|
ماليزيا... كل عام وإليك وجهتي .
بسم الله الرحمن الرحيم السلام عليكم ورحمة الله وبركاته يالله إنك تمسيهم بالخيرhttps://www.arabtrvl.com/vb/images/S...hatsapp/69.png . رحلتي هذا العام هي الرحلة الخامسة لماليزيا (ماشاءالله) https://www.arabtrvl.com/vb/images/S...whatsapp/7.png:7 الأجزاء ستكون كالتالي: الجزء الأول: سلانجور+بوترجايا +تجربة قيادة السيارة في كوالا والسفر بها . [ uhttp://www.arabtrvl.com/up/uploads/a...3555619572.jpg ماليزيا زرتها عام 2007مالجزء الثاني:إيبوه+الكاميرون. http://www.arabtrvl.com/up/uploads/a...3556695291.jpg http://www.arabtrvl.com/up/uploads/a...3556695342.jpg الجزء الثالث : بينانج http://www.arabtrvl.com/up/uploads/a...3556939231.jpg الجزء الرابع : جوهور http://www.arabtrvl.com/up/uploads/a...3557089211.jpg http://www.arabtrvl.com/up/uploads/a...3557089262.jpg الجزء الخامس : كوالالمبور قبل أن أختم هالمقدمة أحب أعطيكم فكرة عن عدة نقاط : أولا : اختيار ماليزيا . 2010م 2011م 2015م 2016م من يزورها مرة يفكر في العودة مرات ، لأن فيها كل مقومات السياحة العائلية https://www.arabtrvl.com/vb/images/S...hatsapp/72.png أفراد الرحلة: أنا وزوجتي وأبنائي الأربعة ( 11-9-8-3) سنوات الناقل الرسمي المعتمد عندي : الخطوط السعودية . وقد تم الحجز قبل موعد السفر تقريبا ب 10شهور ، المدة طويلة لكن إن أردت سعر جيد فلابد من الحجز المبكر وتم شراء تذكرة 2بالغين /4442ريال 4أطفال / 6792 ريال طريقة حجز الفنادق : موقع بوكينق بالإضافة لأقودا وأحيانا من موقع الفندق نفسه . ولابد من الانتباه عند مقارنة السعر بين المواقع هل السعر شامل للضرائب أم لا ؟ لأن عند الوصول للفندق قد تتفاجأ بأن السعر اللي تم الحجز عاى أساسه غير شامل وستدفع مبلغ إضافي قيمة الضرائب. كذلك عند حجز الفنادق الأفضل الحجز القابل للإلغاء لأنه قد تتغير الأسعار بين فترة والثانية . ففي أحد حجوزاتي قبل موعد الحجز بيومين وجدت نفس الغرفة التي حجزتها قد نزل سعرها للنصف فالحمد الله ألغيت حجزي الأول وحجزت من جديد في نفس التاريخ بسعر هذا وأنا مالي بالطويلة طلع معي كل هالحكي https://www.arabtrvl.com/vb/images/S...whatsapp/1.png |
رد: ماليزيا... كل عام وإليك وجهتي .
هلا بكم... وصلنا ماليزيا والتعب وصل حده معي ومع عيالي رحلة طويلة وانا مايجيني نوم في السفر تقل حارس وكالعادة ننتقل بالقطار للصالة الثانية وقدامك منظر الجوازات والطابور والزحمة لكن تهون طالما وصلت للحبيبه ماليزيا هالمرة طولت شوي في الطابور لدرجة ان يوم وصلنا سير العفش لقينا الشناط لحالها ماحولها احد الناس راحو وانا صاف سرا وفكنا الله من التفتيش اللي قبل تطلع من صالة الوصول لانهم يخلونك تنزل شناطك وتحطها في الجهاز وترجع تشيلها مرتن ثانية لحد يقول جمرك لانهم ياخذون الواحد حسب هيئته يعني ماهوب كل الناس يفتشونهم الخواجات طبعا محد حولهم والعرب هم اللي يركز عليهم .. بغيت اعصب لكن تذكرت اني غريب فلازم اصير اديب رحت لمكتب الاتصالات وخذيت 3شرائح بقيمة 150 رنقت وكملت على مكتب التكاسي بمبلغ 167رنقت وطلعنا من المطار باتجاه فندق الصن واي لاقون لمدة 3 ايام جناح مطل على الحديقة http://www.arabtrvl.com/up/uploads/a...3638151471.jpg http://www.arabtrvl.com/up/uploads/a...7363815152.jpg ملاحظة بعض الصور لاتحمل توقيع لانها من النت مميزات الجناح التنفيذي استقبال خاص في الدور 20 الدخول للكلوب مرتين في اليوم يحتوي مأكولات خفيفة وعصائر وقهوه غسيل مجاني لعدد 3 قطع في اليوم عطوني سرير إضافي مجاني وحقيقة هالفندق احبه جدا لعدة اسباب رغم انه غالي لكن: -يقدم خدمة مرضية لي بمقابل المبلغ المدفوع -تعاون واستقبال اكثر من رائع حبيبنا الاخ داوود وهو فلسطيني مقيم في ماليزيا ومدير في الصن واي كان في غاية اللطف والتعاون في الرحلتين الاخيره http://www.arabtrvl.com/up/uploads/a...3636760084.jpg -توفير مترجمين عرب متعاونيين وصبورين في الاستقبال -نظافة وخدمة غرف ممتازة -تنوع الفطور عندهم حكاية (ماتدري وش تاخذ وش تخلي) مراعين فيه الذوق الخليجي http://www.arabtrvl.com/up/uploads/a...3634674187.jpg http://www.arabtrvl.com/up/uploads/a...3634674146.jpg http://www.arabtrvl.com/up/uploads/a...3634674239.jpg http://www.arabtrvl.com/up/uploads/a...7363467415.jpg http://www.arabtrvl.com/up/uploads/a...3640550351.jpg -مسابح الفندق جميلة وواسعة تناسب الكبار والصغار http://www.arabtrvl.com/up/uploads/a...3639555431.jpg هالسنة عندهم قهوة عربي جايبين مكوناتها من السعودية (حسب كلام داوود) عاد قهوتهم جيده كبداية منهم ومحاولة لإرضاء النزلاء الخليجيين والعرب إضافة الى الشورما والبليلة والترمس والباجلا وتجدونها بجوار المسبح والقهوة موجودة باللوبي بعد http://www.arabtrvl.com/up/uploads/a...3641692331.jpg http://www.arabtrvl.com/up/uploads/a...7364169242.jpg -حديقة مائية وحديقة العاب مايحتاج اوصفها ابد(اسبق عيالي عليها) وسبق أن تكلموا عنها الأخوان بالتفصيل في المنتدى. حجزت الدخول للحديقة عن طريق النت من موقع Asiatravel.com | Hotels Resorts Air Ticketing Tours Packages Reservation بسعر حلو بالنسبة لي وهو 385 رنقت 2بالغين و3اطفال والاخير كان باقي له شهر ويوصل لسن 3سنوات فكان دخولة مجاني وفرق معي من اني احجز من عند البوابة فقط عطيتهم ورقة اللحجز