ضمى الترحال في أرض الطبيعة والجمال (النمسا 2009)

جتنا موجة هواء بارد وقوي مع رشات مطر خفيفة وتشوف العالم هجيج

























تشوفون هنا اثار الامطار









وعادت الحياة مرة اخرى









هنا باب الكتدرائية....دخلتها وحمدت ربي على نعمة الاسلام



وهذي الدريشة





صورة اخرى

تكــــــــــملة فيينا وحواريها

نبدا بهالوجه الصبوحي :

يوم هدا الجو شوي مرينا على محل ايسكريم روعه ...والآيسكريم في النمسا حكاااايه

هذا هو المحل على شارع ستيفنز..وزين اذالقيت لك طاولة فاضية

ظربنا بهالعكسريم لين دخنا وقمنا تقول قايمين من مفطح : قلنا هالحين عاد نبي نهظظظظم ومترنا حواري فيينا
اليكم لقطات من جولتنا في المدينة

ثمن مشينا ودعوسنا لين طحنا على ذالمكان ..اللي يعجبني في فيينا هو الطراز المعماري الفريد والتماثيل المصنوعة
بفن واتقان ...شي عجيب :114:

وهذا مسوي فيها موزارت ..هو وهالبوية ..اقول هني من صبغ راسه ازرق جابة ورزّه في مدرجات النصر ابرك له من هالوقفه :

نفس المكان

بعدها مشينا لين حسينا اننا بنطلع من فيينا خخخخخ

فلسفة لاختبار اداء الكاميرا اعجبني لون الدباب واللذي شكل لوحة فنية بوقوفه خلف السيارة الفضية
<<بدت الفلسفة :

وهنا لو كان لون البي ام احمر اوووووووووه بتطلع فعلا لوحة فنية وهو تضاد الالوان والادوار

<< اثر عليه السهر :

وكملنا مشوارنا ومشينا مشينا مشينا بحثا عن اقرب محطة مترو ومابعيوننا الا الفندق ..لين جينا

عند هالمعلم وجنبه كافي ..تكينا في الكافي وتقهوينا وسألنا العامله ودلتنا على اقرب محطة اندرقراوند بابتسامه من الاذن للأذن ... ياطيبكم يالشعب النمساوي

على فكرة يااخوان .. ان اغلب الاكشاك اللي تشوفونها بالشارع يشتغل فيها عرب ...مصريين وتوانسه

وهذا اللي لاحظته خلال فرفرتنا ذاك اليوم (:

الوكاد مشينا لين وصلنا محطة اندرقراوند مقابل هالكتدرائية هذي

بعدها رجعنا للفندق

نتوقف معكم هنا ونكمل في الحلقة القادمة جولة في قصر الشنبرون وصور سترونها لأول مرة في زاد المسافر...كونوا معنا

السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين

عدنا لكم لاكمال ماتبقى من يوميات نمساويه وموضوعنا هذه الحلقة عن

((قصــــــــــــــــر الشــــــــــــو نبــــــرون))

هذه بعض المعلومات عن القصر

( من أهم المعالم السياحية بفيينا , قصر (( شونبرون )) الذي يعني النبع الجميل , ويقع هذا القصر في قلب فيينا , وكان مقراً للإمبراطور النمساوي (( فرانز جوزيف )) (1830-1916) .
وقد تحول القصر في وقتنا الحاضر إلى متحف يُعرض فيه أثاثه الفاخر ونفائسه ، وتتميز مُعظم جدران حجراته بأنها منقوشة بالذهب الذي يخطف الأبصار , وإذا زُرت هذا القصر سوف ترى المخدع الذي كان مُخصصاً للإمبراطور الفرنسي (( نابليون بونابرت )) حين كان يأتي إلى القصر هو وزوجته (( ماري لويز )) ليزور حماه فرانز الأول إمبراطور النمسا في ذلك الوقت .
ويبلغ عدد غُرف قصر شونبرون نحو ألف وخمسمائة غرفة عدا عشرات القاعات والصالونات والحمامات ، ومن أهم الغرف تلك المخصصة لعرض المجوهرات الرائعة لأباطرة النمسا )

