مايخلون العالم تنزل تحت بمحاذات النهر زي باريس فيه زي كذا مسوين زي الممر قريب من النهر ذولا فيه بس مقفل مدري ليه

الشاهد وصلنا جسرهم المنشود وطلع عنده عالم وطلع خرابه وهو كان اول جسر يربط بين المنطقتين وفيه مبني عماير على الجسر ومحلات وصغير في الصور كانه كبير

https://www.arabtrvl.com/vb/images/s.../wol_error.gifهذه الصورة تم تصغيرها . الحجم الافتراضي لها هو 1227x654.http://i67.tinypic.com/2csffb6.jpg

اغلبه محلات ذهب يمين ويسار وفيه مطل في الوسط حلو
وفيه مجسم عليه اقفال زي حقت باريس حقت الحب ويصورون معها الناس

ثم رجعنا قلنا نكم لفه في المدينه وناكل لنا شئ

https://www.arabtrvl.com/vb/images/s.../wol_error.gifهذه الصورة تم تصغيرها . الحجم الافتراضي لها هو 1256x656.http://i65.tinypic.com/1583t6d.jpg

ومدحو لنا هالمقهى هو حلو وجلساته حلوه على ساحه فيها ذيك اللعبه الي تدور الاحصنه وفيه ناس يسوون عروض .. وبتحصل كل جيرانكم الخليجيين موجودين هناك

نفس الحكايه ماعندهم شوربه وخذنا رزيتو وسبغتي بحري والمدام خذت عندهم حلا مشهور مدري وشو
فوقه بودره بنيه

http://i65.tinypic.com/nd0m0n.jpg

صادف يوم زيارتنا للمدينه مدري عشان كريسمس او يوم وطني او حروب صليبيه الزبده سوو مسيره لابسين لبس عسكري قديم ويمشون مسيره الى ان يوصلون للدومو وكل شوي يضربون مدفع
كان هذا اليوم حلو تحس المدينه حيه وزحمه كانك في ملاهي موب مدينه من الحركة
وكانت الشوارع ونيسه حتى الليل ماتخاف لان كلن طالع يتشمى وحتى يووم قفلت المحلات
بس مدري هي طول السنه كذا ولا بس عشان وقت زيارتنا

حاولنا نفر كل شء عشان نحرك بكره بدري الى بيزا وبورتفينو نبي يكون الخط نهار ونشوف الدنيا اونس من الظلام

http://i65.tinypic.com/6yfnso.jpg

فرجعنا الفندق ورتبنا اغراضنا استعدادا ليوم غد https://www.arabtrvl.com/vb/images/S...hatsapp/63.png

https://www.arabtrvl.com/vb/images/S...fwasel/gbg.png

في ردنا القادم نستكمل صباح فلورنسا وبيزا وربالو وبرتفينو
https://www.arabtrvl.com/vb/images/S...tsapp/e303.png

رد: رحلتي الشتوية.. ميلان كومو البندقية فلورنسا بيزا ربالو برتفينو ميلان

نستكمل من حيث توقفت .. الي هو اخر يوم في فلورنسا رتبنا اغراضنا الليل عشان نصحى بكير ونفطر وننطلق الى بيزا وبورتفينو https://www.arabtrvl.com/vb/images/S...tsapp/e42f.png

نفس المنوال الصباح نضبط القهوه عند الحجيه لكن هالمره ماطولت لن من نظرتها حسيتها ماودها قلت سوي واحد قهوه سريع سريع ..

وتقهويت مع ام حمودي https://www.arabtrvl.com/vb/images/S...hatsapp/48.png
وقلنا يالله ننزل نفطر فطور سريع وقبل لا نطلع من الفندق قلنا للاستقبال جهزوا السيارة ترانا ماشين..
رجعنا حصلنا السياره عند الباب وانا كنت مسوي تشيك اوت قبل لا اطلع والشنط عندهم بس باقي حساب المواقف للسياره عطيته الاستقبال وما ياخذون الا كاش لانه موب تبع الفندق خذوا علي يومين ب 50 يورو https://www.arabtrvl.com/vb/images/S...hatsapp/27.png

وقلنا قبل لا نطلع من هالديره لازم وداعيه خل نروح للمطل حقهم
http://i65.tinypic.com/29vnfco.jpg

بالسياره تقريبا ربع ساعة اظاهر او ثلث
وفيه مواقف بالساعة عند المطل وفيه كم كوشك يبيع تذكارات واطلاله على المدينة كاملة حلو موب شين
واشوف في خرائط قوقل انه في الصيف يزيدون عدد المواقف .. وفيه باصات اظاهر توصل لهالمطل
وفيه ايضا حديقتين يمين ويسار لكن مارحت لها لان اتوقع في الربيع او الصيف تكون حلوه ومزهره الورود
وفيه مطعم او مقاهي في مكان اعلى من المطل لكنه خلف المطل اشلون اوصف

https://www.arabtrvl.com/vb/images/s.../wol_error.gifهذه الصورة تم تصغيرها . الحجم الافتراضي لها هو 832x624.http://i66.tinypic.com/25up4cm.jpg

ماطولنا لان ورانا خط فقلنا بسم الله توكلنا على الله .. وانطلقنا
الان الوجهه بيزا نتمشى فيها ساعتين الى ثلاث ساعات مبدئياً واحتمال تزود https://www.arabtrvl.com/vb/images/S...tsapp/e324.png

والطريق كان حلو مع انه شتاء لكن كنا نمر بمزارع حلوه مرتبه ومرتفعات وجبال كان فيها خضار عكس طريقنا من كومو الى فينيسيا فيه خضار وشجر وتشوف الكنايس تصميمها كانها مساجد لها منارات واضحه بين البيوت
وحاولت اقراء عن كنايسهم فيه بعضها يقولون كانت مساجد وقلبوها وفيه ناس تقول لا هم تاثروا بالمسلمين ذيك الفتره وبالمسلمين في اسبانيا الزبده منظرها حلو وهي فوق الجبل وحولها بيوت صغار .. جاني شعور ودي ارجع بالزمن فتره واشوف كيف كانوا عايشين وقتها في عز وقت المسلمين والمسيحيين https://www.arabtrvl.com/vb/images/S...tsapp/e14b.png
في امريكا دخلت كم مره كنيسه وفي باريس ولندن شفت كنايسهم لكن طرازهم للبناء غير وماشدتني وعندهم كنائس نفس باقي اوربا بس الشاهد وانت تمشي في الخط وتشوفها من بعيد
وطراز البناء للبيوت تقريبا واحد قرميد <--- زي الطراز الاندلسي او المغربي الي فوق يكون فيه زي المظلة ديكور يا احمر ولا ازرق ولا اخضر هو زي البرتغال واظاهر اغلب اوربا نفس اللون اللون الاحمر الي يميل على البرتقالي

وقربنا من بيزا .. الصدمه https://www.arabtrvl.com/vb/images/S...yolks00700.gif
اشيك على اللوكيشن في الجوال وفي السياره كلهم يقولون عشر دقائق وتوصل للوجهه الي انا حاطها مواقف عند برج بيزا اشلون وش هالديره ؟؟ شكلي غلطان في اللوكيشن https://www.arabtrvl.com/vb/images/Smilies/(46).gif

عن سمعت بيزا وبيزا واسمها مرتبط بالبيتزا والبرج المائل واول ماتقول بيزا يجيك علم ايطاليا واذا مارحت بيزا كانك ما رحت ايطاليا .. الصوره الي في بالي عنها انها مدينه كبيره وفيها حياة عمائر وتاريخيه
طبعاً قريت عنها قبل وماحصلت شئ فيها الا الدومو والبرج المائل وفيه شارع تسوق ولوحة جداريه لفنان مشهور والعالم تقول نمرها ساعتين ونروح .. كنت اقول اشلون اكيد ما سلطوا عليها الاضواء ولا اشلون بيزا هذي https://www.arabtrvl.com/vb/images/S...hatsapp/28.png

جاني شعور وانا امشي حسيتها احدى المحافظات عندنا في السعودية
وصلنا قال اللوكيشن باقي دقيقه على الوجهه الا اشوف زحمة ناس لكن ماشفت البرج ولا شئ بس زحمه
ودخلت المواقف ووقفت وانا منصدم بس على قولتهم الكتاب باين من عنوانه

المواقف يعطيك زي القرش بلاستيك تخليه معك وانت طالع تحاسب وقفنا والسياره فيها اغراضنا وقلت الله الحافظ كان الوقت العصر