اللي طابعها وعلى طول عطوني الاساور من الساعة العاشرة موعد فتحها نستمتع بالحديقة من فوق لين تحت وعادة ابدأ من الملاهي فوق افرها كلها انا وعيالي وبعدين ننزل نكمل باقي اليوم في المسابح لين يقفلون واخر واحد يطلع انا (أحلل دراهمي) وللمعلومية تم افتتاح قسم جديد في الحديقة NICKELODEON THEMED LAND اعتقد فيه احد من الاخوان معنا بالمنتدى غطاه لنا جزاه الله خير لم يناسب الاولاد عندي (مزاجهم عجيب) الحديقة جدا رائعة ومناسبة للجميع صغارا وكبارا حلو اني اخلي اول رحلتي عندهم ارتاح كم يوم وعشان عيالي يفرغون شحنة الطاقة اللي بهم اول مانوصل وعشان ورانا فرفرة طويلة في ماليزيا http://www.arabtrvl.com/up/uploads/a...3639555482.jpg http://www.arabtrvl.com/up/uploads/a...3639555523.jpg http://www.arabtrvl.com/up/uploads/a...3639555564.jpg http://www.arabtrvl.com/up/uploads/a...7363955565.jpg http://www.arabtrvl.com/up/uploads/a...3639555666.jpg http://www.arabtrvl.com/up/uploads/a...3639555717.jpg http://www.arabtrvl.com/up/uploads/a...3639555758.jpg -مول كبير وحلو فيه تنوع وبضاعة جميلة - توفر المطاعم بكل انواعها في المول http://www.arabtrvl.com/up/uploads/a...3636760012.jpg http://www.arabtrvl.com/up/uploads/a...3636760043.jpg http://www.arabtrvl.com/up/uploads/a...3636759951.jpg من تجربتي بحط لكم مطعمين جربتهم الأول مطعم هندي http://www.arabtrvl.com/up/uploads/a...3637123528.jpg http://www.arabtrvl.com/up/uploads/a...3637123569.jpg http://www.arabtrvl.com/up/uploads/a...3635124359.jpg http://www.arabtrvl.com/up/uploads/a...3635124318.jpg http://www.arabtrvl.com/up/uploads/a...3635124114.jpg http://www.arabtrvl.com/up/uploads/a...3635124185.jpg http://www.arabtrvl.com/up/uploads/a...3635124226.jpg http://www.arabtrvl.com/up/uploads/a...3635124267.jpg http://www.arabtrvl.com/up/uploads/a...3635123981.jpg http://www.arabtrvl.com/up/uploads/a...3635124032.jpg http://www.arabtrvl.com/up/uploads/a...3635124073.jpg المطعم جيد لمن يبحث عن المذاق الهندي المطعم الثاني هو مطعم الطربوش وهو مطعم معروف لمرتادي البراميد http://www.arabtrvl.com/up/uploads/a...3637123467.jpg http://www.arabtrvl.com/up/uploads/a...3637123385.jpg http://www.arabtrvl.com/up/uploads/a...3637123426.jpg http://www.arabtrvl.com/up/uploads/a...6367603210.jpg http://www.arabtrvl.com/up/uploads/a...3637123211.jpg http://www.arabtrvl.com/up/uploads/a...3637123252.jpg http://www.arabtrvl.com/up/uploads/a...3637123293.jpg http://www.arabtrvl.com/up/uploads/a...3636760217.jpg http://www.arabtrvl.com/up/uploads/a...3636760248.jpg http://www.arabtrvl.com/up/uploads/a...3636760289.jpg ويميز المطعم وجود جلسات خارجية مطلة على الحديقة المائية http://www.arabtrvl.com/up/uploads/a...3636760125.jpg http://www.arabtrvl.com/up/uploads/a...3637123334.jpg -المهم انه فندق يوسع الصدر |
رد: ماليزيا... كل عام وإليك وجهتي .
اخترت شركة هرتز http://www.arabtrvl.com/up/uploads/a...7364393488.jpg موب لان اسعارها رخيصة ولكن لانها شركة عالمية وموثوقة خصوصا لواحد مثل حالتي اول مرة اتعامل مع شركات تأجيرسيارات في غير بلدي السيارة كانت هونداي النترا http://www.arabtrvl.com/up/uploads/a...3643934829.jpg ب 180ريال في اليوم عشانها كبيرة وتشيل الشناط (ام العيال تشيل كل اللي تحتاجه واللي ماتحتاجه) طبعا تحتاج فيزا لاتمام عملية الحجز وللمعلومية كل المواقع وشركات تأجير السيارت يطلبون فيزا غير مسبقة الدفع لكن ماعليك منهم بطاقتي فيزا مسبقة الدفع من الراجحي ومشت الأمور وتسهلت مادام الحروف بارزة لايهمونك ولا تقول لهم انها مسبقة الدفع عطهم البطاقة وابتسم ونفس الشي مع اي مكان او موقع وش دراهم طالما فيها دراهم المهم اني طلعت رخصة دولية ب 120 ريال من مكتب سياحي بجدة وسددة قيمة مخالفات قاهر(ساهر)ب2000ريال الله يخلف بس والغبنة اللي تبط التسبد انهم طلبوا الرخصة السعودية قلتلهم معي رخصة دولية هاكم قالوا مانبي غير السعودية وزين اني جايبها معي ومدري هل هالنظام مع هرتز بس او مع كل المكاتب كان الحجز اني اخذ السيارة من مكتب في وسط كوالالمبور وأسلمها في مطار بينانج كنت محدد تاريخ استلام السيارة قبل السفر الى بينانج بيوم عشان لو حصل شي غير مخطط له اقدر اتصرف واحجز طيران لاايبوه وما اتعطل ويضيع حجز الفندق (كانت ايبوه في مخطط الرحلة اني اوقف فيها لمدة 3 ايام قبل اروح بينانج) وعشان اتعود على القيادة في ماليزيا خصوصا انها يمين ماهو بمثل عندنا وفي اليوم الموعود طلعت من الفندق واخذت تكسي وعطيته عنوان مكتب التأجير وقالي انت تبي تستأجر سيارة؟ وعلامات الاستغراب في خشته قلت له ايه رح بس للعنوان ماعليك وطول الطريق وهو كل ماشاف زحمة يقولي شف الزحمة شلون تبي تسوق انت مع هالناس وانا اقول ماعليك رح بس وكل ماقربت لكوالا واشوف الزحمة كل ماجتن ام الركب لين اني فكرت اكنسل الموضوع كله وشل لي وشل الغرابيل وهالزحمات لكن تراجعت وتذكرت الفشلة اللي بتصير لو كنسلت .. لين دخل بي مع شارع العرب ووصلنا للمكتب حق هرتز والسواق الصيني كنه يقول الله يعينك يالمسكين .. دخلت المكتب وكان استقبالهم جميل ورائع نسوني التوتر اللي كان فيني الأجراءت كانت يعني متوسطة استغرقت 30 دقيقة (بسبب ماعندهم سيارتي) وكانت المفاجأة اني يوم جيت استلم السيارة قالوا لي ماعندنا النترا لكن بنرقي لك السيارة وتاخذ اكبر منها وش رايك نعطيك هونداي توسان (جيب صغير) وما تدفع شي تاخذها بنفس سعر الالنترا عاد انا استانست جيب يعني وسع لعيالي ويشيل شناطنا ويعنني ماني راضي عنهم قلت طيب http://www.arabtrvl.com/up/uploads/a...3643934787.jpg http://www.arabtrvl.com/up/uploads/a...6439348510.jpg سألتهم عن بنزين السيارة وعن بوابات الضرائب اللي على الطرق قالوا لي البنزين فل لكن تراك ترجعه لنا فل مثل ماعطيناك وتعبيها البنزين الاصفر 95 وتاخذ بطاقة اسمها تاتش اند قو http://www.arabtrvl.com/up/uploads/a...3643934755.jpg http://www.arabtrvl.com/up/uploads/a...3643934713.jpg من اي محطة او بقالة سفن الفن لكني مالقيتها غير في صيدلية واتسون اللي قدام الصن واي وكني باخذ بنادول لكن الشحن تلقاه باي مكان مافي مشكلة المهم انها تنشحن وقلت لهم حطو فيها ب 30 رنقت على بالي تكفيني لمدة 4 ايام لكن زدتها عقب ب 20 رنقت واستخدمت برنامج وييز http://www.arabtrvl.com/up/uploads/a...3643934776.jpg وكان برنامج ممتاز ورائع يغنيك عن قوقل ماب وسايجك وقارمن وهو مجاني سهل الاستخدام تفاعل الماليزيين معاه كبير لانه يعتمد على رسائل واشعارات السائقين المستخدمين للبرنامج http://www.arabtrvl.com/up/uploads/a...3643934692.jpg يعلمك ان بوه زحمة قدامك واذا بوه سيارة متعطلة واقفة على جنب او اذا فيه حادث لا قدرالله أو نقاط تفتيش تكتب اول حرفين من الفندق او المكان اللي تبيه ويسرد لك على طول ويعطيك العنوان وكم كيلو عشان تاصل وكم يبيلك من وقت واذا فيه محطات في طريقك .. المهم اني استفدت منه جدا واستخدمته لين وصلني لبينانج وهو نعم الخوي توكلت على الله وركبت السيارة ومشيت والأمور سلكت بشكل ماكنت اتوقعه لكن تساهيل من رب العالمين وجمال السواقة عند الماليزيين محد يسرع ومحد يتجاوز من راسة بدون اشارة ومحد يعلق البوري وراك يستعجلك ويغثك حست شوي في شوارع كوالا لكن حوسه جميلة عرفتني بعض الاماكن والمناظر لين وصلت لبوابات الضرائب http://www.arabtrvl.com/up/uploads/a...3643934734.jpg واتذكر اني ماشريت البطاقة حقتهم وش اسوي بعمري هالحين واختار بوابة مابها سيارات وادرعم لها ووقفت ومن شين الحظ هي البوابه الوحيده اللي مافيها موظف طلعت هي حقت البطاقة بس تمرر البطاقة على الجهاز وتفتح لك البوابة وانا ماعندي بطاقة والسيارات وراي سرا لكن لكن شهادة لله مافيهم واحد دق بوري ولا فيهم واحد غير مساره لين جاء الموظف وبكل ادب قالي ادفع 2.50رنقت عطيته خمسين من الروعه احسبوه يبي يهاوشن وراح وجاب لي الباقي وفتح البوابه ومشيت كملت طريقي (لين سلمت السيارة في بينانج وانا كل ماجيت عند هالبوابات احوس واروح لبوابة غلط ماتقبل البطاقة بس الحمدلله بمساعدة عيالي اذا وصلت دلوني على البوابة الصحيحة) لين وصلت للصن واي لاقون بحفظ الله بدون اي مشاكل وبكل يسر وسهوله وطلع الموضوع كله بسيط جدا ومايحتاج ابدا للتوتر اللي جاني من قبل ونظرات الاستغراب كانت على وجيه كل من قابلتهم عند بوابة الفندق كيف استأجرت سيارة ووصلت لهم خصوصا مكتب التكاسي لانه كان عارف العنوان اللي بروح له وسط كوالا ولمكتب التأجير واستخدمت مواقف نفس الفندق مجاني عطوني بطاقة دخول للمواقف ونفس الحال مع الفنادق اللي نزلت فيها ومعي السيارة. مميزات ومساوئ تاجير سيارة وقيادتها في ماليزيا: - اي مكان تبيه تروح له وقت ماتبي وترجع وقت ماتبي - زوجتك وعيالك ياخذون راحتهم في المشوار عكس لو انهم في التاكسي -وتفتك من سواليف بعض السواقين وبثارة الصينيين وريحه الهنود وتماثيل بوذا اللي بكل سيارة اشوفه - مناظر تشوفها تسر العين والنفس والروح - توقف بأي مكان تصور أو تمغط وتطلق رجليك ماااااعندك مشكلة - تسافر اي مكان يخطم براسك أو باللوحات قدامك بالطريق(الكميرون ماكانت في مخططي ابد لكن شفتها قريبة من ايبوه وام العيال شجعتني نروح لها ورحنا مافي اي مشكلة) -محطات البنزين متوفرة بكثرة في طرق السفر وهي جميلة ونظيفة وفرصة للمتعة والتجول - المصليات متوفرة بكل محطة في الطريق -ترتاح من المطارات ووجع الراس عفش وشناط ووزن وموعد طيارة وانتظار اقلاع وحضور بدري -القيادة هناك امنه جدا تراهم فنانين حتى سواقة حريمهم ماعليهم -اختلاف القيادة من اليمين لليسار مافيه اي مشكلة 10 دقايق والوضع معك تمام (حصل وعكست شارع لكن جت سليمة ماكان غير سيارة وحده في وجهي وقف لين تنبهت وعدلت وضعي ومشيت بدون اي تذمر منه الحبيب) -مافي نقاط تفتيش في الدخول والخروج من المدن ولا شفت اي شرطي أو مرور طول مدة السفر -يازين ساهر عندهم ينبهك يقول لك تراني قدامك لا تسرع (لوحات تنبهك انك في منطقة تصوير سرعة) مسافة بسيطة بس وبعدين ادعس وانت منت محتاج للسرعة أصلن للأمان أولا وللمناظر اللي تأسرك ثانيا -سعر لتر البنزين اعبي فل 85رنقت وعبيتها مرتين طوال مدة الرحلة لين سلمتها لهم فل المساوئ: حقيقة لم ارى لها اي مساوئ تمنع من التمتع بقيادة سياره في بلاد جميلة مثل ماليزيا (وجهة نظر شخصية وتجربة) ندمت اشد الندم اني اخذت السيارة لمدة 4 ايام فقط كنت حاجز لجوهور من بينانج على طيران اسيا ولا اقدر استعيد المبلغ او الغي الحجز تمنيت اني خليتها معي طول الرحلة من راحة ووناسه شفتها وفلة حجاج لا تحرمون انفسكم وعيالكم من هالمتعة توكل على الله وجرب |
رد: ماليزيا... كل عام وإليك وجهتي .