المعلومات منقوله

طبعا التصوير داخل القصر ممنوع ..لاتتوهق

قبل الصور اود ان اشير الى ان تذاكر الدخول انواع

تستطيع التعرف على انواع التذاكرمن هنــــــــــــــا

بالنسبة لنا اخذنا النوع الثاني 40 غرفة بــ 12 يورو و90 سنت

ادعكم مع الصور

هنا باب الدخول الخارجي

وهنا اخوكم ضمى يحييكم من ذلك الموقع

وهنا نافورة في الحوش
<< حوش....اقول لايكون مستضيفينك في حلقة هذي حياتي انت وخشتك :

الصورة اللي فوق لاحضوا اللوحات الحمرا اللي ورى النافوره ..من هنا دخول القصر وقص التذاكر

النافورة هذي طاح فيها الترايبود حق الكاميرا ..وغطست وجبته :

الحين نجي للمفاجأة...

طبعا زي ماقلت لكم التصوير ممنوع وعليه قص رقبه في القصر
لكن اخوكم أبى الا ان يصور لو يصير مايصير ...دسيت الكاميرا وطلعت الجوال

وهذا اللي طلع معي على السريع

وهذا الزي الرسمي للجيوش آنذاك << حلوه آنذاك (:

هذي غرفة الامبراطور ..وهذا سريرة وصورته قبل يغز كراعه << يعني قبل يفطس :(

وهنا صاله تحححفه صراحة

حسبت ماقريت ان هالصالة مطليه بالذهب

من احد شبابيك الغرف

الصورة هذي كل ماشفتها مت من الضحك: ...اتحداكم تعرفون ليش :114:

بقول لكم ليش....شوفوا الصورة السابقة ...تشوفون اللي لابس ابيض في اخر الصورة..هذا كبير المشرفين على القصر
واللي وضيفته كفش المصورين :
يعني
<<< الاخ هذا مجرم مع سبق الاصرار والترصد :

انا شفته قبل اصور لكن قلت هي خاربه خاربه والله وانا اظغط على زند الكاميرا واقبسها بوجهه :

المهم كلم احد المشرفات بالجهاز اللاسلكي وجت لزقت فيني ليييييين طلعت من القصر :2111:

..........................................

المهم طلعنا من القصر من الجهة الثانية..جهة الحديقة والمعلم اللي عند البحيرة ....تعالوا نشوفها في الرد التالي

وفاااالكم طيب

طلعنا من الجهة الاخرى للقصر

ومن هناك التقطت هذه الصور اتمنى ان تحوز على رضاكم واستحسانكم وان ترتقي الى ذائقتكم

هذي النافوره الاولى واستغربت انها طافيه ..وقلت لخويي غريبه طافيه انا متأكد اني شايف لها صور
وهي شغّاله :114:

كملنا صعودا الى البحيرة والمعلم اللي فوق ..والطريق متعب جدا ..يعني اللي ماعندهم لياقه زيي لايوهق عمره

منظر عكسي وتشوفون الشنبرون هناااااااك

قربنا نوصل

بعد ماوصلنا النهاية رجعنا ..ولقيناهم مشغلين النافورة اللي قلت لكم في البدايه انها طافيه

بعدها تعبت شوي قلت ارتاح..وانا جالس على الكراسي اعجبتني التماثيل وصورتها لكم

هالصورة تعنيلي الكثير

جازت لي فكرة تصوير التماثيل
وهالصورة تجسد بر الوالدين..جعلنا الله واياكم بارين بوالدينا

..............................

