منتديات رياض الأنس - بسم الله مبدى عزتي واعتزازي ....

منتديات رياض الأنس (http://www.riyadelounss.com/vb/index.php)

- - بسم الله مبدى عزتي واعتزازي .... (http://www.riyadelounss.com/vb/showthread.php?t=2587)

بسم الله مبدى عزتي واعتزازي ....

بسم الله الرحمن الرحيم
هذاي قصيده تنقلت بها الى مواضيع امل إن تحوز
على اعجابكم واستحسانكم/أخوكم خليل مسفر الطلوحي العنزي

بسم الله مبدأ عزتي واعترازي=
=من قدم اسم الله في سيرته فاز

يا الله ياوالي عليك ارتكازي=
=يامنزل القرءان ويات الاعجاز

خلقت خلق(ن)مختلف ومتوازي=
=متعافي ومريض ومغنى ومعتاز

احد ايلا حق جفلات الجوازي=
= واحد مسيره با العصا فوق عكاز

مثبت رواسيها من الاهتزازي=
=حتى يجي يوم الوعدوقت الاجهاز

تفرج لقلب(ن)من حوانيه قازي=
=كنه يصارع بين هاجم وحجاز

لياذكرربع(ن) اكرامً اعزازي=
=يشب شبت ولعت(ن)ناشت القاز

ولياعذلت القلب ماهوبعازي=
=قلبً على حب المشاهير منحاز

من غيرهم وضعي يجيه انهزازي=
=مثل الذي يمشي على غير ماجاز

إن ناض برقً ناض قلبي وهازي=
=فزت صغير لشوفت الام معتاز

أبا اتلزأ مار ما ني بلازي=
=عن ماتحب النفس وش لون ابا التاز

عن بعض هقواتي يقصر انجازي=
=ماجتلي الدنيا على كيف ماعتاز

ودي على تلت جديد الطرازي=
=جيبً على كل المقاييس يمتاز

ليانهمته مع خطات الغرازي=
=نوضت اقطامي با المناكب لياهاز

وان صارمابين الهلا ش وجرازي=
=كنه هجومي ينتظر صيحة ألعاز

وليا تسند وعتدل برتكازي=
=كنه وحش لاعه من الملح وزاز

نوزات حرً جاهزً للزازي=
=يخلفك عن لمست اعكالك لياناز

مع ديرت(ن)ماشيل فيهاجوازي=
=ديرت اجدود وموطن(ن)لبن عناز

من حدنا با الشام الى ارض الجازي=
=وعيال وائل ماتواطى للحراز

انزولهم مثل الحزوم النوازي=
=تجيرالجاروللعدو سم لكاز

مثل الجبال النايفه ماتهازي=
=ليا انهز كل الكون عناز ينهاز

تشتد هقوا تي وفخراعتزازي=
=يوم إن لي ربع(ن)قويين وعزاز

من الوطن وعلى الوطن مانرازي=
=والله ما نبيع أترابها بزل شيراز

ما يشكناهرجت بغيض انتهازي=
=ضحوك وجه وللعراقيب خراز

يبي يسوي له فخرومتيازي=
=وعود العشر ماينصنع منه معناز

اليوم من راحت وقوت المغازي=
=طلع خشاش(ن)قام يكسب ويحتاز

الكذب يوقع با الردى والمهازي=
= الكذب عمره ما ستر حال معواز

الكذب مفتاح الردى والمخازي=
=مايغيّرالتاريخ كاذب ولماز

كنه بقول الزور موزيه وازي=
=يطلع من غور ويختفي وسط دهلاز

الكذب خيبة من نجحبه وفازي=
=يعود هيكل صورت(ن)وسط برواز

الشاعر /خليل مسفر الطلوحي

ماأروع شعرك
قرأتها العديد من المرات
لروعتها و الكلمات المميزة التي تحملها قصيدة
شاعر مبدع حقا
تحية

قصيدة رائعة في كلماتها وجميلة في معانيها وراقية في مفرداتها
اسجل اعجابي بما جال فيه قلمك المبدع
تحياتي

شاعر يستحق ان نقف له محيين ومرحبين
قصيدة تستحق الاشادة و التقييم و التحية
مودة

اقتباس:

المشاركة الأصلية كتبت بواسطة آفــرَاح (المشاركة 25361)

ماأروع شعرك
قرأتها العديد من المرات
لروعتها و الكلمات المميزة التي تحملها قصيدة
شاعر مبدع حقا
تحية

اهلاوسهلا اختي افراح

مروركِ اروع اختِ نورتي متصفحي

اشكركِ على الاشاده لاخلاولاعدم ياعزيزتي

امنتكِ الله من كل شر

اقتباس:

المشاركة الأصلية كتبت بواسطة محمد العتابي (المشاركة 25381)

قصيدة رائعة في كلماتها وجميلة في معانيها وراقية في مفرداتها
اسجل اعجابي بما جال فيه قلمك المبدع
تحياتي

هلافيك اخوي محمد العتابي

الرائع مرورك يالغالي لاهنت كل الشكر على الاعجاب الذي زادني شرف وعتزاز

دمن برعاية الله

اقتباس:

المشاركة الأصلية كتبت بواسطة آماني (المشاركة 25472)

شاعر يستحق ان نقف له محيين ومرحبين
قصيدة تستحق الاشادة و التقييم و التحية
مودة

الاخت العزيزه اماني اف هلاومرحبا

اشكركِ وممنون لهاذا الحس الاخوي والذوق الراقي لاخلاولاعدم

ياخت وبنت الابطال

دمتِ برضا الرحمن

كلمات عذبه واحساس مرهف كالعاده ابداع فى اسلوبك الراقى
دمت بهذا العطاء
احترامى لسموك الكريم