منتديات رياض الأنس - تقرير رحلتي لمصر بين يديكم

منتديات رياض الأنس (http://www.riyadelounss.com/vb/index.php)

- رِيَاض إبْنُ بَطُوطَة لِسْيَاحَة والسَفَر (http://www.riyadelounss.com/vb/forumdisplay.php?f=25)

- - تقرير رحلتي لمصر بين يديكم (http://www.riyadelounss.com/vb/showthread.php?t=8229)

تقرير رحلتي لمصر بين يديكم

السلام عليكم

اقدم لك تقرير زيارتنا السريعة لمصر واتمنى يعجبكم ان شاء الله

في يوم الاثنين 19 ماي انطلقنا من الزلفي الساعه 9 الصبح باتجاه الرياض طبعا مايحتاج اصور لكم

الطريق غبار وما تشوف شي فما صورت شي وصلنا الرياض الساعة 11 ونص وقلطنا عند واحد من

الربع وتقهوينا عنده وصلينا الظهر والعصر جمع تقديم وطلعنا منه الساعه 1 متوجهين الى مطار

الملك خالد (الله يرفع درجاته بالجنة)

هذي بوابة المطار
https://www.travelzad.com/photo/files/424812.jpg

وصلنا المطار

https://www.travelzad.com/photo/files/424813.jpg

انهينا اجراءات التسجيل بسرعه فائقة خلال نصف ساعه واللي قدامنا بس 4 أشخاص لاننا جايين بدري
طبعا وحنا بالسرا ننتظر دورنا كل شوي يجي مصري يسأل معكوش عفش بالشحن نقوله لا يقول

عاوز اشحن الشنط دي بإسمكم ونعتذر منه اننا طالعين واشنطن ومصدقين الشباب . يعني

انتبهوا لاتاخذون عفش احد وتبلشون بمشاكل انتم بغنى عنها . دخلنا صالة المغادرة ننتظر الاعلان

عن الرحلة وهذي طيارتنا

https://www.travelzad.com/photo/files/424814.jpg

ولاحظوا وراها طيارة مقلعة ابا سوي نفسي يم الدريشة على التوقيت الزين بلقط الصورة .

ركبنا الطيارة وكانت من النوع القديم يعني ما فيه ترفيه بس ماهيب مشكلة مادامت الدعوى

ساعتين نقطعها بالسوالف

https://www.travelzad.com/photo/files/424815.jpg

وبعد ما حركت الطيارة وقفنا شوي عند المدرج تعرفون زحمة طيران يقلع تسع طيارات بنفس

الوقت ما قدامنا الا طيارة وحده وتهرب من الزيوت

https://www.travelzad.com/photo/files/424816.jpg

اللي قهرني اني قايل للموظف نبي مكان زين نبي نصور وما قصر حطنا باحسن مكان على الجناح

جابوا لنا الغدا
https://www.travelzad.com/photo/files/424817.jpg

سبحان الله لاحظوا اختلاف التضاريس وياليت من يعرف وش هالمدينة اللي داخل المثلث

https://www.travelzad.com/photo/files/424818.jpg

هذي مزارع تبوك

https://www.travelzad.com/photo/files/487959.jpg

بعدين وزعوا علينا بطاقات الدخول

https://www.travelzad.com/photo/files/424819.jpg

لاحظوا من اللي طابع الكروت انا مدري وش دخلهم

https://www.travelzad.com/photo/files/424820.jpg

وصلنا الى سيناء وهذا خليج العكبة

https://www.travelzad.com/photo/files/424821.jpg

https://www.travelzad.com/photo/files/424822.jpg

وهذا خليج السويس اعتقد اسمه كذا
https://www.travelzad.com/photo/files/424823.jpg

دخلنا صالة القدوم وكانت زحمة بس ماطولنا 10 دقايق وحنا طالعين
https://www.travelzad.com/photo/files/424824.jpg