وفيه مخرج واحد للمواقف على سكه صغيره غير مدخل السياره المشكله هالمخرج والسكة
متجمعين فيها افارقه اشكالهم ونظراتهم تثير الريبه https://www.arabtrvl.com/vb/images/S...yolks00780.gif
طلع متجمعين يبيعون شنط تقليد واتوقع وراهم مصايب بعد لكن الحمد لله فكنا الله منهم وانطلقنا للبرج المائل
تدخل بين اكشاك تذكارات كلهم تقريبا يبيعون نفس البضاعة
ثم تشوف سور كبير وبوابه تدخل تشوف الدومو والبرج سعنون https://www.arabtrvl.com/vb/images/S...yolks00770.gif
http://i64.tinypic.com/24qq25f.jpg

وهالساحات الخضراء محوطينها ممنوع تدخل ولا تجلس عليها بس تناظر والعالم كل واحد يتفنن في الصورة

http://i65.tinypic.com/vymyy8.jpg
ورحنا شوي نستكشف المنطقة الا اغلب الاماكن مقفله عشان الشتاء او عشان اجازة الكريسمس
صايره المدينه كئيبه تجيب الهم تحسفت اني مريتها .. ماطلونا فيها ساعة تقريبا ثم مشينا

وانا طالعين قلت وش رايك ناخذ لنا بطاطس ماك ننقنق عليه في الخط https://www.arabtrvl.com/vb/images/S...yolks00740.gif
دخلنا الا زحمه طبعاً لاحظة ان مطاعم الفاست فود قليله عندهم ماك وبرجركينق وخاصه برجركينج هو الي نشوفه في اغلب المدن لكن ماك الي كل ماسافرت ديره لازم اشوفه في كل زاويه عندهم نادر

الشاهد دخلت وطلبت بطاطس قالت تبي كاتشب قلت ايه قالت بمدري كم سنت https://www.arabtrvl.com/vb/images/S...yolks00160.gif الله يفقرهم
وانا انتظر الا اشوف فيه ورقه مكتوب اذا تبي تستخدم دورة المياه وانتو بكرامه
لازم تعطيهم فاتورة الطلب بس لزوار المطعم البلديه عندهم مستكثره تبني لهم دوراة عامه جنب البرج https://www.arabtrvl.com/vb/images/S...yolks00440.gif

انطلقنا وانا متحسرين على هالزياره الخائبه .. الي يبي يمرها يمرها مرور الكرام ماتستاهل نص يوم
الوجهه الان من بيزا الى ربالو وبرتفينو تقريبا ساعتين

طبعاً هنا الطريق بداء يتغير لاننا بدينا نرجع من الجنوب الى الشمال فكان الطريق عبارة عن جبال وشجر وانفاق وانهار او مجرى سيل وفي بعض الاماكن فيه بقايا ثلج وفيه قرى صغيره تشوفها على الجبال او بيوت تقول ذولا اشولون يوصلون هناك ولا اشلون سياراتهم تمشي .. المشكله ودي اتامل في الخط وفي نفس الوقت لازم انتبه للخط ...

ومن خلال الخط لاحظة شئ في سواقتهم فيه كلمه نسيت وشي لكنها بالايطالي وعند لوحه اذا قربوا عندها يهدون مع انهم يكونون مسرعين قبل يوصلون واول ما يتعدونها يسرعون .. فكان استنتاجي لها انها كاميرات او رادارات سرعة https://www.arabtrvl.com/vb/images/S...yolks00530.gif

وثم وصلنا بحفظ الله ورعايته لربيالو هي مدينه صغيره كنت بسكن فيها بس واطلع اتمشى في بورتفينو
الزبده نفس المشكله رجعت معي بخصوص اللوكيشن والجوال
المعزبه قلت لها الان الشوارع صغيره فانتي وجهيني

ونمشي فجاءه كان الوقت المتوقع 20 دقيقه فجاءه صار 50 دقيقه اشلون ؟؟ https://www.arabtrvl.com/vb/images/S...yolks00590.gif
وكل شوي الوقت يزود واللوكيشن يقول ارجعوا ؟؟

قلت فيه شئ غلط ما اذكر ان الفندق كان فوق جبل اذكره قريب من البحر ومواقف القوارب اشلون
وقف وقف خل نشوف الخريطه زين

ثم قلت خل نرجع ونشوف وش يقول كل مانتعدى يزود الوقت خل نمشي مع الحرامي لباب الدار ونشوف ودخنا وجوعانين صراحة المود قفل https://www.arabtrvl.com/vb/images/S...hatsapp/27.png
يوم رجعنا ونمشي معه خطوه بخطوه ومهدي السرعه الا طلع اني تعديت اللفه الي مفروض الف معها ويوم مسكت اللفه الثانيه طلعتني الجبل ... ويوم مشينا صح وثلنا للفندق على طول وراح وقتنا على الفاضي لوه نهار كان اهون نشوف مناظر

الفندق هذا قديم وعادي وكنت ماخذه عشان فيه مواقف عامة جنبه وبس عشان ننوم ونطلع
لو برجع مره ثانيه منيب ساكن فيه مع ان الموظفين الي فيه محترمين جداً ومتعاونين لابعد درجة ونفسيتهم عسل ومؤدبين

اول ما وقفت السياره قلت له عندي حجز وقال حياك الله نزل اغراضك وتعال كل امورك جاهزه
وسالته فيه مواقف هنا قال ايه وعادي وقف مجانيه قلت زين وتوني مشغل السياره الا اشوفه يركض ويقول لي حرمتي بتطلع الحين وقف مكانها مقابل الفندق وتجي حرمته تركض توخر سيارتها وزياده يوقف لي الشارع عشان اديور https://www.arabtrvl.com/vb/images/S...whatsapp/6.png

وزياده على كذا يوم طلعنا الغرفه حصلتهم حاطين لي سرير طفل مع انه في الحجز كاتبين الطفل عليه رسوم زياده وغرفتك صغيره تقدر تسوي اب قريد اذا وصلت لغرفه اوسع ولكن ماعطيتهم الاوكي لاني غيرت رايي ماجبت ولدي معي برد ولا حاسبوني عليه ولا حتى سالوني عن ولدي بس تشكرت منهم وانا طالع وقلت لهم لانه برد ماجبته معي عشان مايقولون يستهبل ذا <--- مادروا عنك https://www.arabtrvl.com/vb/images/S...yolks00490.gif

http://i66.tinypic.com/55ielg.jpg
هذي الاطلاله من الفندق

حطينا اغراضنا وقلنا بنروح ناكل لنا شئ ورحن لبورتفينو تقريبا 20 دقيقه الطريق مسارين رايح جاي يمينك جبل ويسارك سفح جبل وبحر https://www.arabtrvl.com/vb/images/S...yolks00590.gif المنظر روعة لكن للي يخافون مايصلح لهم
والمشكله لليل ويطيرون هالايطاليين بسياراتهم الصغيره فيه واحد قفلها معي لاصق فيني وانا مهدي زي الي يقول اسرع والله ويطلع المارد السعودي الي فيني واسوق سواقتي في الرياض https://www.arabtrvl.com/vb/images/S...yolks00800.gif
بس ابي اعلمه ترى اعرف اسرع واتهور بس موب وقته يا تعدني ولا امش زي الناس

وصلنا بورتفينو تقولون خاويه على عروشها https://www.arabtrvl.com/vb/images/S...yolks00700.gif كل شئ مقفل وهدوووء
في الخريطه كنت متخيلها اكبر من كذا طلعت ولا شئ وش اقولكم كبره جد جد صغيره مدري كيف تكون في الصيف اذا زحمه فيه كراجين مواقف بفلوس واحد كان مقفل يوم نجي وكلهم جنب بعض الي دخلناه ادوار مرتب لكن مدخله المواقف ضيق وصاير منعطف اتوقع اصحاب السيارت الكبيره او الي سواقته موش ولا بود بيتعب زي مواقف الابراج في مكه ولا البحرين مداخلها ضيقه

نزلنا نتمشى الا هدووء ووصلنا للمارينا وكل المطاعم مقفله الا اثنين يمكن ونقرب من واحد ويستقبلنا حياكم
انا توقعته بيقفل طلع يقول تونا بنفتح 7.30 السهره عشاء لكن تفضلوا اجلسو وتمقلوا في المنيو على ما نجهز طبعا مافيه الا مطعمين وانا جوعانين فما فيه خيار ادخل لو انه عادي

منيب متكلم عن طفاصيل الطلب لكن يوم طلبنا جاب لنا باديتين شوربه قال هذي من الشيف ترحيبيه
وكان تقديمه حلو

صراحه طعمها ما انساه الى اليوم غريب شوربه فيها لذعه حلوه المدام تقول نكهة القرقاص كان تعرفونه نبته بريه .. انا مدري اشون اوصفها لكنه تحس لسانك يتكهرب وانت تاكلها يحرك كل حواسك الوقيه https://www.arabtrvl.com/vb/images/Smilies/(34).gif