بما اني ناوي اروح لا ايبوه في طريقي لبينانج قررت اني استفيد من وجود السيارة واروح اتمشى بعيالي فكرت اروح اي ستي لكن جربته في رحلتي 2015 والحقيقة لايستحق تكرار الزيارة قررنا نروح بوتراجايا لانها قريبه وماقد جيتها قبل وشي جديد ماجربته بحثت في برنامج ويز وحطيت الوجهه وتوكلت على الله الطريق سهل وما واجهت صعوبة في الوصول بفضل الله ثم ملاح الرحلة (أم العيال) ماسكة هالجوال وماعندها غير رح يمين ورح يسار لين وصلنا بوتراجايا كانت جميلة وحلوه منظمة وواسعه والخضره فيها خيال http://www.arabtrvl.com/up/uploads/a...5803901637.jpg http://www.arabtrvl.com/up/uploads/a...5803901789.jpg http://www.arabtrvl.com/up/uploads/a...5803901718.jpg http://www.arabtrvl.com/up/uploads/a...8039018410.jpg http://www.arabtrvl.com/up/uploads/a...5803986014.jpg http://www.arabtrvl.com/up/uploads/a...5803901536.jpg طبعا انا ما ادري وش قدامي لاني ماكنت محضر اني اروح لها واللي اعرفه انها منطقة راقية فيها مقرات وقصور الحكومة واعرف ان فيها جسر اشوفه بالصور دايم لكن ماقد جيته ولا اعرف عنه شي وصلت للجسر وفعلا مثل الصور ولاني ما اعرف المنطقة بس أخبر اني قريت منذو مبطي انه فيه مسجد كبير وبحيره وقوارب http://www.arabtrvl.com/up/uploads/a...5803901495.jpg http://www.arabtrvl.com/up/uploads/a...5803901434.jpg لكن وين واي مسجد ما ادري طبعا البرنامج يطلع لي المساجد اللي حولي لكن مايعلمني وش عنده من فعاليات شفت مسجد زوين ولونه وردي من بعيد وشكلة كبير ونظيف قلنا خلنا ننصاه ومادام الموتر معك رح ولا يهمك وصلت للموقع ,وشفنا هالعالم والسيارات والباصات وزحمة وكان هو اللي نسمع فيه وكان عبارة عن منطقة كبيره جدا فيها مقر الحكومة والمسجد وتحت المسجد فيه سوق صغير ومكان تأجير قوارب صغيره http://www.arabtrvl.com/up/uploads/a...5803451756.jpg http://www.arabtrvl.com/up/uploads/a...5803901353.jpg http://www.arabtrvl.com/up/uploads/a...5803985953.jpg http://www.arabtrvl.com/up/uploads/a...5803451432.jpg قلت خلنا نصلي العصر بالمسجد وبعدين نفتر ونشوف وش قدامنا المسجد كبير جدا وهو ايضا مزار سياحي يجونه السواح بالباصات ويلبسونهم زي محجب للنساء ويخلونهم يدخلون . اماكن الوضوء تحت المسجد كبيره ونظيفة لكنها مشوااار وفيه الحرس الخاص بالمسجد ولهم زي خاص يساعدونك في اي شي تبيه وهم في غاية اللطف والفزعة المسجد موقعه رائع تصلي وانت فوق بحيره ومناظر الخضرة والماء تشرح البال والخاطر http://www.arabtrvl.com/up/uploads/a...5803901242.jpg http://www.arabtrvl.com/up/uploads/a...5803451321.jpg http://www.arabtrvl.com/up/uploads/a...8037227410.jpg http://www.arabtrvl.com/up/uploads/a...5803722679.jpg http://www.arabtrvl.com/up/uploads/a...5803901161.jpg http://www.arabtrvl.com/up/uploads/a...7580561154.jpg http://www.arabtrvl.com/up/uploads/a...5805611423.jpg http://www.arabtrvl.com/up/uploads/a...5805611372.jpg http://www.arabtrvl.com/up/uploads/a...5805611211.jpg عشان تنزل تحت للسوق والقوارب فيه درج متحرك ومصاعد من خارج المسجد اذا طلعت تلقاه على يمينك لقيت محلات لبيع التذكارات والاشياء البسيطه ومأكولات خفيفة توجهت لتأجير القوارب وخذيت لي قارب انا وعيالي ب160 رنقت لمدة 30 دقيقة لكنه فرفر بنا في البحيره حول الساعة أو أقل بشوي وكان يشرح لنا عن كل المباني والقصور اللي نشوفها حولنا ولاندري وش قصتها والحقيقة كان جدا متعاون وبشوش استمتعت في الرحلة لان المنظر من البحيره يختلف كثير وأفضل وقت لزيارتها هو وقت العصر عشان حرارة الشمس http://www.arabtrvl.com/up/uploads/a...5803722598.jpg http://www.arabtrvl.com/up/uploads/a...5803722415.jpg http://www.arabtrvl.com/up/uploads/a...5803451493.jpg http://www.arabtrvl.com/up/uploads/a...7580345164.jpg http://www.arabtrvl.com/up/uploads/a...5803985882.jpg http://www.arabtrvl.com/up/uploads/a...5803985781.jpg http://www.arabtrvl.com/up/uploads/a...5803722527.jpg http://www.arabtrvl.com/up/uploads/a...5803722253.jpg http://www.arabtrvl.com/up/uploads/a...5803722314.jpg http://www.arabtrvl.com/up/uploads/a...5803722172.jpg http://www.arabtrvl.com/up/uploads/a...5803722091.jpg http://www.arabtrvl.com/up/uploads/a...5803451837.jpg http://www.arabtrvl.com/up/uploads/a...5803451969.jpg http://www.arabtrvl.com/up/uploads/a...8034520310.jpg http://www.arabtrvl.com/up/uploads/a...5803451685.jpg خلصنا جولتنا وكان وقت المغر قرب وقلت خلني ارجع للفندق قبل الليل ولان ورانا سفرة بالبر ولله الحمد قضيت وقت ممتع مع عيالي في مكان جميل ولا كان فيه اشكالية في طريق العودة او صعوبة كل شي واضح من ناحية علامات الطريق واللوحات الارشادية السفر بالسيارة الى ايبوه والكميرون.... . |
رد: ماليزيا... كل عام وإليك وجهتي .