وهنا الناس اللي يستقبلون وتبي تسمعون صوت العياط والزغاريد .
https://www.travelzad.com/photo/files/424825.jpg

اول مرة زرت مصر كانت عام 94 وهذي ثاني مرة

واتذكر كلام ابو سلطان في تقريره يوم يقول لاتصدق كل ما يقال بمصر ابا اقول لكم هالقصة اللي

صارت لنا في الزيارة الاولى :

كنا ثلاث شباب وكانوا يصدقون كل شي تقريبا المهم كنا نتمشى في شارع جامعة الدول العربية

ومرينا جنب محل وكان مكتوب على باب المحل بخط صغير بادارة كبتن عطار قلت لهم خلوا ندخل

هالمحل ودخلنا وسألت الموظف وين الكبتن عطار قال بالدور الثاني طلعنا عنده وسلمت عليه

وقلت عرفتني بدون تردد قال امال ايه فاكرك وانتا صغير أد كده هوه والعيال طايره عيونهم وهم يدرون

اني أول مرة أجي لمصر جلسنا عنده شوي وطلعنا قلت للعيال تتوقعون اني اعرفه

قالوا أكيد قلت لهم انه نصاب ولا يعرفني ورجعتهم عند باب المحل وقلت أقروا المكتوب على الباب .

ومن بعدها ما عاد صدقوا شي .

نرجع لرحلتنا

هنا التكاسي عند الباب والتوصيل ب70 قنيه للبلد

https://www.travelzad.com/photo/files/424826.jpg

طبعا حنا تنتظرنا سيارة خاصة بتوصلنا للفندق

أهي العربية الخاصة صغننة تسفطنا بها وتلاحظون توسعة المطار الجديدة وهي على وشك تخلص

https://www.travelzad.com/photo/files/424827.jpg

في الطريق

https://www.travelzad.com/photo/files/424828.jpg

https://www.travelzad.com/photo/files/424829.jpg

مسجد جديد على الطريق ما بعد افتتح تصميمه رائع

https://www.travelzad.com/vb/images/.../wol_error.gifهذه الصورة تم اعادة تحجيمها . الحجم الافتراضي لها هو 800x1067.https://www.travelzad.com/photo/files/487960.jpg

فندق هيلتون النيل

https://www.travelzad.com/photo/files/424830.jpg

وهذا فندقنا رمسيس هيلتون واحب بهاالمناسبة ان اشكر حبيب ألبي كب كب على فزعته معنا

ولايهون صاحبنا ....... يعرفه كب كب .

https://www.travelzad.com/photo/files/424831.jpg

دخلنا الفندق وكان سعره 170 دولار الليلة بدون فطور وكان مزحوم الفندق وفيه ازعاج شوي

هذي الغرفة

https://www.travelzad.com/photo/files/424832.jpg

اطلالة الغرفة على 6 أكتوبر

https://www.travelzad.com/photo/files/424833.jpg

صلينا المغرب والعشا ونزلنا نشتري كرت تلفون وكانوا نصابين كالعادة محل يبيع كرت فودا فون ب70

قنيه ومحل ب30 فلا تستعجلون ويتفلسفون يقول الخط ده سوبر دردشه . المهم أخذنا كرت ب30

قنيه وشحناه بخمسين والولد صاحب الكشك قاعد يسوي اعدادات الشحن حول لرصيد جواله 15

جنيه والغبي جتني رساله تقول انه نجح التحويل

سألناه ليه حول قال ما حولت وهذي خطأ من الاستعلامات وقفل جواله أدق عليه مقفل حاسبنا

ومشينا .:mh1313:

انتظرونا بالاجزاء القادمة والله يعينكم علي اخوك اكسل واحد بالتقارير اسبوعين علشان احمل

الصور ولا بعد قضيت .