ورجعنا للفندق عشان ننوم نومه هنيه ونرجع للديره الصباح نشوفها وهي مصحصه ومنتعشه
وان شاء الله نستكمل لكم الرحه غدا او بعده ان شاء الله ونختمها بميلان ديرة الاناقه والموضه https://www.arabtrvl.com/vb/images/S...tsapp/e304.png

https://www.arabtrvl.com/vb/images/S...fwasel/gbg.png

شكراً لكم

رد: رحلتي الشتوية.. ميلان كومو البندقية فلورنسا بيزا ربالو برتفينو ميلان

https://www.arabtrvl.com/vb/images/S...tsapp/e132.png
بعد وصولنا لبورتفينو الليل وعقب بيزا صراحة قلت شكل الديره رايقه ليتني مددت يوم فيها
http://i68.tinypic.com/v79kci.jpg
طبعاً فيه ميزه حلوه في فطور فنادق ايطاليا فطورهم غالبا ينتهي 10.30 الى 11
وعلى ما نصحى ونتقهوى ونلبس الا تكون الساعه 10 طبعاً هالمره نفس المنوال وسالفة القهوه
وانزل واقابل معلم البار حقهم رهيب وواضح انه راعي كيف واسولف له ووريته المقطع حق القهوه وقلت له لازم تقلب فقال هذي زي القهوه التركية يطلع منها رغوه ولازم تداريها .. واظاهر قلت لكم بس بعيدها عشان ما اتلخبط فقلت له هذي يبي لها تقلب ترى حول ربع ساعه .. قال ذي شوربه ميب قهوه https://www.arabtrvl.com/vb/images/S...hatsapp/20.png
وهي تقلب شاف فيها مسمار قال اووه هذي ميب قهوه بس قلت ايه قال فيها شئ ثاني موب بس قهوه ومسمار ريحتها .. https://www.arabtrvl.com/vb/images/S...tsapp/e419.png
قلت لا الرجال راعي قهوه قلت له فيها زعفران قال اهاا يسمونه زافرينو اظاهر حولنا يعني
الزبده قلت له على طاري الشوربه وش سالفتكم كل مارحت مكان قالوا مافيه ويستغربون !!

قال ايه انا الشوربه مانشربها الا اذا مرضنا https://www.arabtrvl.com/vb/images/Smilies/(57).gif وجونا غالبا حار فمانحرص عليها واذا بتحصل شوربه بتحصلها زي المرق وخضار ميب شوربه .. قلت اهاا كذا نظامكم اجل https://www.arabtrvl.com/vb/images/S.../surrender.gif
يوم خذنا لنا عشر دقايق قلت ماقصرت يابو فلان ورايتك بيضاء وسلام عليكم مع انه نقد علي قال غريبه ماتحب القهوه الايطاليه جاي من ديرة العرب وجايب قهوة العرب معك .. قلت عاد وش نسوي الخرمة https://www.arabtrvl.com/vb/images/S...hatsapp/52.png
ويوم خلص قال باقي القهوه انطله قلت ايه خلاص مانحتاجها قال اجل باخذها بصلح لي واذوقها قلت اجل دامك بتمخمخ عليها خلها تقلب لما يصير لونها بني موب مثل الي سويتها لي غسال اسم قهوه

طبعاً جهزنا القهوه عشان الخط لميلان ورتبنا اغراضنا ونزلنا نفطر قبل لا نمشي نزلنا تقريبا 11 او 11 ونص ولا فيه احد عند الفطور وضافين كل شئ .. !!

قلت للاستقبال الفطور خلص قالت لا لا عادي رح ونروح الا الباب مقفل وسوينا استنفار مع انه عادي لوهم قالو ايه خلص طلعنا ولا قلنا شئ لاننا تاخرنا بس لانهم قفلوا توقعوا مافيه احد خلاص
والله ويجي خويي راعي القهوه ويرتب الطاوله ويقول وش تبون بس وبجيبه لكم ماتنلامون انتوم متقهوين قهوه عربيه .. دقه https://www.arabtrvl.com/vb/images/S...yolks00570.gif بس الصراحه استحيت منه قلت له استرح انا بخدم نفسي بنفسي قال لا ولا تقوم انت ضيف عندنا <-- من كيسي ذي
الزبده يوم خلصنا وافطرنا الحمد لله طلعنا وسوينا تشيك اوت وانا نازلين حطيت كم تمره سكري في كاس بلاستيك ورحت لخوينا راعي القهوه وقلت له هذي اشربها مع قهوتنا .

وقبل لا اسافر كنت اقراء تعليقات الناس على فطور الفنادق فكلهم مجمعين انه فطور عادي ولا فيه خيارات
الا في بعض الفنادق الي غالبا تكون 5 نجوم يكون فيه تنوع في الفطور
فاغلب الفنادق فطورهم يكون عباره عن (كوروسانات ومربى وجبن وبيض مسلوق او مفيوح https://www.arabtrvl.com/vb/images/S...tsapp/e014.png وعسل وفواكه وكورن فليكس وعصيرات واذا بيدلعونك يحطون بيض مقلي ولحم مورتديلا <-- بس مدري وش لحمه)
وطبعاً شاهي وقهوه

خذنا لنا فطور خفايف عشان نتنشط وننطلق لبورتفينو نشوفها في الصباح بعد ما كانت نايمه امس
طبعاً الحين نهار ودليت الدرم امس رايح لها https://www.arabtrvl.com/vb/images/S...yolks00620.gif
صراحه الطريق في النهار رااايق تمشي على حافة الجبل وتشوف البحر من فوق لونه حلو تركوازي وشوي تمر مرسى قوارب وشوي شجر لوه ربيع ومعك سياره كشف اووووه شئ https://www.arabtrvl.com/vb/images/S...yolks00250.gif

http://i65.tinypic.com/2jgubs.jpg
هذا توضيح للمواقف الي رحت لها اول يوم وثاني يوم وفيه مواقف اقرب وفي اللوحه مكتوب فيه مواقف ثانيه يمين لكن هذي مكانها حلو قريب وادوار
تاخذ كرت وانت طالع تحاسب عند المكينه قبل لا تطلع لاني اول مره جيت بطلع على اساس بحاسب عند بوابة الخروج وتورطت زين محد كان وراي فرجعت من جديد للمواقف .. فيه مكينه خدمه ذاتيه وفيه كاشير مالك عذر https://www.arabtrvl.com/vb/images/S...whatsapp/7.png

http://i67.tinypic.com/fusyf4.jpg
هذا الممر امتداد للصوره الاولى اذا تعديت المواقف بتشوف فارشين لك البساط الاحمر الى نهاية الممر الي بيوصلك للمارينا .. لاتمشي الا عليه https://www.arabtrvl.com/vb/images/Smilies/(95).gif لا عادي بس العب على نفسك وقل حاطينه لي
بس الغريب اشوف في قوقل ماب مافيه هالفرش التصوير كان في 2015
فيه محلات صغيره يمين ويسار ومطاعم وفيه مكينة صراف للي يبي

يوم وصلنا كان الجو حلو فيه سحاب على جوي https://www.arabtrvl.com/vb/images/S...tsapp/e049.png
بس مافيه ذيك الحركه قليلين يعدون على اليد الي موجودين وحتى يوم شفت قوقل ماب شفت فيه عالم وحتى المرسى كله يخوت كبيره فخمه لكن وقتنا مافيه الا قليل وتقدر تجلس على المرسى تشوف المويه صافيه وسمك يتحرك دلع

المهم وانا نتمشى على المرسى شفنا لكم على الجبل مجسمات شئ ملون وشيء اسود كانه وشوي اشوف ممر قلت شكله متحف خل اطل عليه وارجع لك ..
http://i66.tinypic.com/r26drr.jpg

الحبيبه لاهيه تصور سنابات وانا قلت بستكشف
واشوف ذاك الدرج https://www.arabtrvl.com/vb/images/S...yolks00490.gif

http://i65.tinypic.com/1zxb3bo.jpg
هالصوره للدرج وانا نازل .. طبعاً الدرج انا يوم قربت عنده قلت هاه ..!! https://www.arabtrvl.com/vb/images/S...yolks00670.gif كاني هونت وشو موب لازم كلها كم مجسم وش يعني وش الفكرة https://www.arabtrvl.com/vb/images/S...yolks00770.gif
والله ياهو رفيع ومبني بناء قديم حصى موب متساوي .. المشكلة الفضول سيطر علي الا بشوف الي فوق https://www.arabtrvl.com/vb/images/S...yolks00780.gif والله واطلع كم درجه شوي اللياقة مااش وبرد .. قلت دامك مشيت كمل خلاص هانت ووصلت لاخر درجه الا يطلع فيه ممر يسار https://www.arabtrvl.com/vb/images/S...yolks00100.gif طلع هالمكان الي وصلت له ترييحه فيه درج ثاني اخيس من الي راح ... مدري وش اسميه سلم ولا درج ولا ممر جبلي طبعا مايكفي الا شخص واحد هذا وانا جسمي يعتبر نحيف يعني لو فيه احد بينزل وانا طالع لازم نمشي على جنب واذا سمين مايمشي الا واحد وزين فيه واحد اقترح عليهم وركبوا ماصورة حديد زي الدرابزين تتمسك فيها وانت طالع ونازل ولا لو يجي مطر عز الله انواع الطيحات والتزحلق فيه لان الحجر يزحلق

