منتديات رياض الأنس

عذاب النار اهون من عذاب اليل
ومن احجي بصراحه ليش تتعجب
عذاب النار بس للمذنب بدنياه
وانه بلا ذنب ليليه اتعذب
كل ذنبك يكلبي بهالزمن حبيت
شسويلك ياكلبي انت ماتنحب
صوج بهلوكت لو انت بيك الصوح
يلعشت بزمن عن كل زمن اصعب
تره العاش بفطرته بهلوكت ينداس
يتزحزح عن مكانه العايش مهذب
بنات بهلوكت يختارن الحلوين
ومن يكبل عليهه تشوفه مرتب
كون مسوي كذله وتلكه بيده سوار
ومن تنظر عليه كلادته مذهب
دور بالعلم روح اسال الفيزياء
اقره الجاذبيه تلكه معنى الحب
علاقه جاذبيه عشك بين ثنين
علاقه جاذبيه عاجب ومعجب
كلب بس للشعر والوعه والحسرات
كلب وبصدر غيري من زمان نذب
كل حسره من جره وياهه اجر اقسام
احس مو ريه شايل صدري بي مشجب
كل حسره بغيابك من اجره
اخذ عزريل روحي ومني جره
نجار لغرفتك من نجرهه
ماكله ظميره شصاربيه
مشه ظلي الاظلن بيه والفاي
وصرت مثل العلاقه صفر والفاي
راح من الاوده وراح ولفاي
وحيد وفرحت الشمات بيه
الشاعر احمد الياسري
العراق