منتديات رياض الأنس - محلاك يالحنا على كفوف غطروف ....

محلاك يالحنا على كفوف غطروف=
=ياليت كفه صافحنه اكفوفي
حورية(ن) عندي عن البيض به نوف=
=في وصفها شفي وغايت شفوفي
رسمة خظابه كنها تنطق حروف=
=وكن الزمرد فوق بيض الكفوفي
ومحلا جبين(ن)كنه البدربوصوف=
=بشراقته بعد انجلاي الخسوفي
ومقذل(ن) من عالي المتن منسوف=
=كنه يداعب عاليات الردوفي
وزم النهود اللي تحت طرق نفنوف=
=يبين لوكثرعليه الفوفي
كن الزبيدي بالصدرتوه اوقوف=
=بول نبوته قبل حر الصيوفي
وحور(ن) هدبهن يرسل ارماح وسيوف=
=ومحاجر(ن) تسلب معاليق جوفي
انا بحب موردالخد مشغوف=
=مولع (ن)مع الودود اللطلوفي
تتل قلبي تل غصن (ن)بشفشوف=
=اللي توميبه هبوب العصوفي
احبها حب الموالف المولوف=
=اهيم في طاريه واقوم وألسوفي
دايم وفكري شارد الذهن مخطوف=
=وان جيت بااحاكيه يزود خوفي
اخاف لايصدف مع الهرج صادوف=
=وان اعتذرته مارضي بمحلوفي
اغليه واجله وداريه واروف=
=مثل العيون اللي بها نور شوفي
أنالذي مغرم بحبه ومكلوف=
=خفي قلبي ترجمنه حروفي
الغايه انه ساكنٍ(ن) مهجت الجوف=
=بين الظلوع الناحلات الهدوفي
انا بحب معذب الروح ملهوف=
=أعاوي اللي طول ليله يحوفي
أساهر السرحان بقفاي ووقوف=
=ومن دون وصله يمنعني ضروفي
أهديه من شعري زهر ورد وقطوف=
=واقول عسى منطق القاف يوفي
أجواي من دونه لفح قيض وحفوف=
=وأكن عبرات الزمان الجحوفي
تقول يدخل داخل العين سفسوف=
=ولا الشناذر بالنظير محذوفي
وارجيه رجوى اللي ورى السجن موقوف=
=واعوذ من صبر(ن)ماهوبمخلوفي
واطلب كريم(ن) جمل العين بالشوف=
= يجمع بشمل اهل القلوب الوفي