الزبده زاد عندي الفضول الا اشوف وش النهاية واطلع واطلع... الا يجيني ممر يمين ولا يسار يسار تطلع زياده لكنه زي الممر موب درجات وامشي معه الا اشوف منظر قلت زين اني طلعت وشفت هالمنظر الرايق

هو يعتبر زي الا طلاله البنوراميه على المدينة وفيه كنيسه اظاهر وفيه من الجهه الثانيه اطلاله على البحر
http://i64.tinypic.com/35d6rmr.jpg

http://i67.tinypic.com/169kgfd.jpg

http://i66.tinypic.com/2ilya6c.jpg
بعد ما تغذينا بصرياً ونفسياً .. جت حزة الوداع .. https://www.arabtrvl.com/vb/images/S...yolks00690.gif
ورجعنا مع نفس الممر .. ومثل ما استقبلنا بحفاوه ودعنا بنفس الممر
http://i68.tinypic.com/2vj5188.jpg

والان استعدينا وصلينا في المواقف الظهر والعصر وانطلقنا الى اوت ليت سراييفو او مدري وش اسمه الزبده كلن يمدحه على طريقنا لميلان قلت نتقضى وثم اروح ارجع السياره في مطار ميلان ثم من المطار على الفندق في ميلان .. وان شاء الله الجوله القادمة بتكون عن ختام الرحله ميلان وسوالفها
ونراكم على خير https://www.arabtrvl.com/vb/images/S...hatsapp/63.png

رد: رحلتي الشتوية.. ميلان كومو البندقية فلورنسا بيزا ربالو برتفينو ميلان

ان شاء الله يكون هذا اخر جزء من الرحلة https://www.arabtrvl.com/vb/images/S...hatsapp/61.png

http://i68.tinypic.com/23h9c84.jpg

انطلقنا من بورتفينو للاوت ليت الي مدحوه لنا وقريت عنه في النت وعلى طريقنا
والخطه نوصل له نتقضى فيه لكني محدد ايجار السيارة اني برجعها لهم الساعه 5 العصر
هذا وانا يوم اخطط قبل السفرة حاط 5 العصر قلت اخاف اتاخر شوي ولا الخطه اني اكون في ميلان على 2 او ثلاث https://www.arabtrvl.com/vb/images/S...whatsapp/7.png

لكن تجري الرياح بما لا تشتهي السفن https://www.arabtrvl.com/vb/images/S...tsapp/e01c.png
وانطلقنا للشمال وزي ماقلت الطبيعة تغيرت جبال لكن باين الشتاء عليها والشجر كله بني ودرجة الحراره كل مالها تنقص تبرد

يوم قربنا من الاوت ليت الا اشوف لوحات تدل على ان فيه مدينه اسمها سيرفال موب اسم الاوت ليت لان يوم دخلت مع المخرج الا اشوف فيه كم اوت ليت وفيه لوحه تبي الاوت ليت الفلاني رح يسار ال هذا يمين
طبعا انا شايف صوره في قوقل قبل اروح ولا ادري عن الباقيه وصراحه مابي اتاخر على ميلان مابي اوصل ميلان الليل ومعي شنط وقروشه

المهم وصلنا العصر الا المواقف فل العالم تضف عشان الكريسمس ونهاية السنة https://www.arabtrvl.com/vb/images/S...tsapp/e325.png
وطبعاً انا حاطين في بالنا بنضف معهم

بشكل عام المكان مرتب وحديث وفيه كل الخدمات والمواقف وسيعه
على طاري المواقف .. https://www.arabtrvl.com/vb/images/S...tsapp/e252.png
المعزبه وضعها ذاك اليوم ماتتحمل تمشي كثير وبرد فقلت بنزلك وادور لي موقف ..https://www.arabtrvl.com/vb/images/S...tsapp/e114.png
وكنت احاول ابي قريب بس راح علي الوقت قلت يارجال وقف بعيد شكلهم معششين موب طالعين الا الليل
طبعا كل سياراتهم صغير ومواقفهم بعد على مقاسهم

واحصل موقف وادخل السياره بالريوس وكان فيه عامود اناره يخلي مقدمة السياره تطلع شوي عن الموقف
يوم فكرت قلت لا اخاف على الموتر ماتسوى علينا يجي احد يحكها وسالفه مع اني مامن شامل https://www.arabtrvl.com/vb/images/S.../yolks0070.gif

واطلع ادور موقف مره ثانيه .. ولعلي من الملل طلعت على وحده كانت مستعجله وضربت بوري وفكني الله ماصدمتني الغلط علي 100 بال 100 https://www.arabtrvl.com/vb/images/S...yolks00510.gif
وانا الي استخدم سياسة اعمل نفسك ميت وادخل مع اقرب لفه https://www.arabtrvl.com/vb/images/S...yolks00520.gif واشوفها في المرايه عطتني نظرة ال.. طوووط طووط طيييطhttps://www.arabtrvl.com/vb/images/S...yolks00480.gif

والله واكمل لفلفه وحصلت واحد طالع واوقف مع انه بعيد الشاهد توني موقف ونازل بقفل الا اشوف سكيورتي يدور على السيارات الي في الصف الي وراي ويسجل مخالفات للي موقف على الخط الي بين الموقفين ولا الاي سيارته خارج الموقف

وانا الي اطلع من موقفي واضبطه تضبيطه بالمسطره https://www.arabtrvl.com/vb/images/S...yolks00770.gif
راح وقتي على هالموقف https://www.arabtrvl.com/vb/images/S...hatsapp/28.png

وننطلق نستكشف الاوت ليت .. في البدايه بيضيعك لكنه واضح لانه مصمم تقريبا زي الهلال ولا هوب ذاك الضخامه يعني سوق تقريبا كبر سوق الرياض جلري لكن دور واحد وممرات .. وفيه واي فاي مفتوح ودورات مياه وانتو بكرامه منتشره ونظيفه
وبالنسبه للاسعار فيه شئ رخيص وفيه شئ نفس عندنا .. وخاصه ان الايطالين عندهم نظام بايخ في التاكس فري .. لازم مشترياتك من المحل الواحد تكون 150 يورو اظاهر عشان نعطيك تاكس فري

موب زي فرنسا وبريطانيا اي شئ تشتريه يعطونك عليه تاكس فري في الاخير تجمع الفواتير وتاخذ التوتل
بس ذا الاوت ليت فيه ميزه حاطين لك مكتب حق التاكس فري في المجمع اذا خلصت لازم تمرهم ويعطونك الفلوس بدون مايشوفون وش شريت ولا وش معك لكنهم يقولون لك لازم معك فيزا ويقولون لك وانت في المطار لاجيت تطلع من ايطاليا عطهم هالورقه المختمه الي تفيد انك استلمت المبلغ ولا ترى بتاريخ بنسحب من فيزتك المبلغ الي عطيناك اياه

المهم ما طلعنا من السوق الا العشاء تغدينا في برجر كينج واغلب ربعنا فيه يتغدون
وفيه باصات تاخذك من ميلان وتردك بس ناسي المبلغ اظاهر 60 يورو ذهاب وعوده ؟؟ منيب متاكد
واظهر كاني منيب واهم وقت نا كانوا يقفلون الساعه عشر الليل عشان موسم اجازه فيبيلك تشيك على اوقات دوامهم قبل تروح

http://i67.tinypic.com/20l1o61.jpg

وتوكلنا على الله وانطلقنا الى ميلان بلد الذوق والاناقة والموضة والطريق ممتاز لكن المشكله في السرعة العالم تشطفني وانا امشي على بيض https://www.arabtrvl.com/vb/images/S...yolks00770.gif
الوجهه الى مطار ميلان الدولي لتسليم السيارة وثم الذهاب الى الفندق بالقطار .. ومرسلين لي قبل يوم شركة ايجار السيارة اذا جيت ترجعها رجعها للمواقف رقم كذا البوابه كذا الدور كذا

وطبعا شارطين علي ارجع البنزين زي ماخذته الي فل بس ما تدري هو فل الفل ولا بس اهم شئ يكون المؤشر على علامة فل