السفر بالسيارة الى ايبوه والكميرون... يالله انك تسعد الجميع .. https://www.arabtrvl.com/vb/images/S...hatsapp/69.png بعد انقطاع خارج عن الارادة نعود لاكمال التقرير ادري مصختها لكن النية موجودة اني اكمل هالتقرير يا أنا ياهو https://www.arabtrvl.com/vb/images/S...whatsapp/7.png العذر والسموحة منكم نكمل... اصبحنا واصبح الملك لله متعود في السفر انام بدري واصحى بدري اخر فطور في الصن واي ولاني عارف اني موب لاقي مثلة زينت قهوتي وتجهزت الشناط وحملتها بالموتر ودعنا ربعنا وسلمنا عليهم كلن باسمه طبعا كلهم مستغربين على سالفة استئجار السيارة المهم حطيت الوجهه بالبرنامج وتوكلت على الله .. https://www.arabtrvl.com/up/uploads/...5148953331.jpg https://www.arabtrvl.com/up/uploads/...1489128410.jpg https://www.arabtrvl.com/up/uploads/...5142225184.jpg https://www.arabtrvl.com/up/uploads/...5142225235.jpg لين طلعت من كوالا والطريق شوي بوه زحمة لكن يوم مسكت السريع والوضع ممتاز ماقيه مشاكل كنت شايل هم اضيع الطريق والدخلات والخرجات لكن برنامج ويز خوي ومايخليك البرنامج يعطي انه فيه اشغال بالطريق بس والباقي سالك الطريق واسع ثلاث مسارات ونظيف لا مطبات ولاحفر ولا تفاتيش والمنظر الملك لله خضرة بديعة يمينك ويسارك وين ماتلتفت تشوف الخضرة والاشجار بكل انواعها واشكالها واحجامها ودك توقف في كل مكان وكل زاوية وتحس من قوة الخضار انه يبي يطلع بالاسفلت https://www.arabtrvl.com/up/uploads/...5142225113.jpg https://www.arabtrvl.com/up/uploads/...5142225042.jpg بعد مسافة تقريبا خمسين كيلو تبدا محطات الوقود بالظهور على الجانبين طبعا خطوطهم مثلنا فيه شبك فاصل بين الخطين وحنا عندنا لوحات تحذر من وجود البعارين على الخط لكن هم عندهم لوحات تحذر من عبور البقر وايضا فيه اماكن لوقوف الدبابات المسافرين اثناء هطول الامطار قررنا نوقف بالمحطة منها نتزود بالوقود ومنها نشوف محطاتهم مثلنا او لا نظامهم الخدمات تجي اولا بعدين البنزين اول ماتدخل تشوف المحلات الصغيرة اللي تبيع الخضار والفاكهه والمأكولات والمشروبات وبعدين يجيك المصلى وكالعادة صغيرودورات المياة وانتم بكرامة نظيفة نوعا ما ثم تعبي بنزينك وتتوكل على الله تكمل طريقك https://www.arabtrvl.com/up/uploads/...9514891231.jpg https://www.arabtrvl.com/up/uploads/...5148912626.jpg https://www.arabtrvl.com/up/uploads/...5148912555.jpg https://www.arabtrvl.com/up/uploads/...5148912697.jpg https://www.arabtrvl.com/up/uploads/...5148912789.jpg https://www.arabtrvl.com/up/uploads/...5148912748.jpg https://www.arabtrvl.com/up/uploads/...5148912494.jpg https://www.arabtrvl.com/up/uploads/...5148912362.jpg https://www.arabtrvl.com/up/uploads/...5148912423.jpg في الطريق في لوحات تنبهك انك داخل منطقة فيها تصوير ساهر يعني تهدي وتركد لو انت مسرع وهي مسافة بسيطة وبعدين تجيك لوحة بانتهاء المنطقة في طريقي كنت اشوف لوحات لمرتفعات الكميرون وانا قبل قد شفت بعض التقارير عنها لكن طبعا ماجيتها وكانت المسافة قريبه جدا يعني ممكن تسكن في ايبوه وتروح كشته للكميرون من صبح لين المساء المسافة بين ايبوه وكولالمبور تقريبا 200كم قضيت 3 ساعات في الطريق مابين وقوف وصلاة ظهر بالمحطة وممشى على مهلي لين وصلت للفندق اللي حاجز فيه مدة 2يوم وهوفندق هفن ايبوه وهو يقع في ضواحي ايبوه وليس بعيدا عن ذا لوست وورد وفندق بانجران https://www.arabtrvl.com/up/uploads/...1418671210.jpg https://www.arabtrvl.com/up/uploads/...5141867039.jpg https://www.arabtrvl.com/up/uploads/...5141866917.jpg على نفس الطريق والمسافة تقريبا 5كلم المنطقة هادية جدا جدا ورايقة للي يدور الهدوء والروقان على نفس الطريق فيه مطعم ماكدونالدز يبعد عن الفندق 2كم تقريبا رايق وهادي دائما وايضا يوجد سوبرماركت جيانت ومحلات اخرى https://www.arabtrvl.com/up/uploads/...5141866745.jpg https://www.arabtrvl.com/up/uploads/...5141866826.jpg وصلت للفندق وعليه حراسة تدخل بالبطاقة كنت حاجز شقة من غرفة واحده مطلة على البحيرة والمسابح https://www.arabtrvl.com/up/uploads/...5142225438.jpg https://www.arabtrvl.com/up/uploads/...9514186674.jpg https://www.arabtrvl.com/up/uploads/...5141866623.jpg https://www.arabtrvl.com/up/uploads/...5141526792.jpg لكن لكن لكن الاستقبال الخاص بالفندق كان لهم رأي عجيب وغريب انا من شفت الاستقبال موظفة صينية وانا غاسلن يدي (دائما اغلب موظفين الاستقبال الصينين تعاملهم سيئ للغاية ويتعامل بفوقية عجيبة ويفترض دائما بانك جاهل بكل اللغات وانهم هم الاذكى والاحسن... إلا من رحم ربي) قالت بنعطيك شقة من 3 غرف .. لانه مافي عندهم شقة بغرفة واحده شاغره حسب حجزي قلت زين يعني الواحد يبي يتوسع لكن موب 3 غرف على طول لكنها ما امهلتني شوي حتى قالت لي بنعطيك شقة ب3غرف لكنك ماراح تستعمل غير غرفة وحده بس والباقي ماتدخلها ولا تقربها ولو استعملتها راح تدفع حق شقة ب3 غرف .. طبعا ما ادري اضحك او اعصب شلون استعمل غرفة والباقي ما اقربه شلون اقنع عيالي ان حدودكم هالغرفة وهل كل يوم بيفتشون الغرفة عشان يعرفون انا استعملتها او لا المهم رفضت العرض وقلت لهم بكل بساطة اعطوني الحجز اللي انا جاي عشانه عرضكم ذا ما ابيه راحت وجت وطلعت ونزلت وانا مصمم على طلبي ياحجزي اللي جاي عشانه او بقدم شكوى عليكم جاني موظف هندوسي من داخل ويقال له بيحاول يقنعني لكني مصمم لين جاني كبيرهم الصيني والظاهر انه المدير قالي تقدر تاخذ الشقة ام 3 غرف واستعملها كيف ماتبي وبنفس سعر الحجز الاول حق شقة بغرفة لكن للاسف نفسي انسدت عن هالفندق وماعاد ابيه لكن مضطر اتحمل عشان عيالي ما اخرب عليهم جوهم https://www.arabtrvl.com/up/uploads/...1415273310.jpg https://www.arabtrvl.com/up/uploads/...5141527249.jpg https://www.arabtrvl.com/up/uploads/...5141866521.jpg https://www.arabtrvl.com/up/uploads/...5141866572.jpg |
رد: ماليزيا... كل عام وإليك وجهتي .