رد: تقرير رحلتي لمصر بين يديكم

مشينا من صاحب بطاقات التلفون وطلعنا للحسين

هذا جامع الأزهر

https://www.travelzad.com/photo/files/424477.jpg

وهنا جينا منطقة للحسين فيها مسجد الحسين وفيه قبر يقولون انه له ويضحكون على الناس وفيه من الشركيات مالله بها عليم الله يهديهم .

هذا مسجد الحسين

https://www.travelzad.com/photo/files/424478.jpg

https://www.travelzad.com/photo/files/424479.jpg

https://www.travelzad.com/photo/files/424480.jpg

وهنا جلست الفيشاوي وهي مقهى في ممر ضيق يجيبك تكة الخلق من الزحمة والحر والدخان المعفن

https://www.travelzad.com/photo/files/424481.jpg

https://www.travelzad.com/photo/files/424482.jpg

رحنا ندور مطعم فرحات الله لايعيده خويي يقول عليهم أكل ومن أنظف المطاعم جاملته ورحنا

لفرحات ومن زينهم حاطين هاللوحة

https://www.travelzad.com/photo/files/424483.jpg

المقبلات الله يديم النعمة

https://www.travelzad.com/photo/files/424484.jpg

ولاحظوا اللي بالكاس مرقة الحمام

الطبق الرئيسي محشي حمام والحمامة مغطوسة بزيت محروق وفصفصت الحمامة للي بالصورة

وفضلت الجوع على أني آكلها

https://www.travelzad.com/photo/files/424485.jpg

وخليتها من نصيب الضيوف اللي تحت الكراسي

https://www.travelzad.com/photo/files/424486.jpg

على بال ما يتعشى رفيقي قعدت أقرا لوحات المحلات وصورت لكم هالصورة

https://www.travelzad.com/photo/files/424487.jpg

بعد العشا رجعنا للفيشاوي وطلبنا شاهي وانبهكم الى انهم يكثرون السكر في الشاهي فاللي

ما يحب السكر عند الطلب يقول لهم السكر برا

وانت جالس يزعجونك الباعة المتجولين واذا بغيتو تشترون لاتستعجلون كاسروا واخسفوا بالاسعار تراهم يبيعون

مثلا كابات عرضهم علينا 30 جنيه للحبة ونزلناه للخمسة جنيه ولا شرينا ولو نبي نشتري نزلناه لنص جنيه بس تبي طول بال شوي .

هذا الشاي وانتبهوا تشربون ماهم اشربوا موية صحه وتأكدوا انها مغلفة بعد

https://www.travelzad.com/photo/files/424488.jpg

هالطفلة المسكينة من نماذج الاستعطاف حتى تشتري

https://www.travelzad.com/vb/images/.../wol_error.gifهذه الصورة تم اعادة تحجيمها . الحجم الافتراضي لها هو 800x1067.https://www.travelzad.com/photo/files/424489.jpg
رجعنا للفندق وجينا من ورا صاحب الكشك اللي اشترينا منه البطاقة ودقيت عليه جوال ورد علي قلت أخبارك ياباشا

ويرد تما م مين معايا قلت له طلع الخمسطعشر قنيه وبص وراك يوم التفت وشافني بغى يغمى عليه ويجي اللي جنبه

بالكشك ايه فيه ايه لازم يسوون هالاسلوب قلت الحرامي هذا سرق 15 جنيه يرجعها هالحين والا لي تصرف ثاني

وترى والله ما همتنا القيمة بس علشان نأدبه طلع خويه بطاقة شحن 10 جنيه وقال خوذوها بدل اللي أخذ قلت باقي 5 جنيه

ترجانا نمسحها بوجهه ومسحناها بوجهه .

ودخلنا الفندق ونمنا .