الشاهد قبل لا نوصل شيكت على الجي بي اس اقرب محطه من المطار وين وانطلقنا
عشان نسلمها لهم فل لو ماسلمتها فل بيحاسبونك بسعر اللتر تبعهم والغالب يكون اغلب من السوق

والله واحصل محطه داخل موب على الطريق السريع صراحه مغامره في ديره ما اعرفها وليل الساعه اظاهر 9 او 10 الليل
والله واحصل المحطه مافيها احد مقفله خدمه ذاتيه انتهى دوامهم .. طبعا انا عبيت قبل في محطه لكن واحد ضبطني لكني اذكره معبي لي ديزل سبيشل الزبده ديزل معه كلمه ثانيه https://www.arabtrvl.com/vb/images/S...whatsapp/7.png

واناظر المكينه الا كله ايطالي https://www.arabtrvl.com/vb/images/S...yolks00670.gif
انا قد جربت اعبي بنفسي لكن مكينتهم ذي جديده علي ولا فيها انجليزي افهم وش يقول
الزبده فتحت التانكي وحطيت البيب لكن مايعبي ...ويجي واحد ان شاء الله انه ولد حلال https://www.arabtrvl.com/vb/images/S...detective2.gif

واقوله ياحبيبنا افزع لنا ترانا من بلاد العرب بلاد الكرم والنخوه ترانا مسافرين وعلى باب الله محتاجين قيمة البنزين بس <-- استغفر الله الحمد لله على النعمه https://www.arabtrvl.com/vb/images/S...hatsapp/17.png

الشاهد والله قال ابشر وجاء ويقراء حسسني انه اول مره يعبي زيي ..https://www.arabtrvl.com/vb/images/S...yolks00350.gif
قال بكم تعبي <-- هنا اشتغل التحري قلت هو بيسال عشان يبي يعرف كم معي .. بس والله خله يضبطني بس لاسوى حركه بايخه اضرب ولا تشاور https://www.arabtrvl.com/vb/images/S...yolks00380.gif
قلت له 50 يورو .. لان الموتر باقي فيه اظاهر ربع او نص فقلت خله يعبي ويرجع الباقي البطاقه ما اضمنهم
والله وسحب البيب رجعه مكانه ثم قال حط الفلوس وحطيتها ثم قال يالله عب وبداء يعبي وعطتني فاتوره ويوم عبيته فل الفل طلع اظاهر 20 يورو

اناظر في المكينه احتريها ترجع لي الباقي احاول اقراء الكلام شئ طلعت البيب ودخلته من جديد ماش مافيه
وانادي صديقي قبل لا يروح تعال وين الباقي ..؟؟ ويرجع يقراء الجهاز والتعليمات https://www.arabtrvl.com/vb/images/S...yolks00160.gif
قال مدري قلت وش مكتوب في الفاتوره طيب هنا هالكلمه .. ناظرني وابتسم وقال هذي معناتها مع السلامه https://www.arabtrvl.com/vb/images/S...yolks00540.gif

قلت طيب اشلون وش العلم .. !! قال مالك الا تجيهم بكره وتعلمهم يرجعون لك الباقي ..الله يخلف علي
قلت الحمد لله انها على بس 20 ولا زرفو شئ اكبر

والله واكمل طريقي للمطار وكان فاضي مافيه احد الحمد لله عادي اضيع واهدي اقراء اللوحات على روقان https://www.arabtrvl.com/vb/images/S...yolks00250.gif
والله وكل شئ واضح زي ماقالوا في الرساله .. واوقف الموتر وانزل الاغراض ويجيني الموضف واعطيه الورقه وشك على السياره .. مع اني مامن شامل الا انه يشيك
ثم قال خلاص بحفظ الله .. قلت طيب ورقه شئ والمبلغ المحجوز .. قال خل العقد معك وخلال هاليومين بنفك الحجز خلاص انا ارسلت بالجهاز ان ماعليك مشاكل وانك سلمت السيارة

ما ارتحت يوم دخلت المطار رحت سالت الموظف الي داخل قال ايه كذا نظامنا .. قلت خير ان شاء الله
الان خل ناكل لنا شئ ميتين جوووع بنفطس.. طلعنا للمطار الدور الاول في دور المغادرون فيه المطاعم
والله ونطلع المطار فاااضي يمكن مافيه الا رحله وحده ونحصل مطعمين ماك وفيه مطعم ايطالي مرتب
قلنا نبي اكل يشبع لان بنرجع للفندق ننوم على طول مافينا حيل من الصباح نفر .. خذنا لنا بيتزا وسلطه..وانا صراحه على اعصابي ودي اطلع بسرعه تاخر الوقت تقريبا الساعه 11 والطريق في قوقل يقول 50 دقيقه للفندق من المطار.. قطار ومعك ثلاث شنط ووقت متاخر ولوني لحالي عادي بس المعزبه انا بدبر اموري
المهم يوم خلصنا قلنا يالله وين لل https://www.arabtrvl.com/vb/images/S...tsapp/e01f.png القطار ..

يوم دخلنا الصاله الا فيها حركه ارتحت شوي فيه ناس لكن مافيه الا مكاين الكترونيه عشان التذاكر
طيب وش الطريقه الا اشوف موظفين يسولفون وانا من اول ماش قلبي ناغزني https://www.arabtrvl.com/vb/images/S.../yolks0030.gif
وانا اقرب منه طلعت الجوال بطلع اسم المحطه الي ابيها عشان يعلمني كيف اقص التذكره

الا يقول اهلا ياباشه اخدمك بحاقه <-- طلع مصري وانا كنت شاك انه عربي لكن لان اشباه الايطاليين بعضهم قريبه منا فخفت اخش فيه وينلخم .. قلت له ضبطني ابي اروح هنا

قال تعال وختار المسار والمحطه وخويه الي معه قال انا بعد رايح لنفس الموحطه قلت زين
وننزل تحت الا القطار باقي له خمس د ويوصل ومعنا ناس موب لحالنا ومعهم اغراضهم

يوم وصل القطار الا اركب اول واحد مدري اشولن اوصف القطار لكن للي قد راح لدزني باريس بيعرف وش اقصد بالقطار موب ميترو

اول ماتدخل فيه ممر موزع يمين ويسار الكباين وفيه واحده تطلع بدرج ووحده تنزل درجتين انا وقفت في الموزع مع شنطي لانها كبيره صعب انزلها شوي الا احصل كل واحد من الي ركبوا معنا حط شنطته جمب شنطنا وراح وخلاها وجلس .. استوعبت انه كذا نظامهم مع العفش تخليه في الممر عند الباب وتجلس والله واتكي واجلس ورانا ساعه على ما نوصل وكنت اتبع كل محطه بالجوال واقراء اسمها

الى ان وصلنا ونزلنا مع العالم وانطلق معهم هم بيدلونك على المخرج ... وصلنا لبواباااات كثيره جنب بعض
وتحط كرتك تسحبه المكينه وترجعه ويفتح الباب .. واشوف بعضهم يدخلون ورى بعض بدون كرت مخالفين بس شكلهم متعودين

جاء دوري ودور المدام والله والبطاقه تقول خطاء ماتفتح .. الا وحده ايطاليه معها عيالها دفت ولدها ودخلت بتكت واحد وعطت حرمتي تكت ودخلت ... وانا جالس لحالي بالعفش اناظرها من خلف الحاجز والعبره في عيني وفيه وجلس يعزف ناي <-- لا ابالغ بس اعطيكم جو https://www.arabtrvl.com/vb/images/S...hatsapp/17.png

المهم وش السوات المصري شكله غلط باسم المحطه فالحين وش السوات ماتفتح لي الا ذيك المحطه
ايه نسيت اقولكم في القطار فيه واحد جاء يدور يشيك على التذاكر
المهم جلست انتظر احد يجي عشان اسوي نفس الحركه مافيه حل الا كذا مافيه موظفين ولا عسكر بجلس الى بكره كذا لحالي المهم جاء شباب واناظره وحس اني بدخل وراه وضحك وقال كلمه ايطاليه زي الي ادخلك عطيته ابتسامه والله وحط الكرت وتاخر شوي عشان ادخل على الحساس مايقفل علي وتشكرت منه ماقصر

http://i64.tinypic.com/1zb5m5u.jpg
انحلت هذي المشكله جينا للمشكله الثانيه بجلس اسحب الشنط الفندق تقريبا خمس الى عشر دقايق مشي في هالبرد .. وقتها كنت اتشوف لتكسي لو يقربنا شوي مع انها ماتسوى بس عشان الليل
طبعا الصوره الي في بالي عن ايطاليا الان رجعت انها مافيا وعصابات وغالبا المدن في الليل تشوف متشردين
لكن كان الجو هادي ورايق وذكرتني بباريس من حيث التصميم العام

