محدش عارف

[بكاء بلادموع]

السلام عليكم ورحمة الله وبركاته

اسعد الله اوقات الجميع

مطر خفيف بالعاميه المصريه
ولهجتي الصعيديه


محدش عارف


محدش عارف ان الحزن بالكيله
والجراح تلاليس
تقيله علي محزم القلب يا شيله
ومصكوك عليك يا هوى بالمتاريس
معروف هتعيشها متغرب
100 ليله في الليله
معروفه موته وهتموتها
موته فطيس

يا راضي بمقسوم همك
ربك قالها في كبد هتعيش
وهتفرح لو التراب لمك
من عيشة التهميش

عيشها ببساطه يا قلبي
منا طول عمر الهم دا صاحبي
عارفه من وانا عودي اخضر
علي التراب يحبي
ولا عمري خبيت عليه فرحه
ولا عمره كان في عيني متخبي

عيشها بالرضا يا عمري
واطلع كل يوم علي الغيط
وفي القياله يا همي اجري
وخدني معاك تحت شجرة سنط
نلعب بقرضها الحنضل
ونرسم بيه علي ارضنا 100 خط

خط عمر وخط هم
وخط فرح مش باين
وخط الغربه يا طوله
ما باين له اول ولا آخر
وخط الوجع فاجر

بيضحك علي كل الخطوط في الارض
بيضحك علي كل دقه في قلبي ونبض
يا دنيا منا عايشك بالطول وبعرض

ومتقسم علي حدودك
ولا مره علي ترابك
علي نفسي بتلم
ولما بلاقيني علي حدودك
بلاقيني سايح دم
بلاقيني سايح دم


17 يناير 2019

بقلمي ياسر ابراهيم
بكاء

http://www.youtube.com/watch?v=UmFNp94UFCw

[عاشقة الأنس]

رائع جدا أستاذ بكاء بلا دموع
صح لسانك وسلمك الله
ودي لك

[آماني]

سلم الحرف وطاب حسك ونبضك
مودة

[آفراح]

كلمات رائعة
صح لسانك وسلمت وصح نبضك
تحية

[محمد العتابي]

كلمات جميلة ورائعة

يسلمو على الطرح

[علاء فلسطين]

الله ما أروعك استاذ ياسر
لقد ذكرتني بقصيدة الرائع هشام الجخ
ابدعت برغم الجرح
تقديري

[بكاء بلادموع]

أسعدكم الله أحبتي
وكل عام وأنتم بخير