رد: تقرير رحلتي لمصر بين يديكم

هذي اطلة الفندق الصبح
https://www.travelzad.com/photo/files/422259.jpg

وميزة في مصر ماتسمع صوت بوري السيارة أبد كنك بعشة حمام من الهدوء وكملها تحت الفندق موقف الباصات يعني

انس تسمع ازعاج أبد .
https://www.travelzad.com/photo/files/422260.jpg

المتحف واضح من اطلالة الفندق بس النخلة اللي ورا ما ادري وين محلها من الاعراب
https://www.travelzad.com/photo/files/422261.jpg
برضه هذي من اطلالة الغرفة
برج القاهرة
https://www.travelzad.com/photo/files/422262.jpg

لاحظوا القلعة بأخر الصورة
https://www.travelzad.com/photo/files/422263.jpg

وهذي ميزة الادوار العليا تشوف كل شي . بس عيبها لو شب حريق تتورط ما يمديك تنزل وان طبيت رحت ملح
نزلنا من الغرفة وطوالي للمسبح قلت استغل الفرصة دام مابه أحد واصوره لكم
المسبح صغير مرة
https://www.travelzad.com/photo/files/422264.jpg

https://www.travelzad.com/photo/files/422265.jpg
كرسي أعجبني عند المسبح
https://www.travelzad.com/photo/files/422266.jpg
-------------------------------------------------\

طلعنا من الفندق الى شارع القصر العيني لان عندنا موعد في احد المكاتب هناك وقبل الموعد قررنا نفطر بواحد من
المقاهي الشعبية هناك ... انا ما فيه أمل آكل أكلهم مريت على بقالة وأخذت توست وجبن مثلث ورحنا المقهى وطلبنا
شاهي ولاتستغرب تشوف نشارة خشب بالارضية علشان تتشرب الما والشاي اذا انكب على الارض طبعا

أغلب الشعب مدخن ويدخن أردى الانواع الله لايبلانا وما تسمع بالمقهى الا بربرة هالارجيلة .
أفطرنا وطلعنا للمكتب جلسنا عنده من 11 الى 1 ورجعنا للفندق وصلينا الظهر والعصر
ونزلنا للمراكب اللي تودي للقناطر ( تسمع بالمعيدي خير من ان تراه ) حجزنا ذهاب وعوده بخمسة قنيه
https://www.travelzad.com/photo/files/422267.jpg

هذي الجلسة الداخلية للي يبي المكيف
https://www.travelzad.com/photo/files/422268.jpg
وأفضل شي الجلسة بالسطح برادات وجو رائع
بعد ما تحركنا
https://www.travelzad.com/photo/files/422269.jpg
الصورة تعبر عن نفسها
https://www.travelzad.com/vb/images/.../wol_error.gifهذه الصورة تم اعادة تحجيمها . الحجم الافتراضي لها هو 800x1067.https://www.travelzad.com/photo/files/422270.jpg
هيلتون جنب كونراد بس ما أدري هي شقق أو فندق
https://www.travelzad.com/photo/files/422271.jpg

رد: تقرير رحلتي لمصر بين يديكم

وشفت هالسرب قلت ابا اصير مثل يم الدريشة

https://www.travelzad.com/photo/files/460604.jpg

وصياد مشغول بشبكته

https://www.travelzad.com/photo/files/460605.jpg

وصلنا الأناطر

https://www.travelzad.com/photo/files/460606.jpg

تنزل من العبارة وتمشي في الطريق الضيق اللي في الصورة

https://www.travelzad.com/photo/files/460607.jpg

وبنهاية الطريق تقابلكم التوك توك والحنطور والريحه الله يكرمكم :112: وزيادة شمس

بدينا بالتفاوض مع صاحب حنطور واخذناه بـ15 جنيه بعد ماكان بالبداية يقولنا بـ40

يعني لاتستعجلون https://www.travelzad.com/vb/images/smilies/11ight.gif طبعا كانت الرحلة تشمل مشتل ومباني نسيت اساميها

واهم شي الشلالات .