والله وقلت يالله بس نمشي قريب ونسحب هالشنط بس والله تعبتنا الشطن لان شوارعهم زي البلاطات المكعبات فمتعب تسحيب الشنط عليها ... ويوم وصلنا للفندق كنت صراحه بعد خايف منه انه مايكون مثل الصور او تكون الصور قديمه لكن الحمد لله توفقنا في الفندق ووصلنا بسلام وحصلتهم مجهزين كل شئ لاني حاجز غير مسترد عن طريق موقعهم ومعطيني غرفه حلوه وسيعه ولها اطلاله وفي اعلا دور
وخذ لك احلا نووومه الرايقه الي خلاص ما وراك شئ تشيل همه وحتى عندك وقت تتمشى في المدينه بدون استعجال فعادي لو ماتصحى الا المغرب https://www.arabtrvl.com/vb/images/S...yolks00290.gif

اعتذر لكم ما اقدر اكمل لان حصل لي شغل .. فنكتفي بهذا القدر اليوم والباقي ان شاء الله بكره ولا عقبه ونختم على خير

https://www.arabtrvl.com/vb/images/S...tsapp/e030.png https://www.arabtrvl.com/vb/images/S...tsapp/e030.png

رد: رحلتي الشتوية.. ميلان كومو البندقية فلورنسا بيزا ربالو برتفينو ميلان

الصراحه ودك الواحد يكتب يومياته او التقرير وهو في نفس السفرة ولا أول ما يرجع مباشره https://www.arabtrvl.com/vb/images/S...tsapp/e349.png
تفوتك اشياء كثيره ولا تذكرها الا عقب

https://www.arabtrvl.com/vb/images/S...wasel/bdzf.jpg

ميلان جلست فيها تقريبا خمس ايام لكن قل اول يوم ما يحسب لان ماوصلنا الا دايخين الليل واخر يوم طلعنا من صباح الله خير عشان الرحله بدري الصباح يعني اربع ايام

الفندق
UNA Hotel Cusani
اظاهر 4 نجوم

يبعد بالمترو عن منطقة الدومو 4 دقائق
ومشي على الرجول 10 دقائق

https://www.arabtrvl.com/vb/images/s.../wol_error.gifهذه الصورة تم تصغيرها . الحجم الافتراضي لها هو 1024x672.http://i66.tinypic.com/5aqm2s.jpg
الشارع الي عليه خط احمر هذا زي الممر وسيع فقط للمشاة وفيه محلات ومطاعم ومقاهي واظاهر فيه واي فاي مجاني لكن ما انتبهت للوحه الا في اخر يوم من السفره https://www.arabtrvl.com/vb/images/S...tsapp/e116.png

طبعا فعلياً ماكان لنا جدول لهذي السفره فكنا وقتها نقول وين نروح ونمشي والي نشوفه على الطريق نروح له .. فكنت محدد الاماكن في الخريطه الي قريب نمره

ثاني يوم في السفره كنا مخططين نركب الباص السياحي عشان يلف فينا المدينه ونشوفها والي يستاهل نرجع له نحط عليه علامه والي ما يستاهل يصير مريناه بالباص
هالحركه طبقتها في كذا ديره واعجبتني الفكره (لندن - باريس - اسطنبول) اسطنبول او لندن نظامهم افضل في الباص السياحي لانه يمر مع اماكن سياحيه يوصلك لعندها قريب وتستخدم الباص 24 ساعه من وقت شراءك للتذكره يعني شريتها الساعه 5 العصر معك الى اليوم الثاني الساعه 5 العصر

ميلان لا شريتها الصبح ولا الليل تنتهي في نفس اليوم https://www.arabtrvl.com/vb/images/S...yolks00160.gif

المهم صحينا على الظهر وابشركم طلع عندهم غلاايه رهيبه تجلس تغلي ماتطفى انا اشغل واطفي مضبوطه https://www.arabtrvl.com/vb/images/S...yolks00740.gif وضبطنا القهوه
فتقريبا طلعنا على الساعه 1 الظهر وقالوا لنا اخر رحله الساعه 5 العصر <-- لكن عرفت عقب ان اخر رحله 5 العصر تنطلق من المكان الي كنت اسال فيه عن الباص لكن اخر رحله فعليا يقفلون الساعه 10 الليل توصل لاخر نقطه وصول

قلنا اجل نخليها بكره عشان نحلله
وانطلقنا طبعاً اغلب تنقلنا على رجولنا لان فعلياً الي يحب المشي تعتبر المدينة صغيره
يعني ابعد منطقه مشيناها تقريبا 30 دقيقه بالنسبه لي عادي لكن المدام هي الي تعبتها معي ولا ودنا نركب الميترو لان نقول قريب لكن نقول لا عادي لان جربنا الميترو في لندن وباريس ماتشوف الدنيا تحت الارض والترام اشوفه زحمه احسه متعب

المهم بعد ماقررنا اول يوم نتمشى اول هدف كان ساحة الدوم وهي في كل مدن ايطاليا السنتر واهم معلم
اذا تبي تبحث عن افضل منطقه سياحيه ابحث عنها .. طبعا جوعانين بنتغدا ما افطرنا اول يوم

فكانت الوجهه لحبيب الشعبhttps://www.arabtrvl.com/vb/images/S...yolks00490.gif

http://i63.tinypic.com/35a69tw.jpg
البيتزا الي تاكلها وقافي .. مطعم فتحه وحده او فتحتين يبيع بيتزا بالقطعه واظاهر لازانيا بس ولا فيه كراسي بس طاولات ولا يحطون مناديل https://www.arabtrvl.com/vb/images/S...yolks00320.gif

اسمه Spontini
القطعه اظاهر ب 3.50 يورو دسمه لانها عشجينه منفوخه ولا نطلب الا مارجريتا في كل المطاعم لانها بس جبن
لكن فعليا بالنسبه لي لو خيروني بينها وبين دومينز باخذ دومينز لكن هذي حلاتها لانها قطعه وحده منفخه وتجيك من الفرن مباشره حااره ومتفخه والجبن يتمطط ومقطعه فصاير لها طعم غير https://www.arabtrvl.com/vb/images/S...yolks00250.gif
للمعلوميه يمكن كلنا فيه يمكن اربع مرات https://www.arabtrvl.com/vb/images/S...yolks00520.gif هذا وهو عادي بالنسبه لي

يوم عبينا بطونا الحمد لله انطلقنا نستكشف المنطقه طبعا العالم تقول حج من الزحمه كتف بكتف وزي ماقلت قبل غريبه توقعت وقتي مافيه احد مسافر بررد https://www.arabtrvl.com/vb/images/S...whatsapp/8.png لكن يمكن عشان اجازتهم والكريسمس
زحمه ميب طبيعيه

http://i67.tinypic.com/wu2tkj.jpg

وصلنا لمجمع قالريا او مدري وش اسمه اشر شئ عندهم كنت متوقعه سوق رسمي يعني سوق سوق بمعنى سوق لكن طلع عباره عن مجمع مطاعم ومحلات ماركات وفيه كم فندق وعباره عن علامة زائد + تقدر تدخله من هالاربع ممرات، بس كل العالم متراصين فيه يصورون
وكل ما نمشي ندخل محل ونطلع فانقلبت روسنا اول يوم مع البرد فرجعنا بدري على العشاء للفندق

طبعاً ثاني يوم صحينا بكير وافطرنا ومرووقين وقلنا بنرح نركب الباص السياحي يوصلنا لمنطقة ميلان الجديده
تشبه دبي والك عمائر قزاز واعمده خشبيه مودرن ونوافير .. وقنا ننتظر الباص وطول وحسبناها قلنا لو مشينا تقريبا نص ساعه وتونا مصحصحين مروقين ليه ما نمشي وناخذه اذا خلصنا من هناك يصير يرجعنا https://www.arabtrvl.com/vb/images/S...yolks00650.gif

http://i66.tinypic.com/24erhvn.jpg
هذي يقولون تسمع يمكن احد يكلمك في احد السماعات او انت تكلم يمكن احد يرد عليك هي عباره عن مواصير ممده للدور الارضي وفيه ناس مثلك يمشون

فكنا رايحين لهالمنطقه ومادحين لنا مقهى حولها اسمه
10 Corso Como Café
حلو صاير حولك شجر وفيه عصافير تنطط حولك تدور فتات الخبز <--- متعة جربتها في تركيا تاكل العصافير وانت تفطر او تتقهوى https://www.arabtrvl.com/vb/images/Smilies/(60).gif
لكن صارت لنا سالفه معهم طلبنا شاهي بنعناع وقالوا اوكي
وراحت كانت بنت صغيره وانا نطلب قالت لي معليش انا توني جديده في الشغل https://www.arabtrvl.com/vb/images/Smilies/(46).gif مافهمت وش تقصد بس صارت كل ما اطلب شئ تقول بروح اسال وارد لك