في الحلقة القادمة ستكون جولتنا في جبل الكلين بيرق وملاهي البلاتر

كونوا معنا

السلام عليكم ورحمة الله وبركاته

اليوم ستكون حلقتنا عن ملاهي بلاتر ومرتفع كالين بيرق

كان ذلك اليوم شاقاً للغاية..حيث بدأ بالشونبرون مرورا على الكالين بيرق وانتهاءً بملاهي بلاتر

((صح على فكرة فيه صورتين للشونبرون ماحطيتها في الحلقة اللي فاتت ومنقهر عليهم صراحة
يعني لااااازم لزوم تشوفونهم ))

الحيييين ارتحت :

وش كنا نقول......ايه يقع مرتفع كالين بيرق أو لنقل مطل فيينا في آخر محطه في مسار U4 والتي اسمها HUTTELDORF

الحدث المأساوي اللذي حصل لن ذاك اليوم هو اننا اتبعنا تعليمات احد الاعضاء في احد منتديات السفر
الصديقةوللأسف كانت معلوماته مضروبه حيث كان واضعا خريطة للاندرقراوند موضحاً بها شرح الاماكن السياحية في فيينا من ضمنها جبل الكالين بير لكن شمسوي ...كان عاكس مكان الجبل ..بمعنى انه كان موضحا
ان مكان الجبل في محطة Hutteldorf اللي هي اخر محطة في المسار الاخضر لكن الوجهة خطأ
حيث ان المكان الصحيح في المحطة العكسية لهذه المحطة الا وهي HUTTELDORF

خلونا احوّل عامّي احس الفصحى عقدتني :

الوكاد راح الوقت وحنا ننتظر باص 38 ذا متى يشرفّ... ولاله نيّه يجي ..:114:

.يعني تنقعنا تنقيعه يحبها قلبك وكلها بسبب غلطة من اخونا الله يجزاه خير..ادري ماهو قاصد يحط معلومه غلط لكن شوفوا وش صار معنا بسببها :2111:
المهم ونسأل اللي بالمحطه ولااحد اعطانا علمن وافي لين سألنا ذاك الاسمراني اللي يبيع جرايد وقال روحوا
آآآآآآآخر محطة من المسار الاخضر هذا( يقصد محطة HUTTELDORF):112:

ونطمر على الاندرقراوند ونروح لآخر محطة ونطلع لموقف الباصات وشوي الا وباص 38 جاي

والله وننط داخل وحرّك يااسطااااا
طبعا محد سألنا عن التذاكر سواء بالروحة او الجية
لكن العجيب اني في النهاية عرفت ان مو من حقنا نركب الباص تدرون ليش....لأن معنا تذاكر للاندرقراوند فقط
يعني مايشملنا الباص يعني بذمتكم وش بيكون موقفنا لو هم مفتشين على التذاكر ذاك اليوم :(

فعلا بلد يمشى على الامانه والنظام ..يعني انت وذمتك ..مو زينا التذكرة تمر على 90 موظف :

طبعا الباص يمر على محطات وكل شوي واقف يحممل رككاب والعكس

لين ماوصلنا المنطقة المطلوبه ..اعتقد انها المطلوبه قلت لخويي انزل هذا مكاننا

حصلنا مطعم ومقهى واحد العاملين اعتقد مصري او مغربي ماني متاكد الوكاد قال وش تبون قلنا هاااااااااااااااااااااااااات

المنيو كلللللله خخخخخخخخخخ والله ماانسى ذاك الجوع ياجماعه ..صدق جانا جوع يهودي:(

طلبنا رز ولحم ويدامات وببسي وحنا نقوووووووووول بهم :

كان الجو بااارد جدا في المكان والمطر يرش وكنا جالسين في الطاولات الخارجية

قلنا مايبيلها حكي خلنا نكمل داخل بس...

اخليكم مع الصور

هنا موقف الباصات في الاعلى

وهذا مطعمنا

وهذي لقطة اخرى

هنا كانت جلستنا حيث الهواء الطلق والعليل ..بس فيه بروده شوي

وهنا بعد ماهجينا من المطر

اردنا اخذ جوله في المكان فلم نستطع من شدة البروده

هذي مزارع العنب

صورة اخرى للمطعم من الجانب

بعدها رحنا ننتظر الباص لان التعب والبرد لعبو فينا ..وورانا ملاهي بلاتر

...