فور رينت
https://www.travelzad.com/photo/files/460608.jpg

هذي القناطر وهي عبارة عن حواجز للتحكم بحركة الماء

https://www.travelzad.com/photo/files/460609.jpg

https://www.travelzad.com/photo/files/460610.jpg

طبعا فيه ناس ساكنين في القناطر وكل بيت تلقاهم حاطين زير لتبريد الماء وسبيل جزاهم الله خير

https://www.travelzad.com/photo/files/460611.jpg

https://www.travelzad.com/photo/files/460612.jpg

هنا يوقف الحنطور علشان تستانس بالشلالات :2111:

يرفعون الحديد الحاجز وويطلع صوت للما ويقولون شلالات :109:

https://www.travelzad.com/photo/files/460613.jpg

القوارب للايجار ونلاحظ تسميات مختلفة لجذب الزبون مثل النجم السعودي وبعضهم حاط اعلام دول الخليج

https://www.travelzad.com/photo/files/460614.jpg

طبعا كل صاحب حنطور وتوك توك يصير متفق مع صاحب مطعم وبوفية ويبدون يسردون لك

انا حوديك احلى مطعم في مصر كلها ومن هالكلام حتى يفوز بالنسبة .

كان الجوع متعبنا وقلنا نجرب المطعم الكبير والمزحوم في القناطر وخود بالك عند الحساب :109:

جينا نغسل ايدينا وما قدرنا ندخل من الريحة الله يكرمكم ولاتغركم البوية الجديدة :109:

https://www.travelzad.com/photo/files/460615.jpg

المينيو والا سعار وفيه ضريبة ممكن تتلغي بـ5جنيه للجرسون

https://www.travelzad.com/photo/files/460616.jpg

https://www.travelzad.com/photo/files/460617.jpg

طلبنا

https://www.travelzad.com/photo/files/460618.jpg

طبعا وجبتني راحت للي بالصورة

https://www.travelzad.com/photo/files/460619.jpg

ماقلت لكم ابا اصير يم الدريشة

https://www.travelzad.com/photo/files/460620.jpg

وحدة من قاعات الافراح بالأناطر

https://www.travelzad.com/photo/files/460621.jpg

وبعدين مشينا من الاناطر وكان الجو محلو

https://www.travelzad.com/photo/files/460622.jpg

واحد من البيوت وحنا راجعين تمنيت اني ادخله واشوف بساطتهم وطيبتهم

https://www.travelzad.com/photo/files/460623.jpg

بطريق الرجعة تشوف مداخن واجد تشبه هاللي بالصورة وهي اللي يصنعون فيها الطوب

https://www.travelzad.com/photo/files/460624.jpg

https://www.travelzad.com/photo/files/460625.jpg

احد مسببات الامراض في مصر وهي النباتات اللي تتجمع فيها المياه وتركد وتصير بيئة مناسبة للميكروبات

ولاحظو الطيور وش كثرها معششة في هالمكان

https://www.travelzad.com/photo/files/460626.jpg

https://www.travelzad.com/photo/files/460627.jpg

جلسات على النيل

https://www.travelzad.com/photo/files/460628.jpg

وكوفي ثاني مع صيد سمك

https://www.travelzad.com/photo/files/460629.jpg

يبنون سفن

https://www.travelzad.com/photo/files/460630.jpg

ساكن فيها لين تجهز

https://www.travelzad.com/photo/files/460631.jpg

وصلنا القاهرة ولله الحمد ونصيحة لا أحد يهوب ناحية الأناطر ماتستاهل المشوار

https://www.travelzad.com/photo/files/460632.jpg

وعند الغروب يكثر باعة المكسرات عالنيل

https://www.travelzad.com/vb/images/.../wol_error.gifهذه الصورة تم اعادة تحجيمها . الحجم الافتراضي لها هو 800x1067.https://www.travelzad.com/photo/files/460633.jpg

واعذرونا على القصور . وان شاء الله نكمل التقرير باسرع وقت