الشاهد يوم طلبنا الشاهي راحت ونامت ماصار شاهي https://www.arabtrvl.com/vb/images/S...yolks00220.gif في الاخير جابت لنا شاهي
لونه اغمق من لون النعناع بشوي ونذوقه الا شاهي معطر او مدري وش يسمونه شاهي فيه نكهة اعشاب

ناديتها قلت انا طالبين شاهي مع نعناع .. قالت https://www.arabtrvl.com/vb/images/S...hatsapp/39.png معليش ماحصلت نعناع فسويت لكم هذا بنفسي https://www.arabtrvl.com/vb/images/S...yolks00350.gif قلنا لا اجل مانبيه عطونا عصير طازج برتقال .. قالت طيب وراحت

اظاهر والله اعلم انها راحت تزرع شجرة برتقال وتسقيها وتنتظرها على ما تنبت عشان تقطفها وتعصرها لنا https://www.arabtrvl.com/vb/images/S...yolks00450.gif
في الاخير قلنا لهم كنسلوا الطلبات ماعاد نبي شء بنحاسبكم على الكوروسان بس ماصار ذا عصير برتقال

فككوا جونا على الصباح .. وطلعنا تمشينا في المنطقه بدون نفس ورجعنا لموقف الباص على اساس بنركب الباص السياحي يقربنا .. جلسنا ربع ساعه او اكثر ولا احد مر قلنا شكله مطول او انه موب جاي اليوم ويك اند خل نمشي رجليه نتمشى

http://i65.tinypic.com/2upy2vo.jpg
والله ونطيح لنا في سكه حلوه ماتمشي السيارات فيها وفيها مطاعم ومحلات صغيره لكن رايقه ومليانه من الاجانب يصورون

http://i65.tinypic.com/4zx6r5.jpg
على ما وصلنا الا المغرب قلنا اجل مايستاهل ناخذ الباص نخليه بكره بس https://www.arabtrvl.com/vb/images/S...yolks00470.gif
ورحنا للممر الي حطيته في اول الرد نتمشى في المحلات وخذنا لنا من نفس البيزا عشاء https://www.arabtrvl.com/vb/images/S...hatsapp/29.png

----

اليوم الي عقبه صادف يوم الكريسمس 25 طبعا انا عندي خبر فيه مدن في امريكا ليلة الكريسمس يقولك تقض واشتر كل الي تحتاج لان يومه بيقفل ولانتب محصل احد كلهم مع عيالهم على قولتهم العيد الكبير

بس قلت ميلان ديره سياحيه ما اتوقع يقفلون ..
لكن الصدمه يوم الكريسمس طليت من الدريشه الحركه تاخرت عن الايام الي راحت فيه ترام وفيه كم واحد يمشي لكن العاده على الساعه 9 او 10 الا تشوف العالم تخترش في الشوارع اليوم لا ماتحركو الا على 11

نزلنا افطرنا في الفندق وانطلقنا الا والله المحلات مقفله والمطاعم https://www.arabtrvl.com/vb/images/S.../surrender.gif
مع ان فيه ناس كثير مثلنا تتمشى لكن اغلب الاماكن مقفله يمكن تحصل محل ولا محلين
وكل مانقرب من الدوم نحصل بعض المطاعم فاتحه .. الا احصل عسكري قلت بساله ..
سلام سلام وش الاخبار علوم بونجورونو الحين يابو سند المحلات كلها مقفله اليوم ميب فاتحه ؟؟

قال والله يابو محمد اظاهر انهم حول الساعه 5 يمكن يفتحون بس موب كلهم
قلت افاا اشلون .. قال جاك العلم

المهم قلنا خل نروح لفندق نتقهوى فيه الافترنون
http://i65.tinypic.com/2ex4t1t.jpg
وعلى دربنا نمر شارع الماركات طبعاً كل المحلات مقفله لكن الشارع مليان من العالم زي الي يقول تعالوا نفرجكمعلى الماركات هذي هدية العيد https://www.arabtrvl.com/vb/images/Smilies/dunno.gif
وصلنا الى فندق ارماني هبال اسعاره ولا كان ودي ادخله صراحه وفيه مطعم اظاهر ياباني او صيني لكن وقتها كان مقفل ورجعنا قلنا خل نروح للفور سيزون .. يوم دخلنا طلع مليان عالم مشخصين واغلبهم كبار في السن عجز وشيبان لابسين كانهم رايحين لعرس لبس العيد
قال المطعم اليوم عشان الكريسمس عندنا منيو خاص تدفع مدري كم كامل تجيك كم وجبه وقرينا المنيو مايصلح لنا وكنا شبعانين بس نبي حلا وقهوه سالنا المطعم لان كنا نبي نجلس على الحديقه قال هذي للاكل بس

يوم تقهوينا طلعنا نتمشى في المنطقة والدومو والي حولها

https://www.arabtrvl.com/vb/images/s.../wol_error.gifهذه الصورة تم تصغيرها . الحجم الافتراضي لها هو 1123x737.http://i67.tinypic.com/2dhxvzr.jpg
الي بالخط الاحمر هذي زي الاكشاك اسر منتجه تبيع خرابيط جبن لحم مجفف وحلويات وصوف مجسمات

والي بالخط الاخضر هذا شارع تسوق ماركات معروفه ميب غاليه زارا اديداس دزني سيفورا وهالطقه
طبعاً المحل الي تحصله مفتوح في هاليوم تحصله زحمه امة محمد عليه

طبعاً هذا اليوم رجعنا بسرعه لان كل شئ مقفل والمطاعم المفتوحه تحصلها فل ويكون لها منيو محدود عشان الكريسمس
ويقولك انتظر برى اذا طلع احد .. قلنا ما لنا الا ماك حبيب الشعب ... والله ياعنده عالم وقتها وكل شوي يقفلون الباب الى ان تطلع دفعه ثم يفتحون عشان الزحمه

يوم رجعنا للفندق على العشاء الا انا جوعانين خوينا راعي البيتزا مقفل وماك الي كلناه ما يوكل عيش
دقيت على الفندق قلت فيه خدمة عشاء اليوم قالوا ايه ماطلبت شئ لجل عين تكرم مدينه لو تبي حاشي جبناه لك https://www.arabtrvl.com/vb/images/S...hatsapp/29.png
قلت لا بس ابي اسبغتي وبيتزا .. والله وكانت دسمه لكن الجوعان بياكل لو تراب

والمهم يوم شبعت قلت خل اشيك على الطقس وانا كل يوم اشيك على الطقس اتحرى السحابه يهديها الله https://www.arabtrvl.com/vb/images/S...yolks00430.gif
الا ويقول اليوم الساعه 8 الليل وانا الي كل شوي اطل من الدريشه اشوف السحاب وكل شوي البرنامج يتاخر ساعه الى ان جت 11 قلت بكيفه طفيت انا جالس يطقطق علي كل شوي يقول عقب ساعه https://www.arabtrvl.com/vb/images/S...yolks00140.gif

والله الا يوم جت الساعه 12 او وحده الليل وتسمع المدام صوت تيك توك تييك https://www.arabtrvl.com/vb/images/S...tsapp/e04b.png وترحمني وتقومني شوي شوي مطر مطر https://www.arabtrvl.com/vb/images/S...yolks00700.gif https://www.arabtrvl.com/vb/images/S...yolks00310.gif https://www.arabtrvl.com/vb/images/S...yolks00100.gif https://www.arabtrvl.com/vb/images/S...yolks00750.gif:y olks00740:
كل ملامح السعادة وقتها والاحاسيس انتابتني وقتها والله وافتح الشباك في البرد ابي المس المطر واشم ريحته

واصور فديو والمطر ينقط على القزازه .. غرفتنا صايره في اعلى دور فصاير الشباك يفتح على فوق فاشوف المطر يضرب في القزاز https://www.arabtrvl.com/vb/images/S...hatsapp/18.png

واستمر يقوى ويخف واشيك على الطقس يقول بيجلس ان شاء الله طول اليوم بكره
قلنا اجل ننوم شوي ونصحى بكير نتقهوى ونفطر ونروح نتمشى بالامبريلا جايبينها معنا من الرياض عشان هاللحظه https://www.arabtrvl.com/vb/images/S...tsapp/e04b.png
طبعاً طلعنا عقب الفطور وخذنا الباص السياحي اخيراً في اخر يوم لنا عن الخاطر قلنا يمكن يمر مكان ما شفناه
طلع فيه شركتين باصات سياحيه وحده منهم ماتشتغل في الكريسمس والثانيه تشتغل
الي لونه احمر بق بص اظاهر او هوب اند هوب ناسي والشركه الثانيه مدري وش اسمها

