"إحنا شچانا "

[عطالله دلول]

***
شچانا غير الخلگْ
چلب الگهر بينا ما عاف
طگْ الخشم دم
ضيم وگهر مو رعاف
دمع عيني صب
ونسينا ضحچة الشفاف
***
ذاك الضمير شعجب
لا رجف صحا وخاف
شعجب بس وطنّا
تكدر بالدم طاف
وطنّا يا سيد الأوطان
للداني وگاصي حاف
***
وگعه بدين اشباه الزلم
بمگياس الزلم أنصاف
مشرع ديوانه للعرب
لو جار الزمن ضاف
لا تسامح يا وطن العافك
بضيمك غارگ وعاف
***
يا گبلة طهر وشرف
يا شهامة وعزه وأنصاف
لا تحزن يا وطن لأبد
يحبونك أهلك للأشراف
صدگ الحگ منتصر
رباح بتالي المطاف
***
يا وطن يا گاع الخير
فرات يناغي صفصاف
يبچي ويعن عليك
النهر ويجاوب الغراف
نخل يسامر طرفا
وگصب يرگص للأطراف
***
شعر
خالد عبد الجبار الفرج