وزاد الطين بله منظر البحيرة ولونها المخضر والمطحلب اللي يسد النفس. https://www.arabtrvl.com/up/uploads/...9514152728.jpg للانصاف ماعجبني بالفندق غير مسابحهم كبيره وحلوه وشغالة لين الساعة 10 بالليل وزين للمحجبات اللي يبن خصوصية فطورهم مافيه خيارات حتى عيالي جبت لهم كورن فليكس وحليب ماعجبهم اكل البوفيه طبعا أول الوصول نزلنا نستكشف مسابحهم كانت مناسبة وانبسطوا فيها عيالي https://www.arabtrvl.com/up/uploads/...5141526873.jpg https://www.arabtrvl.com/up/uploads/...5141527076.jpg https://www.arabtrvl.com/up/uploads/...5142225367.jpg إلى وقت المغرب أخذنا سيارتنا وعلى ماكدونالدز الخيار الدائم لنا بهالمكان تناولنا عشانا ورجعنا لشقتنا نوم بعد تعب هاليوم https://www.arabtrvl.com/up/uploads/...4951415275.jpg https://www.arabtrvl.com/up/uploads/...5141526954.jpg من ثاني يوم بعد تناول الفطور تجهزنا سريع و والنية الذهاب للعالم المفقود وأنا جالس أشرب قهوتي ننتظر إلى أن تصير الساعة 10 أراد الله أدخل المسافرون العرب واقرأ موضوع للأخ هاي مزمز عن الوساخة وعدم الاهتمام بمسابح العالم المفقود تشاورت أنا وأم العيال وقررنا نغير الوجهة للكاميرون ولعلها خيرة طبعا ارجع وأقول مادام السيارة معي أقدر أتحكم في جدولي وأغير وأبدل مثل ماأبي الطريق للكاميرون تقريبا ساعتين كله لفات كنك طالع الهدا بالطائف ويحتاج تركيز لكن مناظر ممتعة (الملك لله) ماتحسفت أبدا على إني غيرتي وجهتي لها https://www.arabtrvl.com/up/uploads/...5141866978.jpg https://www.arabtrvl.com/up/uploads/...5145767439.jpg الحين وصلت الكاميرون وماعندي وجهة معينة لكن من خلال قرائتي لتقارير الأخوان بهالمنتدى كل معلوماتي عنها إن فيها حدائق لافندر وحدائق فراولة ومزارع شاهي لكن وين أروح ومن وين اجي الطريق ماأدل لكن حاولت أتبع اللوحات إلى أن وصلت لحديقة اللافندر وجنبها حديقة الفراولة أسعار الدخول رمزية مكونة من جزئين دور اول كله زهور وورود من كل شكل ولون واماكن للتصوير https://www.arabtrvl.com/up/uploads/...9514364759.jpg https://www.arabtrvl.com/up/uploads/...5145767378.jpg https://www.arabtrvl.com/up/uploads/...5145767327.jpg https://www.arabtrvl.com/up/uploads/...5145767286.jpg https://www.arabtrvl.com/up/uploads/...5145767225.jpg https://www.arabtrvl.com/up/uploads/...5145767164.jpg https://www.arabtrvl.com/up/uploads/...5145767093.jpg https://www.arabtrvl.com/up/uploads/...5145767012.jpg https://www.arabtrvl.com/up/uploads/...5145766931.jpg https://www.arabtrvl.com/up/uploads/...1452450410.jpg https://www.arabtrvl.com/up/uploads/...5145244989.jpg https://www.arabtrvl.com/up/uploads/...5145244685.jpg والدور الثاني مزرعة الفراولة اذا حبيت يعطونك سله صغيره وتقطف اللي تبي وبعدين يوزنون اللي بالسلة وتدفع قيمة لهم وفيه بنقالي حبيب يستقبلك بابتسامة يدلك وين الفراولة المستوية والزينه https://www.arabtrvl.com/up/uploads/...5145767510.jpg وتطلق عياللك للهجوم ويعطونك مقص عشان تقص الفراولة تجربة ممتعة خصوصا للأطفال. https://www.arabtrvl.com/up/uploads/...5145244766.jpg https://www.arabtrvl.com/up/uploads/...5145244847.jpg https://www.arabtrvl.com/up/uploads/...5143646961.jpg https://www.arabtrvl.com/up/uploads/...1429966810.jpg https://www.arabtrvl.com/up/uploads/...9514299669.jpg https://www.arabtrvl.com/up/uploads/...5143647083.jpg https://www.arabtrvl.com/up/uploads/...5145244918.jpg https://www.arabtrvl.com/up/uploads/...5145244472.jpg https://www.arabtrvl.com/up/uploads/...5145244533.jpg https://www.arabtrvl.com/up/uploads/...9514524464.jpg بعدها طلعنا ندور مزرعة الشاهي وطبعا ماأبي إلا BOH https://www.arabtrvl.com/up/uploads/...5143647428.jpg لكن طريقها عذاب ورعب وضحك عذاب بالتعرجات الخطيرة جدا وشي مسفلت وشي محفر ومكسر رعب لان الطريق ضيق جدا لدرجة فيه اماكن ماتمشي فيه غير سيارة ولو تواجهت سيارتين لازم وحده منهن ترجع عشان الثاني يمشي وضحك لانهم حاطين ناس من نفس الشركة على نقاط معينه تمر من عنده يكلم خوية قدام عشان يوقف السيارات لين تمر انت حالتنا حاله هاك اليوم https://www.arabtrvl.com/up/uploads/...5145244431.jpg https://www.arabtrvl.com/up/uploads/...1442096610.jpg لين وصلنا للمزرعة وانا مدري اضحك او اشيل هم الرجعه https://www.arabtrvl.com/up/uploads/...5144209517.jpg https://www.arabtrvl.com/up/uploads/...5144209619.jpg https://www.arabtrvl.com/up/uploads/...5144209578.jpg |
رد: ماليزيا... كل عام وإليك وجهتي .