الجدير بالذكر اكتشفت ان النقطة اللتي كنا بها ليست هي قمة كالين بيرق وانما هي محطة تسبقها قليلا

يظهر انها مهي مكتوبه لكن المكان كان رائع وقدر الله وماشاء فعل والعوض بالجايات ان شاء الله

بعد الجولة في الشنبرون وشبه الكالين بيرق: رحنا للفندق للاستنشاط والذهاب الى ملاهي بلاتر

مرحبا احبتي

أسعد الله مسائكم بكل خير

سنستكمل معكم مابقي من ليالي الانس في المدينة الساحرة فيينا

ومن يذكر الحلقة الماضية يعلم اننا كنا في جب الكالين بيرق وانتهى حديثنا بالضبط حين كنا في طريق

العودة الى الفندق قبل الذهاب وتكلمة السهرة في ملاهي البلاتر

فمن هذه النقطة نسرد ليكم ماحدث في تلك الليلة

من جبل الكالين بيرق خرجنا متجهين الى الفندق للاستحمام واستعادة النشاط وتغيير الملابس وماالى ذلك

وصلنا الى محطة الشتاد بارك بعد المغرب ( العاشرة مساءً) ومااجمل النمسا حيث النهار طويل جدا مما يساعد

السائح لزيارة اكثر من مكان في يوم واحد وهذا ماحصل معنا حيث ان مدة اقامتنا في فيينا يومين ولكن اعتقد

اننا زرنا اغلب الاماكن السياحية المشهورة في تلك المدينة في هذين اليومين

اترككم مع هذه اللقطات حين وصولنا الفندق

دخلت وخذيتلي دش ووقفت عند دريشة الغرفة انتظر خويي يجهز

قمت اناظر للحديقة ..الشوارع...الارصفة...الانارة...الناس الرايح منهم والجاي...وعيني تفيض دمعا لفراقك يافيينا

فغدا الفراق وغدا اعلان الوداع .. تأملوا اخوتي هذه الصور وتخيلوا انفسكم العاشق الذي ينظر الى حبيبه

آخر النظرات قبل وداعه....انه تماما شعوري في ذلك الوقت

كل تلك المشاعر والمحاسيس تبددت وتلاشت وتبخرت على صوت خويي وهو يقول ( مشينا ياولد):2111:

قلت ياااأخ العرب ماتشوفني في قمة الانتشاء العاطفي والاستجياش الرومنسي يااخي حل عني

دنا بكرهك بكرهك بكرهك إيييييييييييييييء اهئ اهئ إييييييييي << تابعونا في رمضان على قناة زاد المسافر :

نزلت انا وابوفيصل للاندرقراوند واتجهنا لمحطة Praterstern اللي هي ملاهي بلاتر او براتر كما يسميها البعض

لما تطلع من محطة الاندرقراوند في المحطة اللي ذكرتها قبل شوي بتشوفون الملاهي من بعيد

تمشي لين توصلها ..طبعا وصلنا الملاهي في الحادية عشرة مساءً

اخليكم شوي تعيشون الجو مع الصور التاليه

اقتربنا اكثر

أكثر

أكثررررر

طبعا دخول الملاهي مجاناً اما الالعاب مهي مجانا

تضامنا مع اخواننا ذوي الاتصال السلحفي ..نتوقف هنا ونكمل معكم بعض صور الالعاب في تلك الملاهي بعد الفاصل

كونوا معنا

دخلنا الملاهي واسمع صراخ على يساري واناظر الا وهالناس طايرين ويصايحون واصكهم بصورة



والتفت يمين واخذ لكم هذي الصورة



ولما تناظر قدام تشوف هذا المنظر



واليكم الصور من خلال تجوالنا في الملاهي











وهذي غرفة الرعب





وهذي لعبتن قشرا

وهذي لعبة تصدع بالراس من سرعتها وحركتها المتداخله خخخخخ

مو بس تجيب الصداع الا تسبب ضمور في خلايا المخ :

قللت من سرعة الغالق في الكاميرا وطلعت معي هالصورة لنفس اللعبة

نأتي الآن الى مرياع الألعاب في جميع الالعاب .((مرياع = عمدة : )

الاضاءه المتعددة والمتقلبه والعجيبه في هالملاهي تخششك جو غصب
في الصورة السابقة احمر وهنا بنفسقي (:

وانا في مكاني قمت اتفلسف بالكاميرا وقلت خلني اصور في سرعة غالق ابطأ عشان ادمج اللونين..طلعت معي هالصور الغريبه

وذي صورة لنفس الصورة اللي تجيب الماغص أقصد الصداع..اللي قلت لكم عنها في البداية :

وهذي اعتقد انها أخرع لعبة في الملاهي...والله انهم اذا شلعوا فوق اني يااااالله اشوفهم غير كذا بسرعة البرق

انا خفت وانا ماركبتها :

وهذي صورة للتعبير عن مدى سرعتها

وهذي الخضاضة ياحبني لها

دخلنا الملاهي واسمع صراخ على يساري واناظر الا وهالناس طايرين ويصايحون واصكهم بصورة

وهذا حبيب الشعب ..غطااااغ الموت :

هذي لعبة النبيطة ..يحطونك في ذالمغاط ويمغغغطونك ويصورونك هههههههههههه يعني يمسخرون فيك :
<< عسى منت مراسل صحفي بس على هالوصف :

وهذي تفظخ التسبد من الخورعه

وهذي لعبة سباق السيارات ياحليلها عند الدفشات اللي قبل شوي

بعدها خرجنا متوجهين للفندق والتعب والارهاق لاعب فينا لعب ... والله اني ياالله امشي وعيوني سكّرن غصب

اختم معكم جولة بلاتر بهالصورة ...هذي وحنا طالعين الساعه الواحدة الا عشرا صباحا

<<اول مره اسهر فيها لهالوقت :(

بعد كذا رحنا للفندق وفي طريقنا للفندق شفنا تصرفات همجية من السكارى اعاذنا الله واياكم منهم ومما يشربون

واحرررص على عدم الذهاب للملاهي او اي مكان في النمسا في وقت متأخر لكثرة المخمورين خصوصا لذوي

العوايل

يعني 9 وانت في فراشك يابعد خشمي

ذهبنا للفندق لتجهيز اغراضنا استعدادا للسفر ..فغدا رحلتنا الى سالزبورغ

الى ان نلتقي في الحلقة القادمة تقبلوا مني ارق التحايا

احبائي الكرام ...اسعد الله صباحكم ومسائكم بكل خير وموده

هاهي اكفي تصافحكم من جديد وفي حلقة جديدة من حلقات تقريرنا عن معشوقة الملايين النمسا الساحره

في الحلة الماضية انتهينا واياكم من جولتنا في ملاهي البلاتر

وكما تعلمون انها كانت اخر ليله تجمعنا بفيينا

عدنا من الملاهي في الواحدة والنصف صباحا وهذه هي اول مره اسهر بها خلال رحلتي الى النمسا

كان نصب عيني الفراش الوثير والتكييف المركزي الرائع في غرفتنا في فندق الانتر

عند وصولنا الى الفندق وبلا مقدمات ارتميت على السرير وفي نفسي انطباع رائع عن ذلك اليوم الممتع

وماهي الا لحظات حتى غطست في سبات عميييييييق ( وجه نايم ) :

استيقضنا مبكرين في اليوم التالي وجهزنا الامتعه والشنط ونزلنا متجهين الى مقر الافطار في الفندق

اليكم هذه الصور في تلك الاثناء

هنا اللوبي

اول ماتطلع من اللفت تخلي الرسبشن على يسارك وتمشي ليييين يجي على يسارك باب اسود

هذا باب بوفيه الافطار

بسم الله ندخل

تلف يسار وتشوف هالمنظر

تمشي لين تدخل مكان البوفيه

تناظر يمين تشوف هذا المنظر

تناظر يسار تشوف ادوات الشاي

اخليكم مع باقي الصور فهي تعبر عن نفسها

هذا احد الطباخين