لكن لو بجي مره ثانيه لميلان منيب ماخذ هالباص لان فعلياً مايوصلك الى الاماكن السياحيه لكنه يقربك منه يعني اغلب الطريق الي يمشي فيه تشوف الشوارع والمباني موب المعالم نفسها الا بعض الاماكن

طبعا خذناه من موقف قريب من الفندق وانطلقنا الى الدومو وقلنا بناخذ لنا خفايف من مطعم يطل على الدومو اسمه Duomo 21
صراحه مدري ما ارتحت له نفسياً وتعليقات الناس عليه في قوقل وسط
صاير مدخل صغير عند القالريا تطلع المصعد ثم يستقبلونك وفيه بار طبعا قريت عنه في النت ان فيه قاعات للي يبي يسوي مناسبات عرض ازياء ولا اجتماعات
لكنهم اكثر شيء يغرون فيه الاطلاله على الدومو جلسات خارجيه مسموح التدخين فيها من تعليقات الناس في النت انه ممنوع تطلب قهوه بس في هذي الجلسات الخارجيه لازم اكل ولازم طلبك مايقل عن سعر معيا
وفيه ناس تقول قبل تدخل لازم تدفع مبلغ

بالنسبه لنا موب موسم وماعندهم احد دخلنا ولا دفعنا شي وجلنا في الجلسات الخارجيه وطلبنا عصير راح الويتر ورجع مره ثانيه قال لازم طلبين ك واحد طلب قلت اجل جب لنا سلطة سيزر

وانا زي ماقلت لكم من الاساس ما ارتحت لهم يوم خلصنا قلت الفاتوره وجابوها حطوها وراحوا ... قريت الفاتوره ... الا بالايطالي بس انا بالعدد قلت هذي حقت الخدمه وذي سلطه وذي عصير فيه شي زياده مكتوب كوفي ؟؟ https://www.arabtrvl.com/vb/images/S...yolks00150.gif وهو اسعاره اصلا ميب رخيصه بعد ..!!

يوم جاء وخذها رجعت وحده عقب دقيقتين قالت معليش عطيناك الفاتوره الغلط <--- سبحااان الله واحد زينا طالب نفس طلباتنا عصير وسيزر وقهوه وش جوه ذا https://www.arabtrvl.com/vb/images/S...yolks00320.gif

طبعا الي مخليني ادقق في الفواتير في المطاعم لانهم سووها فينا في تركيا فصرت دايام ادقق لين رحت لمطعم خاصه الي يسوي لك فيها انه خمس نجوم
وبعد ماطلعنا رجعنا لخوينا الباص وكان مطر حلو شوي ديم وشوي قوي الباص مفتوح من فوق وتحت ببلاستيك مقفل يعني تشوف كل شئ من خلف البلاستيك حلو

وكانت اخر جوله لنا في ميلان النظره الاخيره لها وحلت يوم جاء المطر https://www.arabtrvl.com/vb/images/S...yolks00310.gif
طبعا رجعنا الفندق نرتب اغراضنا ونتفقد النواقص لاننسى شئ
وبلغت الفندق قلت توفرون تاكسي قال ايه اي وقت تبي قلت لو الصباح بدري قال ايه قلت زين

والله ورتبنا كل شء واستعدينا وخذنا لنا نومه حلوه لان الرحله الاقلاع الساعه 11 الصباح
والشئ الحلو ان الامطار مستمره من الليل الى الصباح https://www.arabtrvl.com/vb/images/S...whatsapp/7.png
صلينا الفجر والدنيا مطر وكل شئ مرتب قلنا نصلح القهوه ونتقهوى ثم ننزل نفطر وعقب نروح المطار
طبعاً كانت الخطه اننا بناخذ تاكسي ولا اوبر لمحطة القطار ثم للمطار

لكن لعلنا وسعنا الصدر في الفطور والقهوه وتاخر الوقت وقوقل يقول القطار ساعه والسياره تقريب 40 دقيقه لكن القطار تاكسي وتنزل وتذكره والقطار ماتدر يمتى تبداء رحلته فقلت مالي الا تاكسي اضمن وغالي

الفندق قالوا التاكسي للمطار 100 يورو وبرنامج اوبر يقول من 80 الى 95 يورو وفيه التاكسي العادي من 60 الى 75 تقريبا يورو لكن سبحان الله مدري وش الي معميني ومخليني اطلب التاكسي من الفندق الي ب 100

الشاهد الدنيا مطر وانا افكر في الطريق لاتروح الطياره وننتظر التاكسي الي تاخر الا شوي يجينا باص مرسيدس زي حقات اوبر https://www.arabtrvl.com/vb/images/Smilies/(46).gif

انا هنا منيب رايق اتاخر لو دقيقه مابقى شئ على الرحله
وركبنا وزين ان السواق مستعجل حتى انه قطع اشاره بالغلط والمطر تقول منشقه السماء من قوته
يوم وصلنا المطار وانا قاص البوردينق بس بحط العفش وادور وين كونتر الخطوط رايح جاي راح علي ربع ساعه بس عشان ادور ويوم سالت ولقيت الكاونتر ضيعت المعزبه https://www.arabtrvl.com/vb/images/S...yolks00100.gif لااء موب وقته اول شئ متاخرين وثاني شئ اشلون بحصلها في هالزحمه ولا معها جوال https://www.arabtrvl.com/vb/images/S...whatsapp/8.png
بس الحمد لله القمر يبين بين النجوم <<--- تستاهل نتغزل فيها غزل عفيف شوي https://www.arabtrvl.com/vb/images/S...yolks00740.gif
المهم انه مابقى على الصعود الا نص ساعه تقريبا يعني وصلنا على الوقت .. ويوم وصلنا الكونتر شافني حق الخطوط وشاف الرحله قال رح لكونتر درجة الاعمال عشان ماعنده احد عشان يخلصونا بسرعه

يوم سلمت الشنط وخذت البوردنق تنفست الصعداء https://www.arabtrvl.com/vb/images/S...hatsapp/61.png نسيت ان فيه جوازات وتفتيش وحوسه
والله ونسحب رجولنا ورحت لحقين التاكس فري اختم الفاتوره
قم وصلنا للتفتيش الا زحمه لكن يمشي كل واحد يحط البوردينق على الجهاز ثم يفتح لك البوابه وقبل لا تدخل زي العاده انطل السوائل الي معك

يوم رحلتنا من الرياض حبيبين ما يدققون على هالاشياء .. ويوم وصلنا للتفتيش نسينا ان معنا شنطه حقت هدايا وحده من الهدايا عطر 200 مل .. فطولت الشنطه في الجهاز ماطلعت ثم شوي قال تعال افتح الشنطه
وافتح انا واثق مافيه شي ويقلب ثم ذكرنا العطر فقال هذا وش قلنا عطر قال افتحه فتحنا قال ما يمشي

الا المدام طارت عيونها متعنيه عشانه في ميلان خاطرها فيه https://www.arabtrvl.com/vb/images/S...tsapp/e116.png قال ما يمشي
يابن الحلال هديه مقفل وما ندري ثم قال يالله امشو بس لاتعلمون احد احسه مشانا عشان الخطوط السعوديه لو امريكا ماهقيت يمشيها

ودخلنا للسوق الحره وكنا نبي نشتري هديه عالسريع وانا اشوف الساعه باقي 40 دقيه على الاقلاع
هذا ولا هذا لا هذا ريحته احلا وانا على اعصابي وحاسبنا وجينا عند الجوازات زي مافيه زحمه

على بالنا الطريق قريب للبوابه من السوق الحره طلع يبي له مشي شوي .. وانا نتمشى واثقين الا شوي اسمع ينادون علي يقولون يابومحمد وينك عجل علينا ترى الطيار شغل الطياره https://www.arabtrvl.com/vb/images/S...tsapp/e01d.png
والله وادعس واترك المعزبه لحالها قلت بروح وااخرهم بس عشان يدرون اننا قريبين يوم وصلت الا متجمعين عند الباب يحتروني وياشر المضيف على الساعه وينك ياخوي اخرتنا اخر ناس نركب .. عاد ما احب هالحركه
والطياره ملياانه فل بعكس يوم اقلاعنا كان فيه اماكن فاضيه

وتيتي تيتي خلصة الحتوتيه https://www.arabtrvl.com/vb/images/Smilies/(1).gif
الصراحه اعتذر على الاطاله وقل الصور وحاولت اني استعجل في السرد في اليوميات وفيه اشياء نسيتها لكن حاولت بالي جاء معي فلعل وعسى انكم تستفيدون بشئ لو بسيط من رحلتي ولنا لقاء ان شاء الله مع رحله جديده في القريب العاجل ان شاء الله