قالوا لي توك المزرعة والمقهى فوق ويوم اني ناظرت واشوف الطريق اللي بنمشية والطلوع ومنظر الناس اللي طالعين ونازلين طلعنا الشكوى على الله لين وصلنا فوق وانت تمر من خلال مزارع الشاهي اللي على شكل مدرجات واللي حصلناه فوق مقهى مطل على مزارع الشاهي بمنظر جميل ورائع ماودك تروح عنه وتحصل جميع انواع الشاهي البارد والحار وغيره طب وتخير خذيت لي براد على المطل وزرنا متحف الشاهي ومعرض يبيع كل انواع ونكهات الشاهي المكان فيه برودة جميلة كنك بالشفا يالله من فضلك. https://www.arabtrvl.com/up/uploads/...5144209446.jpg https://www.arabtrvl.com/up/uploads/...5144209273.jpg https://www.arabtrvl.com/up/uploads/...5144209314.jpg https://www.arabtrvl.com/up/uploads/...5144209385.jpg https://www.arabtrvl.com/up/uploads/...5144209121.jpg https://www.arabtrvl.com/up/uploads/...1436475810.jpg https://www.arabtrvl.com/up/uploads/...5144209212.jpg https://www.arabtrvl.com/up/uploads/...5142996183.jpg https://www.arabtrvl.com/up/uploads/...5142996254.jpg https://www.arabtrvl.com/up/uploads/...5142996325.jpg https://www.arabtrvl.com/up/uploads/...5142996386.jpg جلسناإلى الساعة 5ونص بعدها رجعنا ايبوه وتقابلنا سحابة ومطر طول الطريق ياربي لك الحمد نستنا تعب الطلوع والنزول https://www.arabtrvl.com/up/uploads/...5145826361.jpg https://www.arabtrvl.com/up/uploads/...5142996061.jpg https://www.arabtrvl.com/up/uploads/...5142996122.jpg وعلى ماك نتناول غداء وعشاء في نفس الوقت واول مارجعا الفندق وبما إنها آخر ليلة حبينا نستمتع بمسابح الفندق والميزة الحلوة إنها تظل إلى الساعة 10 بالليل ايبوه مدينه صغيره حالمه فيها سوبر ماركت كبير (جيان) فيه كل شي تبيه وفيه طبعا ستاربكس ومحلات متنوعة ابو 5 وابو 2 رنقت طقطه اذا بغيت شي او احتجته القيادة فيها امنه لا مشاكل كعادة كل المدن التي زرتها عدد السكان فيها قليل ماحولك زحمه او ازعاج والامان فيها عالي ولله الحمد. وبعدها نوم لبداية أجمل جزء برحلتنا بينانج الكاميرون تجربة حلوة لكن ما أفكر بالسكن فيها يكفيني أقضي نهار يوم فيها وأرجع لايبوه خصوصا مافيها نشاطات إلا اللي يحبون الهدوء يمكن تناسبهم . . . . المغادرة لبينانج ... |
رد: ماليزيا... كل عام وإليك وجهتي .
كان فيه واحد اعتقد مصري أو يمني اسمه عبدالله العام الماضي واللي قبلة لكن هالمرة لقيت سوري اسمه عمر بدالة يساعدون في اللغة والترجمة والاسئلة والاستفسارات ولو انك ماتحتاجهم كثير لكن سبحان الله يمكن يحصل شي أو شي .. كان الحجز فيه جناح مطل على البحر لمدة 9 ليالي مع الافطار انا والزوجة ولكنهم ضمو الاولاد لنا بدون مقابل انهينا الاجراءات وتوجهنا للجناح وطلبت يكون نفس جناح العام اللي بالدور الخامس لكن قالوا مشغول لكن نعطيك نفسه بالدور الرابع دخلنا الجناح واسع ومريح بالنسبة للي معاه أطفال مثلي ( غرفة نوم أساسية مع حمامها وغرفة ثانية جلوس مع مكتب https://www.arabtrvl.com/up/uploads/...6189536982.jpg https://www.arabtrvl.com/up/uploads/...9618953691.jpg وفيها سرير إضافي وبعد بحمام وأنتم بكرامة وبلكونة كبيرة مطلة على البحر والمسابح https://www.arabtrvl.com/up/uploads/...1892263910.jpg https://www.arabtrvl.com/up/uploads/...6189226339.jpg https://www.arabtrvl.com/up/uploads/...6186527065.jpg https://www.arabtrvl.com/up/uploads/...6186527126.jpg https://www.arabtrvl.com/up/uploads/...6186762972.jpg https://www.arabtrvl.com/up/uploads/...6186763063.jpg https://www.arabtrvl.com/up/uploads/...4961865274.jpg https://www.arabtrvl.com/up/uploads/...6186526923.jpg https://www.arabtrvl.com/up/uploads/...9618329679.jpg https://www.arabtrvl.com/up/uploads/...6183296497.jpg https://www.arabtrvl.com/up/uploads/...6183296456.jpg https://www.arabtrvl.com/up/uploads/...6183296375.jpg https://www.arabtrvl.com/up/uploads/...6183296254.jpg https://www.arabtrvl.com/up/uploads/...6183296193.jpg https://www.arabtrvl.com/up/uploads/...6183482142.jpg بعدها طلبوا العيال النزول للمسابح لكن قلنا أول نتغدا وغداء سريع من ماك المقابل للفندق (ميزة انه مقابل لك حذفة حصاة ماتعوق).. بمجرد ماتخرج من بوابة الفندق بالواجهة https://www.arabtrvl.com/up/uploads/...6189537256.jpg بعدها للمسابح هجوووم أولهم أنا وأخرنا ابو 3 سنين .. https://www.arabtrvl.com/up/uploads/...6185361021.jpg https://www.arabtrvl.com/up/uploads/...6185361274.jpg https://www.arabtrvl.com/up/uploads/...6185361193.jpg https://www.arabtrvl.com/up/uploads/...6185737951.jpg https://www.arabtrvl.com/up/uploads/...1837097210.jpg https://www.arabtrvl.com/up/uploads/...9618329668.jpg في هالوقت حسيت اني ماش معي قل صح اصلن انا جاي لماليزيا وكان معي تعب في صدري وكحة شديدة وزادت علي في هاليوم وكان لازم اني اروح لمستشفى او عيادة وياشين انك تتعب أو تمرض في السفر أو اي احد معك من أفراد الرحلة. سألت في الاستقبال عن أقرب مستشفى أو مستوصف قالوا لي عندنا عيادة طبية موجودة في الفندق مايحتاج تروح لاي مكان ومجهزه هي تفتح من 7 صباحا لين 5 عصرأ لكن الدكتور مايجي الا من 2 الى 4 العصر وباقي الوقت تكون موجودة الممرضة تقوم باللازم لو كان الحالة بسيطة أو مستعجلة .. ناظرت الساعة واذا هي 4.30 عصرا قلت خيرة بكرة نراجعهم الامر سهل ان شاءالله. ثاني يوم كان موعد تسليم السيارة للأسف ... وكان لازم اروح للمطار اسلمها في مكتب هرتز عبيت بنزين فل لاني اخذتها فل ووصلت المطار الساعة 11.30 وموعد التسليم الساعة 10 لكنهم حليلين ماقالوا شي الأجراءات سهله وبلغوني ان التأمين راح يرجع للبطاقة بعد شهر وهو ماحصل فعلا وكلمت البنك قالوا هذا اجراء عادي جدا.. خذيت تكسي ورجعت للفندق رحت للعيادة كان باقي 30 دقيقة على وصول الدكتور لقيت ممرضة ماليزية عجيز الله يسعدها مسلمة سولفت انا وهي وجابت لي الحيين والميتين سواليييف كانت تشتكي بعض الاحيان من بعض تصرفات العرب وعدم حرصهم على عاداتهم وتقاليدهم وعدم محافظتم على الصلاة اعوذ بالله فهمتها انهم قلة قليلة جدأ لايجب ان تحكم على الكل وأننا لسنا ملائكة فهناك نماذج مشرفة جدا للاسلام والعادات والتقاليد وهناك غير ذلك كان حلمها تحج الله يكتب لها حج بيت الله يارب ولكل مسلم.. المهم وصل الدكتور (هندوسي) لكنه شاطر كشف علي وقال عندي اللتهاب في صدري واحتاج مضاد حيوي وشراب كحة وجلسة بخار لمدة 3 ايام كل هذا كلفني 300 رنقت .. ماليزيا لا تختلف في اسعار العلاجات والادوية عن السعودية ومستشفياتهم الحكومية كشفهم بسعر رمزي وزحمة يمكن يجيك الدور أو لا حسب كلامهم طبعا لم اجرب والله لايكتبها عليكم ولا علينا وللامانه 3 ايام والممرضة تتصل على الغرفة وتطمن على صحتي . بعد العيادة رجعت للغرفة ومستغرب العيال وامهم كل شوي متصلين وينك ومتى توصل ماهي العادة ووصلت وعرفت السبب الفندق مسوين احتفالية خاصة لي بمناسبة عيد ميلادي جايبين كيكة وعصيرات وبطاقة جميلة https://www.arabtrvl.com/up/uploads/...9618884513.jpg https://www.arabtrvl.com/up/uploads/...6188845174.jpg كاتبين فيها عبارات لطيفة وتهنئه لي بهالمناسبة وانا والله ماعلمتهم بالتاريخ لكن يبدو انهم شافوه من الجواز سبق وان (اسكوت) في كوالالمبور العام الماضي سوو لي احتفالية علبة شوكولاته وبطاقة تهنئه لكن قولدن ساندس كانو اطلق. فدعنا بالكيكة انا وعيالي وكملنا على المسابح مسابح الأطفال تقفل الساعه 6 نظامنا اليومي بعد هالوقت ناخذ دلة القهوة والحلى وعلى الشاطئ وجلسة لين المغرب https://www.arabtrvl.com/up/uploads/...6186763154.jpg كل الاماكن والحدائق في بينانج زرتها في زياراتي السابقة لها لذا قررنا تكون اقامتنا فقط للراحة والاستجمام وكل يومين ننزل لسوق قرني بلازا نتغدى ونتسوق نروح بالباص ونرجع بالباص وهذي عادتي في بينانج لا استخدم التاكسي الا في اضيق الحدود. محطة الباص أمام بوابة الفندق ( ماأقولكم كل شئ حول الفندق ) https://www.arabtrvl.com/up/uploads/...6185738052.jpg https://www.arabtrvl.com/up/uploads/...6185738143.jpg عيالي شايفينها متعه ركوب الباص ماعمرهم جربوها بديرتهم الله يديم النعمة على بلادنا عادة يكون الباص مزدحم في الرجوع يمكن لاني ارجع بعد الظهر وهووقت ذروة لاني اشوف طلاب المدارس يركبون الباص معنا. لكن مايخالف تجربة ممتعة . https://www.arabtrvl.com/up/uploads/...1834828110.jpg https://www.arabtrvl.com/up/uploads/...6183482365.jpg https://www.arabtrvl.com/up/uploads/...6183482466.jpg https://www.arabtrvl.com/up/uploads/...6183709183.jpg https://www.arabtrvl.com/up/uploads/...6183482274.jpg https://www.arabtrvl.com/up/uploads/...9618370912.jpg https://www.arabtrvl.com/up/uploads/...4961837091.jpg |
رد: ماليزيا... كل عام وإليك وجهتي .
نظام يومنا المعتادكالتالي : نصحى الساعة 7 وعلى مانجهز وننزل للفطور 7 ونص روقان نحاول نتحاشى الزحمة اللي تكون عادة من 9 إلى 10 فطورهم منوع ويناسبنا كخليجيين وخدمتهم رائعة الكل مبتسم وخدوم فطور القولدن ساندس هو ثاني اجمل فطور بعد الصن واي لاقون https://www.arabtrvl.com/up/uploads/...6186526771.jpg https://www.arabtrvl.com/up/uploads/...6187188958.jpg https://www.arabtrvl.com/up/uploads/...6187189019.jpg https://www.arabtrvl.com/up/uploads/...1871891210.jpg https://www.arabtrvl.com/up/uploads/...6187188735.jpg https://www.arabtrvl.com/up/uploads/...9618718841.jpg https://www.arabtrvl.com/up/uploads/...9618718886.jpg https://www.arabtrvl.com/up/uploads/...6187188492.jpg https://www.arabtrvl.com/up/uploads/...6187188583.jpg https://www.arabtrvl.com/up/uploads/...6187188664.jpg https://www.arabtrvl.com/up/uploads/...1867636110.jpg https://www.arabtrvl.com/up/uploads/...6186763539.jpg https://www.arabtrvl.com/up/uploads/...6186763458.jpg https://www.arabtrvl.com/up/uploads/...6186763367.jpg https://www.arabtrvl.com/up/uploads/...6186763296.jpg https://www.arabtrvl.com/up/uploads/...6186763235.jpg نهاية الجزء الأول من زيارة بينانج |
| الساعة الآن 02:23 AM |
Powered by vBulletin™ Version 3.8.7
Copyright © 2012 vBulletin ,
هذا الموقع يتسخدم منتجات Weblanca.com
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2026 DragonByte Technologies Ltd. Runs best on HiVelocity Hosting.